О внесении изменений в постановление акимата от 5 марта 2007 года № 113 «О реализации решения Денисовского районного маслихата от 21 декабря 2006 года № 63 «О бюджете Денисовского района на 2007 год» Қолданыста

Әкімдіктің 2007 жылғы 5 наурыздағы № 113 «Денисов аудандық мәслихатының 2006 жылғы 21 желтоқсандағы № 63 «2007 жылға арналған Денисов ауданының бюджеті туралы» шешімін іске асыру туралы» қаулысына өзгерістер енгізу туралы Қазақстан Республикасының «Әкімшілік рәсімдер туралы» Заңының 8-бабы 3-тармағы негізінде, Қазақстан Республикасының «Қазақстан Республикасындағы жергілікті мемлекеттік басқару туралы» Заңының 31-бабы 1-тармағы 14) тармақшасына, Қазақстан Республикасының «Ұлы Отан соғысының қатысушылары мен мүгедектеріне және соларға теңестірілген адамдарға берілетін жеңілдіктер мен оларды әлеуметтік корғау туралы» Заңының 20-бабына сәйкес әкімдік ҚАУЛЫ ЕТЕДІ:

1. Әкімдіктің 2007 жылғы 5 наурыздағы № 113 «Денисов аудандык мәслихатының 2006 жылғы 21 желтоқсандағы № 63 «2007 жылға арналған Денисов ауданының бюджеті туралы» шешімін іске асыру туралы» (Денисов ауданының әділет басқармасында 2007 жылғы 4 сәуірде № 9-8-62 болып тіркелген, аудандық «Наше время» газетінің 2007 жылғы 18 мамырдағы № 20 жарияланған) қаулысына мынадай өзгерістер енгізілсін: Бірінші тармақтың 3) тармақшасы мынадай редакцияда жазылсын: «3) Ұлы Отан соғысының қатысушылары мен мүгедектеріне, Ұлы Отан соғысында қаза болған жауынгерлердің жесірлеріне 3200 теңге мөлшерінде ай сайынғы әлеуметтік көмек».

2. Әкімдіктің 2007 жылғы 28 мамырдағы № 215 «Әкімдіктің 2007 жылғы наурыздағы № 113 «Денисов аудандық мәслихатының 2006 жылғы 21 желтоқсандағы № 63 «2007 жылға арналған Денисов ауданының бюджеті туралы» шешімін іске асыру туралы» қаулысына қосымшалар енгізу туралы» қаулысы жойылсын.

3. Осы қаулының орындалуын бақылау Денисов ауданы әкімінің орынбасары М.Т. Мұратбековқа жүктелсін.

4. Осы қаулы бірінші ресми жарияланған күннен он күнтізбелік күн өткеннен кейін қолданысқа енгізіледі.