О внесении изменений в постановления Правительства Республики Казахстан от 27 декабря 2001 года N 1715 и от 18 февраля 2002 года N 228 Қолданыста

Қазақстан Республикасы Үкіметінің 2001 жылғы 27 желтоқсандағы N 1715 және 2002 жылғы 18 ақпандағы N 228 қаулыларына өзгерістер енгізу туралы Қазақстан Республикасының Үкіметі қаулы етеді:

1. Қазақстан Республикасы Үкіметінің кейбір шешімдеріне мынадай өзгерістер енгізілсін:

1) "2002 жылға арналған республикалық бюджет туралы" Қазақстан Республикасының Заңын іске асыру туралы" Қазақстан Республикасы Үкіметінің 2001 жылғы 27 желтоқсандағы N 1715 қаулысына: 8-тармақтың 2) тармақшасының бесінші абзацы алынып тасталсын;

2) "Қазақстан Республикасы Ауыл шаруашылығы министрлігінің республикалық бюджеттік бағдарламаларының 2002 жылға арналған паспорттарын бекіту туралы" Қазақстан Республикасы Үкіметінің 2002 жылғы 18 ақпандағы N 228 қаулысына: көрсетілген қаулыға 25-қосымшада: 6-тармақта: 5-бағанда: реттік нөмірі 1-жолда: "несие берудің ережесіне сәйкес" деген сөздер "арнап" деген сөзбен ауыстырылсын; "Қазақстан Республикасының Үкіметі анықтайтын" деген сөздер алынып тасталсын.

2. Осы қаулы қол қойылған күнінен бастап күшіне енеді.