О внесении изменения в постановление Правительства Республики Казахстан от 24 ноября 2023 года № 1031 «Об утверждении Правил и требований въезда (ввоза) на территорию Республики Казахстан автотранспортных средств, зарегистрированных в компетентном органе другого государства, и их эксплуатации на территории Республики Казахстан» Қолданыста

«Басқа мемлекеттің құзыретті органында тіркелген автокөлік құралдарының Қазақстан Республикасының аумағына кіруі (әкелінуі) және оларды Қазақстан Республикасының аумағында пайдалану қағидалары мен талаптарын бекіту туралы» Қазақстан Республикасы Үкіметінің 2023 жылғы 24 қарашадағы № 1031 қаулысына өзгеріс енгізу туралы Қазақстан Республикасы Үкіметі ҚАУЛЫ ЕТЕДІ:

1. «Қазақстан Республикасының аумағына басқа мемлекеттің құзыретті органында тіркелген автокөлік құралдарын әкелу (кіргізу) және олардың Қазақстан Республикасының аумағында пайдаланылу қағидалары мен талаптарын бекіту туралы» Қазақстан Республикасы Үкіметінің 2023 жылғы 24 қарашадағы № 1031 қаулысына мынадай өзгеріс енгізілсін: көрсетілген қаулымен бекітілген Қазақстан Республикасының аумағына басқа мемлекеттің құзыретті органында тіркелген автокөлік құралдарын әкелу (кіргізу) және олардың Қазақстан Республикасының аумағында пайдаланылу қағидалары мен талаптарында 2-тармақтың 5) тармақшасы мынадай редакцияда жазылсын: «5) Қазақстан Республикасының аумағында халықаралық қозғалыстағы автокөлік құралы – Қазақстан Республикасында тұруға ықтиярхаты жоқ шетелдік немесе азаматтығы жоқ адам пайдаланатын және бір мезгілде мынадай шарттарға сәйкес келетін автокөлік құралы: тұрғылықты жері немесе болатын жері Қазақстан Республикасынан тыс жердегі жеке немесе заңды тұлғаға тиесілі; Қазақстан Республикасында тіркелмеген; Қазақстан Республикасына уақытша әкелінген. Автокөлік құралын Қазақстан Республикасынан тыс жерде тұрғылықты тұратын Қазақстан Республикасының азаматы пайдаланса және: оның меншігінде болса; Қазақстан Республикасында тіркелмесе; Қазақстан Республикасына уақытша әкелсе, ол Қазақстан Республикасының аумағында халықаралық қозғалыстағы автокөлік құралы деп саналады;».

2. Осы қаулы алғашқы ресми жарияланған күнінен бастап қолданысқа енгізіледі.