О внесении изменений в решение Алматинского областного маслихата от 26 апреля 2024 года № 20-95 «Об утверждении Правил создания, содержания и защиты зеленых насаждении Алматинской области» Қолданыста

«Алматы облысының жасыл екпелерін жасау, күтіп-баптау және қорғау қағидаларын бекіту туралы» Алматы облыстық мәслихатының 2024 жылғы 26 сәуірдегі № 20-95 шешіміне өзгерістер енгізу туралы Алматы облыстық мәслихаты ШЕШІМ ҚАБЫЛДАДЫ:

1. «Алматы облысының жасыл екпелерін жасау, күтіп-баптау және қорғау қағидаларын бекіту туралы» Алматы облыстық мәслихатының 2024 жылғы 26 сәуірдегі № 20-95 шешіміне мынадай өзгерістер енгізілсін: көрсетілген шешіммен бекітілген Алматы облысының жасыл екпелерін жасау, күтіп-баптау және қорғау қағидаларында: 39-тармақ мынадай редакцияда жазылсын: «39. Ағаштарды кесуді рұқсат беру рәсімдеріне сәйкес уәкілетті органның рұқсаты бойынша осы жер учаскесіне қызмет көрсететін ұйымдар жүргізеді.»; 58 тармақ мынадай редакцияда жазылсын: «58. Қазақстан Республикасы Үкіметінің 2006 жылғы 31 қазандағы № 1034 қаулысымен бекітілген Өсімдіктер мен жануарлардың сирек кездесетiн және құрып кету қаупi төнген түрлерiнiң тiзбесiне енгізілген жасыл екпелер заңсыз жойылған (кесілген) не олардың құрып кетуіне алып келген бүлінген жағдайда – бір жүз еселенген мөлшерде жүзеге асырылады.»; 59 тармақ мынадай редакцияда жазылсын: «59. Қазақстан Республикасының өсімдіктер дүниесіне келтірілген залалдың мөлшерін Қазақстан Республикасы Экология және табиғи ресурстар министрінің міндетін атқарушының 2023 жылғы 23 ақпандағы № 61 бұйрығымен бекітілген Қазақстан Республикасының өсімдіктер дүниесін күзету, қорғау, қалпына келтіру және пайдалану саласындағы заңнамасын бұзудан келтірілген зиянның мөлшерлерін есептеуге арналған базалық ставкаларға (Нормативтік құқықтық актілерді мемлекеттік тіркеу тізілімінде № 31997 болып тіркелген) сәйкес уәкілетті орган ведомствосының тиісті аумақтық бөлімшелері есептейді.».

2. Осы шешімнің орындалуын бақылау Алматы облысы әкімінің жетекшілік ететін орынбасарына жүктелсін.

3. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.