О внесении изменений в приказ Министра национальной экономики Республики Казахстан от 30 июня 2023 года № 131 «Об утверждении Правил ведения реестра обязательных требований в сфере предпринимательства» Қолданыста

«Кәсіпкерлік саласындағы міндетті талаптардың тізілімін жүргізу қағидаларын бекіту туралы» Қазақстан Республикасы Ұлттық экономика министрінің 2023 жылғы 30 маусымдағы № 131 бұйрығына өзгерістер енгізу туралы БҰЙЫРАМЫН:

1. «Кәсіпкерлік саласындағы міндетті талаптардың тізілімін жүргізу қағидаларын бекіту туралы» Қазақстан Республикасы Ұлттық экономика министрінің 2023 жылғы 30 маусымдағы № 131 бұйрығына (Нормативтік құқықтық актілерді мемлекеттік тіркеудің тізілімінде № 32986 болып тіркелген) мынадай өзгерістер енгізілсін: көрсетілген бұйрықпен бекітілген Кәсіпкерлік саласындағы міндетті талаптардың тізілімін жүргізу қағидаларында: 2-тармақтың 5) және 6) тармақшалары мынадай редакцияда жазылсын: «5) тізілімнің автоматтандырылған жұмыс орны (бұдан әрі – АЖО) – тізілімде орналастырылатын баптаулар мен контентті басқаруға арналған және «цифрлық үкіметтің» операторы ұсынатын қосымша; 6) «цифрлық үкіметтің» операторы (бұдан әрі – оператор) – Қазақстан Республикасының Үкіметі айқындайтын, өзіне бекітіп берілген «цифрлық үкіметтің» цифрлық инфрақұрылым объектілерінің жұмыс істеуін қамтамасыз ету жүктелген заңды тұлға.».

2. Қазақстан Республикасы Ұлттық экономика министрлігінің Кәсіпкерлікті дамыту саясаты департаменті Қазақстан Республикасының заңнамасында белгіленген тәртіппен осы бұйрықтың Қазақстан Республикасының Әділет министрлігінде мемлекеттік тіркелуін және оны алғашқы ресми жарияланған күнінен кейін Қазақстан Республикасы Ұлттық экономика министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Ұлттық экономика вице-министріне жүктелсін.

4. Осы бұйрық 2026 жылғы 12 шілдеден бастап қолданысқа енгізіледі және ресми жариялануға тиіс.