О внесении изменений в приказ исполняющего обязанности Министра по инвестициям и развитию Республики Казахстан от 30 декабря 2015 года № 1279 «Об утверждении Методики оценки эффективности деятельности государственных органов по применению информационно-коммуникационных технологий» Күшін жойған

«Мемлекеттік органдардың ақпараттық-коммуникациялық технологияларды қолдану жөніндегі қызметінің тиімділігін бағалау әдістемесін бекіту туралы» Қазақстан Республикасы Инвестициялар және даму министрі міндетін атқарушысының 2015 жылғы 30 желтоқсандағы № 1279 бұйрығына өзгерістер енгізу туралы БҰЙЫРАМЫН:

1. «Мемлекеттік органдардың ақпараттық-коммуникациялық технологияларды қолдану жөніндегі қызметінің тиімділігін бағалау әдістемесін бекіту туралы» Қазақстан Республикасы Инвестициялар және даму министрінің м.а. 2015 жылғы 30 желтоқсандағы № 1279 бұйрығына (Нормативтік құқықтық актілерді мемлекеттік тіркеу тізілімінде № 99863 болып тіркелген) мынадай өзгерістер енгізілсін: 2-тармақ алып тасталсын; 5-қосымша кесте-2 3-баған 1.14-өрістің 2-тармақшасы 3 бөлігінде 3-бағанда келесі редакцияда жазылсын: «- ҰОС қатысқандарды, мүгедектігі бар адамдарды, баллаларды әлеуметтік қорғау;»; 8-қосымшаның 1-баған 2-өрісі келесі редакцияда жазылсын: «Денсаулық сақтау министрлігі. Еңбек және халықты әлеуметтік қорғау министрлігі»; 8-қосымшаның 1-баған 22-өрісі келесі редакцияда жазылсын: «Индустрия және инфрақұрылымдық даму министрлігі»; 8-қосымшаның 1-баған 51-өрісі келесі редакцияда жазылсын: «Ғылым және жоғары білім министрлігі».

2. Қазақстан Республикасының Цифрлық даму, инновациялар және аэроғарыш өнеркәсібі министрлігінің Цифрлық трансформация департаменті:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрықты Қазақстан Республикасы Цифрлық даму, инновациялар және аэроғарыш өнеркәсібі министрлігінің интернет-ресурсына орналастыруды;

3) осы бұйрық мемлекеттік тіркелгеннен кейін күнтізбелік он күн ішінде Қазақстан Республикасы Цифрлық даму, инновациялар және аэроғарыш өнеркәсібі министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтер ұсынуды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Цифрлық даму, инновациялар және аэроғарыш өнеркәсібі вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгiзiледi.