О внесении изменений в решение Зайсанского районного маслихата от 29 сентября 2015 года № 38-6/3 «Об утверждении норм образования, накопления коммунальных отходов и тарифы на сбор, вывоз, захоронение коммунальных отходов по городу Зайсан» Күшін жойған

"Зайсан қаласы бойынша коммуналдық қалдықтардың пайда болу және жинақталу нормаларын және коммуналдық қалдықтарды жинау, әкету, көму тарифтерін бекіту туралы" 2015 жылғы 29 қыркүйектегі №38-6/3 Зайсан аудандық мәслихатының шешіміне өзгерістер енгізу туралы «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасының Заңының 6-бабының 1-тармағының 15) тармақшасына, 2007 жылғы 9 қаңтардағы Қазақстан Республикасының Экологиялық кодексінің 19-1-бабының 2) тармақшасына сәйкес Зайсан ауданының мәслихаты ШЕШТІ:

1. "Зайсан қаласы бойынша коммуналдық қалдықтардың пайда болу және жинақталу нормаларын және коммуналдық қалдықтарды жинау, әкету, көму тарифтерін бекіту туралы" 2015 жылғы 29 қыркүйектегі №38-6/3(нормативтік құқықтық актілерді мемлекеттік тіркеу Тізілімінде 4190 нөмірімен тіркелген, аудандық «Достық» газетінде 2015 жылы 18 қарашада №93 санында жарияланған) Зайсан аудандық мәслихатының шешіміне келесі өзгерістер енгізілсін: шешімнің тақырыбы келесі редакцияда жазылсын: «Зайсан қаласы бойынша коммуналдық қалдықтардың пайда болу және жинақталу нормаларын және тұрмыстық қатты қалдықтарды жинау, әкету, көму тарифтерін бекіту туралы»; шешімнің 2-тармағы келесі редакцияда жазылсын: «2. Зайсан қаласы бойынша тұрмыстық қатты қалдықтарды жинау, әкету, көму тарифтері осы шешімге 2-қосымшаға сәйкес бекітілсін»; шешімнің 2-қосымшасының: тақырыбы келесі редакцияда жазылсын: «Зайсан қаласы бойынша тұрмыстық қатты қалдықтарды жинау, әкету, көму тарифтері»; кестесінің №1 жолының атауы келесі редакцияда жазылсын: «Тұрмыстық қатты қалдықтарды жинау, әкету тарифтері»; кестесінің №2 жолының атауы келесі редакцияда жазылсын: «Тұрмыстық қатты қалдықтарды көму тарифтері».

2. Осы шешім оның алғашқы ресми жарияланған күнінен кейін күнтізбелік он күн өткеннен соң қолданысқа енгізіледі.