О внесении изменений в решение Егиндикольского райооного маслихата от 3 июля 2003 года № C31-1 «Об утверждении Правил осуществления социальных выплат отдельным категориям гражданам» (зарегистрировано в департаменте юстиции № 1983) Күшін жойған

Егіндікөл аудандық мәслихатының 2003 жылғы 3 шілдедегі № С31-1 «Жекелеген санаттағы азаматтарға әлеуметтік төлемдерді жүзеге асыру Ережелерін бекіту туралы» (Әділет департаментінде № 1983 тіркелген) шешіміне өзгертулер енгізу туралы «Қазақстан Республикасындағы жергілікті мемлекеттік басқару туралы» Заңның 6 бабына сәйкес, аудан әкімінің енгізген ұсынысымен келісіп Егіндікөл аудандық мәслихаты ШЕШІМ ҚАБЫЛДАДЫ:

1. Егіндікөл аудандық мәслихатының 2003 жылғы 30 шелдедегі № С31-1 «Жекелеген санаттағы азаматтарға әлеуметтік төлемдерді жүзеге асыру Ережелерін бекіту туралы» (Әділет департаментінде № 1983 тіркелген және аудандық «Шұғыла-Целинная нива» газетінің 2003 жылғы 29 тамыздағы № 33 санында жарияланған) шешіміне келесі өзгертулер енгізілсін:

1) Ереженің 1 тармағындағы «258 51 00 332» саны «258 15 00 332» санымен ауыстырылсын;

2) Ереженің 13 және 15 тармақтарындағы «2003 жыл» сөзі алынып тасталсын;

3) Ереженің 5 тармағының 4 тармақшасындағы «мектепке дейінгі жаста балалары бар» сөздері «аз қамтылған» сөзімен толықтырылсын;

4) Егіндікөл аудандық мәслихатының 2003 жылғы 30 шілдедегі № С31-1 «Жекелеген санаттағы азаматтарға әлеуметтік төлемдерді жүзеге асыру Ережелерін бекіту туралы» шешіміне қосымша осы шешімнің жаңа редакциясында берілсін.

2. Осы шешім Ақмола облысы Әділет департаментінде тіркеуден өткен күннен бастап күшіне енеді және міндетті түрде жариялануға тиіс.

Егіндікөл аудандық мәслихатының 2004 жылғы 12 наурыздағы № С 6-5 «Егіндікөл аудандық мәслихатының 2003 жылғы 30 шілдедегі № С 31-1 «Жекелеген санаттағы азаматтарға әлеуметтік төлемдерді жүзеге асыру Ережелерін бекіту туралы» Әділет департаментінде № 1983 тіркелген шешіміне қосымша Егіндікөл аудандық мәслихатының 2003 жылғы 30 шілдедегі № С 31-1 «Жекелеген санаттағы азаматтарға әлеуметтік төлемдер Ережелерін бекіту туралы» шешіміне қосымша Жекелеген санаттағы азаматтарға әлеуметтік төлемдерді жүзеге асыру Ережелері

1. Жалпы жағдайлары

1. Осы жекелеген санаттардағы азаматтарға әлеуметтік төлемдерді жүзеге асыру Ережелері (әрі қарай – Ережелер) ұйымдардың 258 15 00 332 бюджеттік бағдарлама бойынша «Жергілікті өкілетті органдардың шешімімен жекелеген санаттардағы азаматтарға әлеуметтік төлемдер» төлеу тәртібін реттейді.

2. Ережелерді қабылдауға құқықтық негіз болып Қазақстан Республикасының «Қазақстан Республикасындағы жергілікті мемлекеттік басқару туралы», «Бюджеттік жүйе туралы» Заңдары табылады.

3. Осы Ережелер Қазақстан Республикасының «Мемлекеттік атаулы әлеуметтік көмек туралы» заңдарымен реттелетін қатынастарға таралмайды.

2. Төлемдерді алу құқықтары

4. Бір жолғы әлеуметтік көмек алуға, табыстары күнкөріс шегінен төмен аз қамтамасыз етілген отбасылары, белгілі жағдайлармен жедел әлеуметтік көмекті қажет ететіндер және мерекелік күндерде жекелеген санаттардағы азаматтар құқылы. Өмірлік қиын жағдайларға отбасы мүшелерінің біреуінің өлімі, онкологиялық, туберкулез ауруларымен ұзақ емделу, операция жасау қажеттілігі, Қазақстан Республикасы аумағында госпитализация бару жол ақысы және де басқа комиссия шешімімен анықталған жағдайлар жатады.

