О внесении дополнений в решение 26 сессии Нуринского районного маслихата от 27 марта 2014 года № 242 «Об утверждении Правил оказания социальной помощи, установления размеров и определения перечня отдельных категорий нуждающихся граждан Нуринского района» Күшін жойған

Нұра аудандық мәслихатының 2014 жылғы 27 наурыздағы 26 сессиясының № 242 «Нұра ауданының Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» шешіміне толықтырулар енгізу туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына, Қазақстан Республикасы Үкіметінің 2013 жылғы 21 мамырдағы № 504 «Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың үлгілік қағидаларын бекіту туралы» қаулысына сәйкес, аудандық мәслихат ШЕШІМ ЕТТІ:

1. Нұра аудандық мәслихатының 2014 жылғы 27 наурыздағы 26 сессиясының № 242 «Нұра ауданының Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» шешіміне (нормативтік құқықтық актілерді мемлекеттік тіркеу Тізілімінде № 2614 болып тіркелген, 2014 жылғы 1 мамырдағы «Нұра» № 18 (5355) газетінде, «Әділет» ақпараттық-құқықтық жүйесінде 2014 жылғы 05 мамырда жарияланған), келесі толықтырулар енгізілсін: көрсетілген шешіммен бекітілген Нұра ауданының Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларында: 6 тармақ мынадай мазмұндағы 1-1) тармақшамен толықтырылсын: «1-1) 1 желтоқсан – Қазақстан Республикасының Тұңғыш Президенті күні;»; 9 тармақ мынадай мазмұндағы 9) тармақшамен толықтырылсын: «9) 90 жасқа келген және асқан тұлғалар.».

2. Осы шешім оның алғаш ресми жарияланған күнінен бастап қолданысқа енгізіледі.