О внесении изменения в решение маслихата города Шымкент от 29 марта 2… — 11.08.2026

Басқа 0

«Шымкент қаласында иттер мен мысықтарды ұстау және серуендету қағидасын бекіту туралы» Шымкент қаласы мәслихатының 2019 жылғы 29 наурыздағы № 47/384-6с шешіміне өзгеріс енгізу туралы «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 6-бабының 2-2-тармағына сәйкес, Шымкент қаласының мәслихаты ШЕШІМ ҚАБЫЛДАДЫ:

Тармақ 1

1. «Шымкент қаласында иттер мен мысықтарды ұстау және серуендету қағидасын бекіту туралы» Шымкент қаласы мәслихатының 2019 жылғы 29 наурыздағы №47/384-6с (Нормативтік құқықтық актілерді мемлекеттік тіркеу тізілімінде №35 болып тіркелген, 2019 жылғы 23 сәуірде нормативтік құқықтық актілерінің эталондық бақылау банкінде жарияланған) шешіміне мынадай өзгеріс енгізілсін: көрсетілген шешіммен бекітілген Шымкент қаласында иттер мен мысықтарды ұстау және серуендету қағидасы осы шешімнің қосымшасына сәйкес жаңа редакцияда жазылсын.

Тармақ 2

2. «Шымкент қаласы мәслихатының аппараты» мемлекеттік мекемесі Қазақстан Республикасының заңдамалық актілерінде белгіленген тәртіпте:

Тармақша 1

1) осы шешімнің Шымкент қаласының Әділет департаментінде мемлекеттік тіркелуін;

Тармақша 2

2) осы шешім мемлекеттік тіркелген күннен бастап он күнтiзбелiк күн ішінде оның көшірмесі Шымкент қаласы аумағында таратылатын мерзімді баспасөз басылымдарында ресми жариялауға жолданылуын;

Тармақша 3

3) ресми жарияланғаннан кейін осы шешімнің Шымкент қаласы мәслихатының интернет-ресурсына орналастырылуын қамтамасыз етсін.

Тармақ 3

3. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Басқа 7. Шымкент қаласында иттер мен мысықтарды ұстау және серуендету қағидалары

Шымкент қаласы мәслихатының 2020 жылғы 14 қыркүйектегі №69/634-6с шешіміне қосымша Шымкент қаласы мәслихатының 2019 жылғы 29 наурыздағы№47/384-6с шешіміне қосымша Шымкент қаласында иттер мен мысықтарды ұстау және серуендету қағидалары

Тарау 1. 1-тарау. Жалпы ережелер

1-тарау. Жалпы ережелер

Тармақ 1

1. Шымкент қаласында иттер мен мысықтарды ұстау және серуендету қағидалары (бұдан әрі – Қағида) «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 6-бабының 2-2-тармағына сәйкес әзірленді. Қағида Шымкент қаласындағы иттер мен мысықтарды ұстау және серуендету тәртібін реттейді.

Тармақ 2

2. Қағида барлық иттер мен мысықтардың иелеріне, меншік нысанына қарамастан (адамдарды құтқару жөніндегі, сондай-ақ қылмысқа қарсы күрес және қоғамдық тәртіпті сақтау жөніндегі жұмысты атқаратын Қазақстан Республикасы Қорғаныс министрлігінің, Қазақстан Республикасы Ішкі істер министрлігінің, Қазақстан Республикасы Ұлттық қауіпсіздік комитетінің, Қазақстан Республикасы Мемлекеттік күзет қызметінің кәсіпорындарынан, ұйымдарынан және мекемелерінен басқа) заңды және жеке тұлғаларға, иттері мен мысықтарын серуендетуге шығаратын барлық адамдарға (бұдан әрі – иелері) қолданылады.

