О внесении изменений в постановление акимата Кызылординской области от 28 марта 2016 года №401 «О форуме молодежи Кызылординской области» Күшін жойған

«Қызылорда облысының жастар форумы туралы» Қызылорда облысы әкімдігінің 2016 жылғы 28 наурыздағы №401 қаулысына өзгерістер енгізу туралы «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңына сәйкес Қызылорда облысының әкімдігі ҚАУЛЫ ЕТЕДІ:

1. «Қызылорда облысының жастар форумы туралы» Қызылорда облысы әкімдігінің 2016 жылғы 28 наурыздағы №401 қаулысына (нормативтік құқықтық актілерді мемлекеттік тіркеу Тізілімінде 5488 нөмірімен тіркелген, 2016 жылғы 26 мамырда Қазақстан Республикасы нормативтік құқықтық актілерінің «Әділет» ақпараттық-құқықтық жүйесінде жарияланған) келесі өзгерістер енгізілсін: көрсетілген қаулының кіріспесі жаңа редакцияда жазылсын: «Өңірлік жастар форумы туралы үлгілік қағидаларды бекіту туралы» Қазақстан Республикасы Білім және ғылым министрінің 2015 жылғы 27 сәуірдегі №244 бұйрығына (нормативтік құқықтық актілерді мемлекеттік тіркеу Тізілімінде 11153 нөмірімен тіркелген) сәйкес Қызылорда облысының әкімдігі ҚАУЛЫ ЕТЕДІ:»; аталған қаулымен бекітілген Қызылорда облысының жастар форумын дайындау және өткізу бойынша ұйымдастыру комитетінің құрамы осы қаулының қосымшасына сәйкес жаңа редакцияда жазылсын; аталған қаулымен бекітілген Қызылорда облысының жастар форумын өткізу Қағидасының 3-тармағы жаңа редакцияда жазылсын: «3. Форум өз қызметінде Қазақстан Республикасының Конституциясын, «Мемлекеттік жастар саясаты туралы» Қазақстан Республикасының 2015 жылғы 9 ақпандағы Заңын, басқа да құқықтық актілерді, сондай-ақ, осы Қағиданы басшылыққа алады.».

2. Осы қаулының орындалуын бақылау Қызылорда облысы әкімінің орынбасары Р.Р. Рүстемовке жүктелсін.

3. Осы қаулы алғашқы ресми жарияланған күнінен бастап қолданысқа енгізіледі.

Қызылорда облысы әкімдігінің 2017 жылғы «06» қарашадағы № 931 қаулысына қосымша Қызылорда облысы әкімдігінің 2016 жылғы «28» наурыздағы №401 қаулысымен бекітілген Қызылорда облысының жастар форумын дайындау және өткізу бойынша ұйымдастыру комитетінің (бұдан әрі-ұйымдастыру комитеті) құрамы Қызылорда облысы әкімінің осы салаға жетекшілік ететін орынбасары, ұйымдастыру комитетінің төрағасы; «Қызылорда облысының жастар саясаты мәселелері басқармасы» мемлекеттік мекемесінің басшысы (немесе міндетін атқарушы), ұйымдастыру комитеті төрағасының орынбасары; «Қызылорда облысының жастар саясаты мәселелері басқармасы» мемлекеттік мекемесінің бөлім басшысы (немесе міндетін атқарушы), ұйымдастыру комитетінің хатшысы; Ұйымдастыру комитетінің мүшелері: «Қызылорда облысының мәдениет, архивтер және құжаттама басқармасы» мемлекеттік мекемесінің басшысы (немесе міндетін атқарушы); «Қазақстан Республикасы Білім және ғылым министрлігінің «Қорқыт Ата атындағы Қызылорда мемлекеттік университеті» шаруашылық жүргізу құқығындағы республикалық мемлекеттік кәсіпорнының ректоры (немесе міндетін атқарушы), (келісім бойынша); «Қызылорда облысының жастар саясаты мәселелері басқармасының «Жастар ресурстық орталығы» коммуналдық мемлекеттік мекемесінің директоры (немесе міндетін атқарушы); «Нұр Отан» партиясы жанындағы «Жас Отан» Жастар қанаты» қоғамдық бірлестігінің Қызылорда облыстық филиалының төрағасы (немесе міндетін атқарушы), (келісім бойынша); «Қызық орда» шығармашылық тобы» қоғамдық қорының төрағасы (немесе міндетін атқарушы), (келісім бойынша).