О внесении изменений и дополнения в решение Акжарского районного маслихата от 29 февраля 2024 года № 16-6 «Об определении размера и порядка оказания жилищной помощи в Акжарском районе Северо-Казахстанской области» Қолданыста

Ақжар аудандық мәслихатының 2024 жылғы 29 ақпандағы № 16-6 «Солтүстік Қазақстан облысы Ақжар ауданында тұрғын үй көмегін көрсетудің мөлшері мен тәртібін айқындау туралы» шешіміне өзгерістер мен толықтыру еңгізу туралы Солтүстік Қазақстан облысының Ақжар аудандық мәслихаты ШЕШІМ ҚАБЫЛДАДЫ:

1. Ақжар аудандық мәслихатының «Солтүстік Қазақстан облысы Ақжар ауданында тұрғын үй көмегін көрсетудің мөлшері мен тәртібін айқындау туралы» 2024 жылғы 29 ақпандағы № 16-6 шешіміне (Нормативтік құқықтық актілерді мемлекеттік тіркеу тізілімінде № 7703-15 болып тіркелген) келесі өзгерістер мен толықтыру еңгізілсін: көрсетілген шешімнің тақырыбы мынандай редакцияда жазылсын: «Солтүстік Қазақстан облысы Ақжар ауданында тұрғын үй көмегін көрсетудің мөлшері мен қағидаларын айқындау туралы»; көрсетілген шешімнің 1-тармағы мынандай редакцияда жазылсын: «1. Осы шешімнің 1 қосымшасына сәйкес Солтүстік Қазақстан облысы Ақжар ауданында тұрғын үй көмегін көрсетудің мөлшері мен қағидалары айқындалсын.»; көрсетілген шешімімен бекітілген Солтүстік Қазақстан облысы Ақжар ауданында тұрғын үй көмегін көрсетудің мөлшері мен тәртібінде: тақырыбы мынандай редакцияда жазылсын: «Солтүстік Қазақстан облысы Ақжар ауданында тұрғын үй көмегін көрсетудің мөлшері мен қағидалары»; 3-тармақтың екінші абзацы алып тасталсын; 3-тармағы мынадай мазмұндағы 3-1-тармақпен толықтырылсын: «3-1. Тұрғын үй көмегінің мөлшерін көрсетілетін қызметті беруші «Тұрғын үй көмегін беру қағидаларын бекіту туралы» Қазақстан Республикасы Өнеркәсіп және құрылыс министрінің 2023 жылғы 8 желтоқсандағы № 117 бұйрығымен бекітілген Тұрғын үй көмегін беру қағидаларға (Нормативтік құқықтық актілерді мемлекеттік тіркеу тізілімінде № 33763 болып тіркелген) (бұдан әрі - Қағидалар) сәйкес нормалар шегінде есептейді.»; 5-тармағы мынандай редакцияда жазылсын: «5. Көрсетілетін қызметті алушының жиынтық табысын көрсетілетін қызметті беруші тұрғын үй көмегін тағайындауға өтініш білдірген тоқсанның алдындағы тоқсанға бекітілген қағидаларына сәйкес тәртіппен есептейді.».

2. «Солтүстік Қазақстан облысы Ақжар ауданы мәслихатының аппараты» коммуналдық мемлекеттік мекемесі заңнамада белгіленген тәртіппен:

1) осы шешімнің «Қазақстан Республикасының Әділет министрлігі» мемлекеттік мекемесінде мемлекеттік тіркелуін;

2) осы шешімді ресми жарияланғаннан кейін «Солтүстік Қазақстан облысы Ақжар ауданы мәслихаты аппараты» коммуналдық мемлекеттік мекемесінің интернет-ресурсында орналастыруды қамтамасыз етсін.

3. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа еңгізіледі.