5. Материалдық көмек өтініш бойынша, комиссия шешімімен:

1) жұмыс істейтін азаматтарды жерлеуге жәрдемақы;

2) жұмыссыз азаматтарды жерлеуге жәрдемақы;

3) аз қамтамасыз етілгендерге стационарда емделуге, медициналық мекемелерде тексерілуге және Көкшетау, Астана, Алматы қалаларының зейнеткерлеріне әлеуметтік көмек;

4) мектепке дейінгі жаста балалары бар аз қамтылған отбасыларына оқу жылының басталуына әлеуметтік көмек;

5) туберкулезбен ауыратындарға, белгілі тұрақты жері жоқ тұлғаларға құжаттану үшін материалдық көмек бөлінуі мүмкін.

3. Төлем жөніндегі ұйымдастыру

6. Төлем жөніндегі жұмыстарды ұйымдастыру мақсатында аудандық мәслихат депутаттары, әлеуметтік қорғау бөлімі өкілдері, ауылдық қоғамдық ұйымдар, жергілікті өзін-өзі басқару органдары мүшелері есебінен комиссия құрылады. Комиссияның сандық және дербес құрамы аудандық мәслихаттың шешімімен бекітіледі. Комиссия мәжілісі айына бір реттен кем емес, аудандық еңбек және халықты әлеуметтік қорғау бөлімінде өтеді.

7. Комиссияның негізгі міндеттері:

1) азаматтардың әлеуметтік көмек көрсету жөніндегі өтінішін қарау;

2) көмек сұрағандардың әлеуметтік – тұрмыстық жағдайын және деңгейін тексеру;

3) әлеуметтік көмек тағайындау немесе тағайындамауы жөнінде шешім қабылдау болып табылады.

4. Көрсетілетін көмектің мөлшері мен тәртібі

8. Әлеуметтік көмек ақша түрінде беріледі.

9. Әлеуметтік көмек алуға үміткер тұлға аудандық еңбек және халықты әлеуметтік қорғау бөліміне мына құжаттармен бірге өтініш береді: жеке басының куәлігі немесе төлқұжат; отбасы құрамы туралы анықтама; өткен тоқсанның табысы туралы анықтама; әлеуметтік көмекке қажеттілікті растайтын құжат.

10. Төлем өтініш берушінің жеке есеп – шотына аударылу арқылы жүзеге асады.

11. Мерекелік күндерге бір жолға материалдық көмек өтінішсіз тармақта көрсетілгендердің жеке есеп – шотына аудару арқылы жүзеге асады:

1) «Күміс алқамен» марапатталған көп балалы аналарға материалдық көмек;

2) қарттар күніне;

3) Ұлы Отан соғысына қатысушылар мен мүгедектерге, тыл еңбеккерлеріне, қайтыс болғандар отбасыларына;

4) мемлекеттік мерекелер мен жалпы аудандық бұқаралық шараларға аудан әкімінің шешімімен берілетін материалдық көмек;

5) Ұлы Отан соғысының мүгедектері мен қатысушыларына материалдық көмек;

12. Төлем мөлшері әр нақты жағдайда комиссиямен анықталады. Көмектің ең жоғарғы мөлшері 20 000 теңгеден аспауы керек.

13. Әлеуметтік төлем бойынша шығындарды қаржыландыру аудандық бюджеттің «Жергілікті өкілетті органдардың шешімі бойынша азаматтардың жекелеген санаттарына әлеуметтік төлем» бюджеттік Бағдарламасында осы мақсатқа қарастырылған қаражат шектеуінде жүргізіледі.

6. Бір жолға материалдық көмек төлеу тәртібі

14. Бір жолғы көмек төлеу алушылардың пошта бөлімі немесе екінші деңгейдегі банктардағы жеке есеп – шотына ақшалай қаражат аудару арқылы жүзеге асады.

15. Аудандық еңбек және халықты әлеуметтік қорғау бөлімі, Мемлекеттік зейнетақы төлем орталығының Егіндікөл филиалымен келісілген мәліметтер негізінде, аудандық бюджеттің осы мақсатқа арналған қаражат шектеуінде азаматтарға бір жолғы материалдық көмек төлеу үшін тізім құрастырады.

7. Төлемді жүзеге асыруды бақылау

16. Әлеуметтік төлем жөніндегі есеп тапсыру және бақылау Қазақстан Республикасының «Республикалық және жергілікті бюджеттің орындалуын бақылау туралы» Заңдарына сәйкес жүзеге асады.