Тармақ 3

3. Қағидада мынадай ұғымдар қолданылады:

Тармақша 1

1) ветеринарлық емхана – ветеринарлық емдеу-сауықтыру қызметімен және ауру жануарларға ветеринарлық көмек көрсетумен айналысатын ұйым;

Тармақша 2

2) ветеринарлық паспорт – жануарларды есепке алу, өсімін және эпизоотиялық жағдайды бақылау мақсатында: жануардың иесі, түрі, жынысы, тұқымы, жануардың чипінің нөмірі не таңбасының нөмірі (егер мұндайлар бар болса), жануардың түсі мен туған күні, сондай-ақ жануарға жасалған екпелер көрсетілетін халықаралық үлгідегі құжат;

Тармақша 3

3) иттерге арналған жаттықтыру алаңы – Қазақстан Республикасының қолданыстағы құрылыс стандарттарына сәйкес жобаланған, иттерді жаттықтыру үшін арнайы бөлінген қоршалған аумақ;

Тармақша 4

4) иттерді серуендетуге арналған алаң – Қазақстан Республикасының қолданыстағы құрылыс стандарттарына сәйкес жобаланған, иттерді еркін серуендету үшін арнайы бөлінген оқшауланған көгалдандырылған аумақ;

Тармақша 5

5) қараусыз қалған жануарлар – иесін анықтау мүмкін емес иттер мен мысықтар; иесінен қашып кеткен және иесінің немесе жауапты тұлғаның тарапынан қараусыз қалған жануарлар;

Тармақша 6

6) тіркеуші орган –ұйым, ветеринарлық емханалар;

Тармақша 7

7) ұйым жануарларға жұқпалы ауруларға қарсы екпе жүргізуді жүзеге асыратын және қаңғыбас жануарларды аулаумен айналысатын жергiлiктi атқарушы орган құрған ұйым;

Тармақша 8

8) ұзындығы бақыланатын мойын жіп – иесіне кез келген уақытта жануарды бақылауда ұстауға мүмкіндік беретін регламенттелмеген ұзындықтағы мойын жіп (брезент мойын жіп, орама-мойын жіп, синтетикалық мойын жіп).

Тарау 2. 2-тарау. Иттер мен мысықтарды ұстау тәртібі

2-тарау. Иттер мен мысықтарды ұстау тәртібі

Тармақ 4

4. Шымкент қаласының аумағында тұратын барлық иттер мен мысықтардың (бұдан әрі – жануарлар) бірыңғай бірдейлендіру базасына тіркеу жатады.

Тармақ 5

5. «Ветеринария туралы» 2002 жылғы 10 шілдедегі Қазақстан Республикасы Заңының 11-бабының 4-тармағына сәйкес құрылған мемлекеттік ветеринариялық ұйымдарда (бұдан әрі – Ұйымдар) тіркеу жүргізіледі.

Тармақ 6

6. Тіркеуші ұйым тіркелген үй жануарлары мен олардың иелері туралы ақпаратты иттер мен мысықтардың бірыңғай бірдейлендіру базасына енгізеді.

Тармақ 7

7. Жануарларды тіркеу кезінде иесіне ветеринарлық паспорт беріледі, егер тіркеу кезінде жануардың ветеринарлық паспорты болса, жаңа ветеринарлық паспортты беру рәсімі міндетті болып табылмайды.

Тармақ 8

8. Тіркеу кезінде жануар иесінің төлемі есебінен тіркеуші органмен жануарға сәйкестендіру микрочипі енгізіледі немесе егер жануарда белгі немесе чип болмаса, таңба ретінде денеге нөмір (белгі) басылады. Чип енгізу және/немесе белгі салу рәсімдері ұсынымдық сипатқа ие.

Тармақ 9

9. Жануарларды тіркеу немесе қайта тіркеу кезінде иелері мынадай:

Тармақша 1

1) иесінің жеке басын куәландыратын құжатта қамтылған ақпарат;

Тармақша 2

2) иесінің жеке сәйкестендіру нөмірі;

Тармақша 3

3) иесінің нақты тұрғылықты мекен-жайы;

Тармақша 4

4) иесінің байланыс нөмірі;

Тармақша 5

5) жануардың лақап аты, жынысы, туылған күні, түсі, тұқымы;

Тармақша 6

6) қажет болғанда, егер мұндай бар болса, жануардың шығу тегінің нөмірі туралы деректерді ұсынады.

Тармақ 10

10. Жануарлардың иесі тіркеуші ұйымға Шымкент қаласының жануарларды бірыңғай бірдейлендіру базасынан тіркеуден шығару үшін немесе қайта тіркеу үшін жануардың әкетілуі (сатылу, жоғалу, көшу, басқа бір адамға тапсырылу) туралы хабарлайды.

