О внесении изменений и дополнений в постановление акимата города Уральска от 28 мая 2001 года №7 «Об определении мест продажи периодических печатных изданий, публикующих материалы эротического характера» (Рег. № 918 от 27.06.2001 года) Күшін жойған

«Эротикалық ақпараттарды жариялайтын баспасөз басылымдарын сатуға арналған орындарды белгілеу туралы» Орал қалалық әкімдігінің 2001 жылғы 28 мамырдағы №7 қаулысына өзгертулер мен толықтырулар енгізу туралы тіркеу "Қазақстан Республикасындағы жергiлiктi мемлекеттiк басқару туралы" Қазақстан Республикасы Заңының 31 бабын басшылыққа алып, "Бұқаралық ақпарат құралдары туралы" Қазақстан Республикасы Заңының 14-бабындағы 2-тармаққа сәйкес қала әкiмдiгi ҚАУЛЫ ЕТЕДІ:

1. "Эротикалық ақпараттарды жариялайтын баспасөз басылымдарын сатуға арналған орындарды белгiлеу туралы" Орал қаласы әкiмдiгiнiң 2001 жылғы 28 мамырдағы N 7 қаулысына келесi өзгертулер мен толықтырулар енгiзiлсiн:

1) 1-тармақтағы "қосымшаға сәйкес" деген сөзден кейiн 1 санымен толықтырылсын;

2) 2-тармақ алынып тасталсын;

3) келесi мазмұндағы 3-тармақпен толықтырылсын: "3. Қалалық жұмыс тобының құрамы бекiтiлсiн (N 2 қосымша)".

4) келесi мазмұндағы 4-тармақпен толықтырылсын: "4. Эротикалық ақпараттарды жариялайтын баспасөз басылымдарының бөлшек саудасы туралы" Ережелер бекiтiлсiн (N 3 қосымша)".

5) келесi мазмұндағы 5-тармақпен толықтырылсын: "5. Қалалық сауда бөлiмiнiң бастығы (Н.С.Ахметов) эротикалық ақпараттарды жариялайтын баспасөз басылымдарының бөлшек сауда сатуға арналған орындарды қабылданған Ережеге сәйкестiрсiн".

6) келесi мазмұндағы 6-тармақпен толықтырылсын: "6. Осы қаулының орындалуын бақылау қала әкiмiнiң орынбасарлары С.Н.Церковниковке және Е.И.Тарасенкоға жүктелсiн".

2. Осы қаулының орындалуын бақылау қала әкiмiнiң орынбасарлары С.Н.Церковниковке және Е.И.Тарасенкоға жүктелсiн.

Орал қалалық әкiмдiгiнiң 2003 жылғы 3 шілдедегі N 548 қаулысына N 2 қосымша Қалалық жұмыс тобының ҚҰРАМЫ Сергей Николаевич Церковников - қала әкiмiнiң орынбасары, жұмыс тобының төрағасы Елена Ивановна Тарасенко - қала әкiмiнiң орынбасары, жұмыс тобы төрағасының орынбасары Руслан Амангелдiұлы Әділов - Батыс Қазақстан облысы бойынша салық комитетiнiң мобильдi топтары бөлiмiнiң бас салық инспекторы (келiсiм бойынша) Нұрлан Серiкқалиұлы Ахметов - қалалық экономика басқармасы сауда бөлiмiнiң меңгерушiсi Қаныбек Сисенғалиұлы Жақсығалиев - қалалық iшкi iстер бөлiмi бастығының орынбасары София Орынбасарқызы Марқабаева - БАҚ есебi мен мониторингi бөлiмiнiң бастығы (келiсiм бойынша) Валентина Юрьевна Юртаева - қала әкiмi аппараты iшкi саясат және әлеуметтiк сала бөлiмiнiң бас маманы

Орал қалалық әкiмдiгiнiң 2003 жылғы 3 шілдедегі N 548 қаулысына N 3 қосымша Эротикалық ақпараттарды жариялайтын баспасөз басылымдарының сатуға бөлшек саудасы туралы ЕРЕЖЕЛЕР Осы Ережелер "Бұқаралық баспасөз құралдары туралы" Қазақстан Республикасы 1999 жылғы 23 шiлдедегi Заңының 14-бабындағы 2-тармақ негiзiнде дайындалды.

1. Эротикалық сипаттағы мерзiмдi баспасөз құралдарының бөлшек саудасы осы Ережелердiң 2.2., 2.3. және 2.4. тармақтарына қайшы келмейтiн арнайы стационарлық орындарда жүзеге асырылады.

2. Аталған өнiмдi мыналарға сатуға тыйым салынады:

1) 18-жасқа толмағандарға;

2) балалар мекемелерi мен оқу орындарында және олардан 300 метрден кем қашықтықта;

3) мемлекеттiк мекемелерде, мәдениет, денсаулық сақтау және бiлiм орындарында, сондай-ақ сәулет және тарих ескерткiштерi жанында;

4) қоғамдық көлiкте, аялдамаларда және халық көп жиналатын жерлерде;

5) сөреге қойылған эротикалық өнiмнiң әр данасы мөлдiр емес орамамен қапталуға тиiс.

3. Заңды және жеке тұлғаларға эротикалық сипаттағы материалдарды жариялайтын мерзiмдi баспасөз құралдарын өткiзуге рұқсат беру үшiн негiз болып мыналар танылады:

1) Батыс Қазақстан облысының аумағында шетелдiк мерзiмдi баспасөз құралдарын таратуға Мәдениет, ақпарат және қоғамдық келiсiм министрлiгiнiң жергiлiктi аумақтық органы берген анықтама- рұқсат;

2) кәсiпкерлiк қызметпен айналысу құқын куәландыратын құжат (патент) және эротикалық басылымдардың тiзбесi көрсетiлген еркiн түрде жазылған өтiнiш.

4. Эротикалық өнiмдi сату Ережелерiн бұзу Қазақстан Республикасының заңнамасында қарастырылған жауапкершiлiкке әкеледi.

5. Осы Ережелер эротикалық сипаттағы материалдарды жариялайтын барлық мерзiмдi баспасөз құралдарын қамтиды, соның шетелден әкелiнетiндерiн де.