О внесении дополнений в постановление акимата района от 27 февраля 2006 года № 65/2 «Об утверждении Инструкции по назначению социальных выплат отдельным категориям граждан района» Қолданыста

Аудан әкімдігінің 2006 жылғы 27 ақпандағы «Аудан азаматтарының жекелеген санаттарына әлеуметтік төлемдер тағайындау жөніндегі нұсқаулықты бекіту туралы» № 65/2 қаулысына толықтырулар енгізу туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 31 бабының 1 тармағының 14) тармақшасына, Павлодар облысы әкімдігінің 2006 жылғы 7 қарашадағы «Қазақстан Республикасы Тәуелсіздігінің 15 жылдығын мерекелеу шеңберінде облыстық еңбек сіңірген соғыс және еңбек ардагерлерінің Астана қаласына экскурсиясын ұйымдастыру туралы» № 292/11 сәйкес аудан әкімдігі ҚАУЛЫ ЕТЕДІ:

1. Павлодар ауданының әділет басқармасында 2006 жылғы 20 сәуірде № 12-11-25 тіркелген, 2006 жылғы 27 сәуірдегі № 17 (7565) «Нива» газетінде жарияланған, аудан әкімдігінің 2006 жылғы 18 сәуірдегі «Аудан әкімдігінің 2006 жылғы 27 ақпандағы «Аудан азаматтарының жекелеген санаттарына әлеуметтік төлемдер тағайындау жөніндегі нұсқаулықты бекіту туралы» № 65/2 қаулысына өзгерістер мен толықтырулар енгізу туралы» № 138/4 қаулысымен енгізілген өзгерістерімен және толықтыруларымен, Павлодар ауданының әділет басқармасында 2006 жылғы 7 наурыздағы № 12-11-23 тіркелген, 2006 жылғы 9 наурыздағы № 10 (7558) «Нива» газетінде жарияланған, аудан әкімдігінің 2006 жылғы 27 ақпандағы «Аудан азаматтарының жекелеген санаттарына әлеуметтік төлемдер тағайындау жөніндегі нұсқаулықты бекіту туралы» № 65/2 қаулысына мынадай өзгерістер мен толықтырулар енгізілсін: көрсетілген қаулымен бекітілген Нұсқаулықтағы:

2-тармақ мынадай мазмұндағы 17) тармақшалармен толықтырылсын:

«17) соғыс және еңбек ардагерлері, аймақ дамуына үлес қосқан құрметті азаматтар, еңбек сіңірген адамдар»; 5 – тармақ мынадай мазмұндағы 12) тармақшамен толықтырылсын:

«12) 17) тармақшада көрсетілген санаттағылар үшін – Қазақстан Республикасы Тәуелсіздігінің 15 жылдығын мерекелеу шеңберінде Астана қаласына экскурсияға бару үшін 277778 теңге мөлшерінде бір жолғы әлеуметтік көмек»; 6 – тармақ мынадай мазмұндағы 15) тармақшамен толықтырылсын;

«15) 17) тармақшада көрсетілген санаттағыларға үшін – осы әлеуметтік көмекті көрсетуге жеке адамның өтініші, жеке басы куәлігінің көшірмесі, СТТН, аудандық ардагерлер кеңесінің қолдау хаты».

2. Осы қаулы ресми жарияланған күннен бастап он календарлық күн өткеннен соң күшіне енеді.

3. Осы қаулының орындалуын бақылау аудан әкімінің орынбасары Р.Ш. Шәмкеноваға жүктелсін.