Тармақ 11

11. Үй жануарын жансыздандыру (эвтаназия) кезінде немесе өліп қалған жағдайда ветеринарлық паспорт бұрын жануар тіркелген ұйымға тапсыруға жатады.

Тармақ 12

12. Жануарларды сатып алуға немесе сатуға, оларды басқа адамға беруге, сондай-ақ қала ішінде көліктің барлық түрлерімен тасымалдауға үй жануарының ветеринарлық паспорты болған кезде ғана рұқсат етіледі. Жануар вакцинациялауға жол берілетін жасқа жеткен жағдайда (иттер мен мысықтар үшін – 3 (үш) ай), жануарларды сатып алуға немесе сатуға, оларды басқа адамға беруге, сондай-ақ қала ішінде көліктің барлық түрлерімен тасымалдауға паспортта құтыруға қарсы вакцинацияланған күнінің белгісі болған кезде ғана рұқсат етіледі.

Тармақ 13

13. Азаматтарға, кәсіпорындарға, мекемелерге және ұйымдарға тиесілі жануарларға 3 (үш) айлық жасынан бастап, тұқымына қарамастан, құтыруға қарсы және жұқпалы ауруларға қарсы вакцинациялауға жатады.

Тармақ 14

14. Жасына сәйкес құтыруға қарсы және жұқпалы ауруларға қарсы вакцинациялаудан өтпеген 3 (үш) айлық жастан үлкен жануарларды ұстауға рұқсат етілмейді.

Тармақ 15

15. Жануарларға кем дегенде тоқсанына бір рет тері паразиттері мен гельминттерге қарсы профилактикалық өңдеу жүргізу ұсынылған.

Тармақ 16

16. Жануарларды қаладан шығарғанда немесе қалаға басқа өңірлерден әкелген жағдайда жануарлар иелері өзімен бірге жануардың ветеринарлық паспорты, вакцинацияланған күндері көрсетілген жануардың денсаулық жағдайы туралы анықтаманы келесі талаптарды сақтай отырып ұстауы қажет:

Тармақша 1

1) қалаға әкелінетін жануар жасына сәйкес әкелген кезге дейін кем дегенде күнтізбелік 30 (отыз) күн бұрын вакцинацияланады;

Тармақша 2

2) қаладан шығарылатын жануар жасына сәйкес шығарылған кезге дейін кем дегенде 12 (он екі) ай бұрын вакцинацияланады;

Тармақша 3

3) егер вакцинация жұмысын жүргізудің ең төменгі жасына (иттер мен мысықтар үшін – 3 (үш) айлық мерзім) жетпеген жануарлар әкелінсе немесе шығарылса, паспорта вакцинация туралы белгі қоймай жануарды қаладан шығаруға немесе басқа қаладан әкелуге жол беріледі.

Тармақ 17

17. Жануарлардың иесі ретінде 18 жасқа толған тұлға болуы мүмкін.

Тармақ 18

18. Ортақ тұратын (жатақханаларда) және/немесе пайдаланатын жерлерде санитарлық-гигиеналық, зоогигиеналық талаптарды және осы Қағиданың мынадай шарттары бұзылған жағдайда жануарларды ұстауға тыйым салынады:

Тармақша 1

1) жануарларды бірнеше отбасыдан тұратын тұрғын үй-жайларда, тек өзіне тиесілі тұрғын алаңында ұстауға рұқсат етіледі (жатақханадағы көршілердің жазбаша келісімімен);

Тармақша 2

2) итті кәсіпорындар, ұйымдар, мекемелер, азаматтардың саябақ шаруашылықтары мен коммерциялық емес саяжайлар бірлестіктері аумағында, демалыс орындарында байлаулы түрде (бұл ретте ит тамақ пен суға еркін қол жеткізе алуы, байлау жануардың табиғи қажеттіліктеріне кедергі келтірмеуі керек) немесе жабық темір торда (вольерде) ұстауға болады.

Тармақ 19

19. Рұқсат етілмейді:

Тармақша 1

1) көп пәтерлі тұрғын үйлерде жануарларға арналған паналау және ұстау орындарын ұйымдастыруға жол берілмейді;

Тармақша 2

2) жануарларды көпшілік пайдаланатын орындарда (баспалдақ алаңдарында, жертөлелерде, шатырларда, шектес қылтималарда немесе лоджияларда және көпшілік пайдаланатын қосалқы үй-жайларда) ұстауға;

Тармақша 3

3) жануарларды үй ауласының маңында ұстауға (жеке тұрғын үйлердің аумағынан басқа);

Тармақша 4

4) жануарларды жатақханалардың ас үйлері мен дәліздерінде ұстауға.

Тармақ 20

20. Қонақ үйлерде, қонақ үй әкімшілігінің келісімі бойынша және ветеринарлық-санитарлық ережелерді сақтаған жағдайда иелері жануарлармен бірге тұрақтауға рұқсат етіледі.

Тармақ 21

21. Иттер қашып кетуіне, адамдарға немесе жануарларға шабуына және/немесе тістеуіне жол берілмейтін аумақта болуы керек.

Тармақ 22

22. Аумақта иттің бар екендігі жөнінде кіреберісте көлемі кемінде 20х30 сантиметр болатын, иттің суреті бар «Итпен күзетіледі! Охраняется собакой!» деген ескерту тақтайшасы қойылуы қажет.

Тармақ 23

23. Жануарлардың қатысуымен өткізілетін жарыстар, көрмелер және көпшілік іс-шаралар жергілікті атқарушы органның келісуімен өткізіледі.

Тармақ 24

24. Шымкент қаласының аумағында иттердің төбелесін ұйымдастыруға және өткізуге, жануарларға қарсы қатыгез әрекеттер жасауға мүмкіншілік беретін басқа да іс-шараларды өткізуге жол берілмейді (қызметтегі, күзетке арналған иттердің жұмыс қабілеттілігін тексеру мақсатында, иттердің жарақат алмауын ескеретін, дұрыс тұқымдық сұрыптауға арналған арнайы ережелер бойынша тексерулерден басқа).

Тарау 3. 3-тарау. Иттер мен мысықтарды серуенге шығару тәртібі

3-тарау. Иттер мен мысықтарды серуенге шығару тәртібі

Тармақ 25

25. Жануарларды серуенге шығарған кезде иелері мына талаптарды сақтайды:

Тармақша 1

1) кез келген тұқымды иттерді серуендетуге, тұмылдырығы бар және ұзындығы бақыланатын мойын жіппен рұқсат етіледі;

Тармақша 2

2) тұмылдырықты итке дер кезінде кигізу және жағдайға қарай мойын жіптің қажетті ұзындығын реттеу үшін иттің иесі жауапты болады;

Тармақша 3

3) қала аумағында иттердің еркін серуендеуі үшін арнайы бөлінген жерлерде (иттерді еркін серуендетуге арналған алаңдарда не жаттықтыру алаңдарында) рұқсат етіледі;

Тармақша 4

4) қызметтік тапсырмаларды орындайтын иттерге қала аумағында еркін серуендеуге арналған алаңдардан немесе иттерге арналған жаттықтыру алаңдарынан тыс жерлерде еркін серуендеуге рұқсат берілген;

Тармақша 5

5) иттің иесі не оны серуенге шығаруды жүзеге асыратын тұлға жануарды айналасындағыларға тынышсыздық және кедергі келтірмей, өзімен бірге нәжістерді жинауға арналған ыдысын ала отырып, серуендетеді;

Тармақша 6

6) иттің иесі не оны серуенге шығаруды жүзеге асыратын тұлға, көшеден өткен кезде немесе магистральдарға жақын серуендеген кезде жол-көлік оқиғаларын және жол бойында иттің өлімін болдырмау үшін мойын жібін қысқартып ұстайды;

Тармақша 7

7) тыйым салған ескерту белгісі жоқ мекемелер мен азық-түлік сатпайтын дүкендерде, поштада иелері иттерін қысқа мойын жіпте және тұмылдырықта ертіп жүруге рұқсат етіледі. Объектілерге иттерді ертіп келуге тыйым салу белгілері бар жағдайда мекемелер, азық-түлік сатпайтын дүкендерде оларды байлап қалдыратын орындарын жабдықтайды;

Тармақша 8

8) кез келген тұқымдағы итті қысқа мойын жіппен және тұмылдырықпен, өздігінен шешіліп кетпейтіндей, иесі ғимараттың ішінде уақытша болған мерзімге, егер де ит басқа тұлғаларға қауіп төнгізбейтін, қоғамдық тәртіпті бұзбайтын, қозғалыстарға және өз денсаулығына зиян келмейтіндей жағдайда байлаулы қалдыруына болады.

