О внесении изменения в постановление акимата города Шахтинска от 28 августа 2025 года № 41/01 «Об установлении публичного сервитута на земельные участки города Шахтинска» Қолданыста

Шахтинск қаласы әкімдігінің 2025 жылғы 28 тамыздағы №41/01 «Шахтинск қаласының жер учаскелеріне жария сервитут белгілеу туралы» қаулысына өзгеріс енгізу туралы Шахтинск қаласының әкімдігі ҚАУЛЫ ЕТЕДІ:

1. Шахтинск қаласы әкімдігінің 2025 жылғы 28 тамыздағы №41/01 «Шахтинск қаласының жер учаскелеріне жария сервитут белгілеу туралы» қаулысына өзгеріс енгізілсін, қаулының 1-тармағы жаңа редакцияда жазылсын: «1. «Қарағанды облысының энергетика және тұрғын үй-коммуналдық шаруашылық басқармасы» мемлекеттік мекемесіне Шахтинск қаласының аумағында орналасқан жалпы ауданы 100,3878 га жер учаскелеріне төсеу үшін 5 (бес) жыл мерзімге жария сервитут белгіленсін: «Шахтинск» АГБС-тен «Шахтинск» ГБП-ға дейінгі жоғары қысымды газ құбыры: ұзындығы 10,55 шақырым, құрылыс жолағының ені 28 м, ауданы 29,55 га; «Солтүстік-Батыс» ГБП, ауданы 0,007 га алаңдар; «Шахтинск» ГБП, ауданы 0,0150 га алаңдар; орташа қысымды тарату газ құбыры: ұзындығы 32,54 шақырым, құрылыс жолағының ені 4 м, ауданы 13,02 га; төмен қысымды тарату газ құбыры: ұзындығы 143,68 шақырым, құрылыс жолағының ені 4 м, ауданы 57,48 га; ауданы 0,022 га болатын 14 бірлік газ құбырын тарату шкафтық пункті; шкафты бөлу пункті-86 бірлік, ауданы 0,103 га; «Долинка» ГБП (газ тарату пункті) ауданы 0,0989 га кірме жолы; «Шахтинск» ГБП (газ тарату пункті) ауданы 0,0919 га кірме жолы».

2. Осы қаулының орындалуын бақылау Шахтинск қаласы әкімінің орынбасары А.Е. Саттыбаевқа жүктелсін.

3. Осы қаулы оның алғашқы ресми жарияланған күнінен бастап қолданысқа енгізіледі.