О внесении изменения в постановление акимата города Туркестан «от 26 декабря 2019 года № 1894 Об установлении единого тарифа на регулярные автомобильные перевозки пассажиров и багажа в городском сообщении по городу Туркестан» Күшін жойған

Түркістан қаласы әкімдігінің «2019 жылғы 26 желтоқсандағы № 1894 Түркістан қаласындағы жолаушылар мен багажды қалалық қатынаста автомобильмен тұрақты тасымалдаудың біріңғай тарифін белгілеу туралы» қаулысына өзгеріс енгізу туралы «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 31 бабының 2 тармағына, «Құқықтық актілер туралы» Қазақстан Республикасының 2016 жылғы 6 сәуірдегі Заңының 26 бабына сәйкес, Түркістан қаласының әкімдігі ҚАУЛЫ ЕТЕДІ:

1. Түркістан қаласы әкімдігінің 2019 жылғы 26 желтоқсандағы №1894 «Түркістан қаласындағы жолаушылар мен богажды қалалық қатынаста автомобильмен тұрақты тасымалдаудың біріңғай тарифін белгілеу туралы» (Нормативтік құқықтық актілерді мемлекеттік тіркеу тізілімінде №5341 тіркелген, 2019 жылғы 31 желтоқсандағы Қазақстан Республикасының нормативтік құқықтық актілерінің электрондық түрдегі Эталондық бақылау банкінде жарияланған) қаулысына мынадай өзгеріс енгізілсін: Көрсетілген қаулының 2-тармағындағы «Жолаушыларға, егер ол жеке орын алмаса, өзімен бірге жеті жасқа дейінгі бір баланы тегін алып жүру құқығы берілсін және 7 жастан 15 жасқа дейінгі балаларға жол жүру құжатының (билетінің) толық құнының елу процентін төлеу осы қаулының 1 тармағында көрсетілген көлемінде белгіленсін» деген сөздер «Жеті жасқа дейінгі балаларды, егер ол бөлек орынға ие болмаса тегін тасымалдау және 7 мен 15 жас аралығындағы балалар үшін осы қаулының 1-тармағында көрсетілген жол жүру құжатының (билетінің) жалпы құнының елу процентін төлеу құқығы берілсін» деген сөздермен ауыстырылсын.

2. Түркістан қаласы әкімдігінің «Жолаушылар көлігі және автокөлік жолдары бөлімі» мемлекеттік мекемесі Қазақстан Республикасының заңнамасында белгіленген тәртіппен:

1) осы қаулының «Қазақстан Республикасының Әділет Министрлігі Түркістан облысының Әділет департаменті» Республикалық мемлекеттік мекемесінде мемлекеттік тіркелуін;

2) ресми жарияланғаннан кейін осы қаулыны Түркістан қаласы әкімдігінің интернет-ресурсында орналастыруын қамтамасыз етсін.

3. Осы қаулының орындалуын бақылау қала әкімінің орынбасары М.Базарқұловқа жүктелсін.

4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі. «Келісілді» Түркістан қалалық мәслихатының хатшысы Ғ.Сарсенбаев