О решении акима области «О пособиях на детей-инвалидов, воспитывающихся и обучающихся на дому» от 4 февраля 2000 года № 345 Қолданыста

Үйінде тәрбиеленетін және оқитын мүгедек балаларға берілетін жәрдемақы туралы облыс Әкімінің 2000 жылғы 4 ақпандағы № 345 шешімі туралы Облыстық мәслихаттың III сессиясы ШЕШІМ ЕТТІ: «Үйінде тәрбиеленетін және оқитын мүгедек балаларға берілетін жәрдемақы туралы» облыс әкімінің 2000 жылғы 4 ақпандағы № 345 шешімі бекітілсін (жалғанды).

Үйінде тәрбиеленетін және оқитын мүгедек балаларға берілетін жәрдемақы туралы. Қазақстан Республикасының 1991 жылғы 21 маусымдағы «Қазақстан Республикасында мүгедектердің әлеуметтік қорғалуы туралы» заңы мен Қазақстан Үкіметінің 1999 жылғы 22 шілдедегі № 1036 «Әлеуметтік әдістік жәрдем берудің уақытша ережесін бекіту туралы» қаулысын орындау мақсатында ШЕШІМ ЕТЕМІН:

1. Мүгедек балаларды үйінде тәрбиелеуге және оқытуға берілетін жәрдемақы 2000 жылы айына 1740 теңге мөлшерінде тағайындалып, ай сайын өткен ай үшін облыстық бюджет қаржысы есебінен төленіп отырылсын.

2. Облыстық еңбек, жұмыспен қамту және халықты әлеуметтік қорғау басқармасы (Қайрешев С.М.) үйінде тәрбиеленетін және оқитын мүгедек балалардың жәрдемақысын Қазақстан Республикасы Үкіметінің 1997 жылғы 21 наурыздағы № 382 және 1998 жылғы 7 сәуірдегі 292 қаулыларына сәйкес тағайындап төлеуді жүзеге асырсын.

3. Облыстық қаржы басқармасы (Әбдіқадырова А.Н.) үйінде тәрбиеленетін және оқитын мүгедек балалардың жәрдемақысын облыстық бюджетте 2000 жылға осы мақсатқа қаралған қаржылар шегінде уақытылы қаржыландыруды қамтамасыз етсін.

4. Осы шешім облыстық мәслихаттың кезекті сессиясының қарауына ұсынылсын.

5. Осы шешімнің орындалуына бақылау жасау облыс әкімінің орынбасары Т.К.Мұрсалиеваға жүктелсін.

6. Осы шешім 2000 жылдың 1 қаңтарынан бастап күшіне енеді.