Тармақ 26

26. Қала аумағында рұқсат етілмейді:

Тармақша 1

1) еркін серуендету алаңдары мен иттерге арналған жаттығу алаңдарынан басқа жерлерде иттерді еркін серуендетуге;

Тармақша 2

2) мас күйіндегі тұлғаларға итті ертіп жүруге және көпшілік жүретін орындарда серуендетуге, көлікте алып жүруіне;

Тармақша 3

3) иттің жасына сәйкес құтырма ауруына қарсы міндетті вакцинацияланбаған иттерді серуендетуге;

Тармақша 4

4) иттерді ауладағы балалар ойнайтын, емдеу мекемелерінде, спорттық алаңдарда, мектепке дейінгі және оқу орындарының аумақтарында, тыйым салынған ескерту белгісі орнатылған жерлерде серуендетуге;

Тармақша 5

5) адамдарға шомылуға рұқсат берілген аумақта иттерді серуендетуге;

Тармақша 6

6) адамдарға шомылуға рұқсат берілген аумақта, тоғандарда, бұрқақтар мен су айдындарында жануарларды суға шомылдыруға;

Тармақша 7

7) көзі нашар көретін адамды жетектеуші иттен басқа иттерді қоғамдық тамақтану кәсіпорындарына, азық-түлік дүкендерінің сауда жасау және өндірістік орындарына, сервистік қызмет көрсету мекемелері мен мәдениет мекемелеріне әкелуге, ұстауға рұқсат берілмейді.

Тармақ 27

27. Жануарлардың иелері мынадай талаптарды орындайды:

Тармақша 1

1) қоршаған ортаға қолайсыздық келтірмейтін және қауіпсіздік тудырмайтын жануарлардың тәртібін қамтамасыз ету, қоғамдық қауіпсіздік талаптарын сақтау;

Тармақша 2

2) аулаларды, кіреберістерді, сатылық торларды, лифтілерді, балалар алаңдарын, жолдарды, тротуарларды, саябақтарды, шағынгүл бақтарды, демалыс аумақтарын ластамау. Жануарлар серуендеу орындарында табиғи физиологиялық қажеттіліктерін (нәжіс) қанағаттандыру жағдайында, оның салдарын иесі жою керек. Иесіне ластанған жерді тазалауға өзімен бірге тазалағыш құралдарды (пакет) алып жүруі ұсынылады;

Тармақша 3

3) жануарларды зоогигиеналық және ветеринарлық-санитарлық талаптарға сәйкес ұстауға;

Тармақша 4

4) жануарлардың физикалық және физиологиялық қажеттіліктеріне сай ұстауға, оларға ізгілікпен қарауға және қатал қатынас орнатпауға, қадағалаусыз қалдырмауға, жануарларға қажеттілігіне қарай тамақ беруге, су ішуге жағдай жасауға;

Тармақша 5

5) ұйымнан ветеринарлық-алдын алу іс-шараларын жүргізу туралы ақпараттар (бұқаралық ақпарат құралдарында, сайтта хабарландыруды орналастыру) келіп түскен уақытта иелері өз жануарларын, егер жануар міндетті вакцинациялаудан өтпеген болса, тексеру, диагностикалық зерттеу және емдеу-профилактикалық өңдеу үшін көрсетілген орынға әкеледі;

Тармақша 6

6) жануарлар ауырған немесе ауруларына қауіптенген жағдайда жедел түрде ұйымға немесе ветеринарлық емханаға хабарласуға және тексерістердің қорытындысы бойынша мамандардың ұсыныстарын мүлтіксіз сақтауға;

Тармақша 7

7) жануарларды одан әрі ұстауға мүмкіндік болмаған жағдайда иесі жануарды басқа тұлғаға, ұйымға немесе үй жануарларын аулаумен айналысатын кәсіпорынға тапсырады;

Тармақша 8

8) жануарлардың өліп қалған жағдайларында немесе құтырма ауруына ұқсас белгілері болған жағдайда жедел түрде ұйымға хабарлайды және осы жануарлар ұйым мамандарының келуіне дейін оқшауланады.

Қызметтер

Навигация

Параметрлер

Аккаунт