О внесении дополнения и изменения в постановление Правительства Республики Казахстан от 30 марта 2020 года № 155 «О временном закрытии автомобильных пунктов пропуска на отдельных участках Государственной границы Республики Казахстан» Күшін жойған

«Қазақстан Республикасы Мемлекеттік шекарасының кейбір учаскелеріндегі автомобиль өткізу пункттерін уақытша жабу туралы» Қазақстан Республикасы Үкіметінің 2020 жылғы 30 наурыздағы № 155 қаулысына толықтыру мен өзгеріс енгізу туралы Қазақстан Республикасының Үкіметі ҚАУЛЫ ЕТЕДІ:

1. «Қазақстан Республикасы Мемлекеттік шекарасының кейбір учаскелеріндегі автомобиль өткізу пункттерін уақытша жабу туралы» Қазақстан Республикасы Үкіметінің 2020 жылғы 30 наурыздағы № 155 қаулысына мынадай толықтыру мен өзгеріс енгізілсін: мынадай мазмұндағы 1-1-тармақпен толықтырылсын: «1-1. Қазақстан Республикасының Мемлекеттік шекарасы арқылы Қалжат (Алматы облысы), Бақты және Майқапшағай (Шығыс Қазақстан облысы) өткізу пункттерінде санитариялық-эпидемиологиялық жағдай жақсарғанға дейін медициналық бұйымдар мен дәрілік заттарды, азық-түлік өнімдері мен инвестициялық келісімшарттар, ізгілік көмек, мемлекеттік тапсырыс шеңберінде өткізілетін тауарларды тасымалдауды жүзеге асыратын адамдар мен көлік құралдарын, сондай-ақ бос жүк көлік құралдарын қоспағанда, адамдарды, көлік құралдарын, жүктер мен тауарларды өткізу шектелсін.»; көрсетілген қаулыға қосымшада: 1) және 3) тармақшалар алып тасталсын.

2. Қазақстан Республикасы Сыртқы істер министрлігі қабылдаған шешім туралы шекаралас мемлекеттерге дипломатиялық арналар арқылы белгіленген тәртіппен хабарласын.

3. Осы қаулы қол қойылған күнінен бастап қолданысқа енгізіледі және ресми жариялануға тиіс.