О внесении изменений и дополнений в решение акима области от 29 января 2002 года № 4 Күшін жойған

Облыс әкімінің 2002 жылғы 29 қаңтарда № 4 шешіміне өзгерістер және толықтырулар енгізу туралы 📌 Ескерту. Күші жойылды - Ақмола облысы әкімдігінің 15.04.2003 № а-4/125 қаулысымен. 2001 жылғы 23 қаңтардағы №148 «Қазақстан Республикасында жергілікті мемлекеттік басқару туралы» Қазақстан Республикасының Заңына, 2000 жылғы 22 қыркүйектегi №1440 «Қазақстан Республикасының Үкіметі және Қазақстан Республикасының жергілікті атқарушы органдарының несие беру Ережесін бекіту туралы» Қазақстан Республикасы Үкіметінің қаулысына және 1997 жылғы 19 маусымдағы № 131-1 «Шағын кәсіпкерлікті мемлекеттік қолдау туралы» Қазақстан Республикасының Заңын тиімді орындау мақсатында облыс әкімі шешім қабылдады:

1. 2002 жылғы 29 қаңтардағы №4 Ақмола облысының шағын кәсіпкерлік субъектілерін 2002 жылы бюджеттік несиелендіру тәртібі жөніндегі нұсқау туралы» облыс әкімінің шешіміне келесі өзгертулер мен толықтырулар енгізілсін:

1) Шешім атауынан, 1 және 3 тармақтарынан, сонымен қатар шешімге 1 қосымшаның атауынан «2002 жылы» сөзі алып тасталсын.

2) Шешімнің преамбуласында 2001 жылғы 20 желтоқсандағы № С/13-2 «2002 жылғы облыстық бюджет туралы» Ақмола облысы мәслихатының шешімі» сөйлемін 1997 жылғы 19 маусымдағы №131-1 «Шағын кәсіпкерлікті мемлекеттік қолдау туралы» Қазақстан Республикасы Заңы» сөйлеміне алмастырылсын.

3) Төмендегі мазмұнды 7 тармақпен толықтырылсын: Бюджеттерінде «Шағын кәсіпкерлік субъектілерін несиелеу үшін қаржы салынған аудан мен қала әкімдері жергілікті бюджеттер қаржысынан бюджеттік несиелеу тәртібі туралы нұсқау жасасын және жасалған нұсқауларға сәйкес несиелеуді жүзеге асырсын».

2. Осы шешім Ақмола облысының әділет басқармасында тіркелген күннен бастап күшіне енеді.