О внесении изменений и дополнений в Правила осуществления социальных выплат отдельным категориям граждан, утвержденные решением Буландынского районного маслихата от 6 мая 2004 года № 3С-8/2 Қолданыста

Бұланды аудандық мәслихатының 2004 жылғы 6 мамырдағы № 3С-8/2 шешімімен бекітілген, Азаматтардың жекелеген санаттарына әлеуметтік төлемдер жасау ережесіне өзгерістер мен толықтырулар енгізу туралы «Қазақстан Республикасындағы жергілікті мемлекеттік басқару туралы» 2001 жылғы 23 қаңтардағы Қазақстан Республикасы Заңының 6-бабы 1- тармағының 14-тармақшасына сәйкес және аудан әкімдігінің ұсынысы бойынша Бұланды аудандық мәслихаты ШЕШТІ:

1. Бұланды аудандық мәслихатының 2004 жылғы 6 мамырдағы №3С-8/2 шешімімен бекітілген, Азаматтардың жекелеген санаттарына әлеуметтік төлемдер жасау ережесіне (Әділет департаментінде 2004 жылғы 28 мамырда №2556 тіркелген, «Вести Бұланды жаршысы» газетінің 2004 жылғы 02 шілдедегі №27 санында жарияланған және кейін: «Бұланды аудандық мәслихатының 2004 жылғы 6 мамырдағы № 3С 8/2 шешімімен бекітілген, Азаматтардың жекелеген санаттарына әлеуметтік төлем жасау ережесіне толықтырулар енгізу туралы», Әділет департаментінде 2004 жылғы 7 қазанда № 2816 тіркелген, «Вести Бұланды жаршысы» газетінің 2004 жылғы 15 қазандағы № 42 санында жарияланған 2004 жылғы 21 қыркүйектегі № 3С 13/5 шешіммен; «Бұланды аудандық мәслихатының 2004 жылғы 6 мамырдағы №3С 8/2 шешімімен бекітілген, Азаматтардың жекелеген санаттарына әлеуметтік төлем жасау ережесіне өзгерістер енгізу туралы», Әділет департаментінде 2005 жылғы 10 наурызда №3063 тіркелген, «Бұланды жаршысы» газетінің 2005 жылғы 18 наурыздағы №12 санында жарияланған, 2005 жылғы 18 ақпандағы №3С 17/2 шешіммен; «Бұланды аудандық мәслихатының 2004 жылғы 6 мамырдағы №3С 8/2 шешімімен бекітілген, Азаматтардың жекелеген санаттарына әлеуметтік төлем жасау ережесіне өзгерістер мен толықтырулар енгізу туралы», Әділет басқармасында 2007 жылғы 12 қазанда №1-7-52 тіркелген, «Бұланды таңы» газетінің 2007 жылғы 19 қазандағы №14, «Вести Бұланды жаршысы» газетінің 2007 жылғы 19 қазандағы №42 санында жарияланған, 2007 жылғы 25 қыркүйектегі № 4С-3/2 шешіммен өзгерістер мен толықтырулар енгізілген) келесі өзгерістер мен толықтырулар енгізілсін:

1) 4-тармақ келесі мазмұндағы 6), 7) тармақшалармен толықтырылсын: «6) онкологиялық аурулармен, туберкулезбен, қант диабетімен ауырып, ұзақ уақыт емделген азаматтар, АҚТВ жұқтырған балалар; 7) ауданға жұмыс істеп келген жас мамандар.»;

2) келесі мазмұндағы 9-4, 9-5, 9-6 тармақтармен толықтырылсын: «9-4. Негізгі азық-түліктердің қымбаттауына байланысты тұрмысы төмен азаматтарға ай сайын 0,5 айлық есептік көрсеткіш мөлшерінде әлеуметтік көмек көрсетіледі. 9-5. 4-тармақтың 6) тармақшасында көрсетілген адамдарға ай сайын 0,5 айлық есептік көрсеткіш әлеуметтік көмек көрсетіледі. 9-6. 4-тармақтың 7) тармақшасында көрсетілген адамдарға 100 айлық есептік көрсеткіш мөлшерінде біржолғы әлеуметтік көмек көрсетіледі.»;

3) 12-тармақта «, бірақ 20 еселенген айлық есептік көрсеткіштен аспауға тиіс. 4-тармақтың 4) тармақшасы бойынша төлемнің мөлшерін комиссия анықтайды, бірақ төлем 40 еселенген айлық есептік көрсеткіш мөлшерінен аспауға тиіс» деген сөздер алынып тасталсын.

2. Осы шешімнің орындалуын бақылау әлеуметтік-экономикалық даму, бюджет, қаржы, табиғи ресурстарды пайдалану, экология және ардагерлермен жұмыс мәселелері жөніндегі тұрақты комиссияға жүктелсін.

3. Осы шешім Бұланды ауданының әділет басқармасында мемлекеттік тіркеуден өткен соң күшіне енеді.

4. Шешім аудандық газетте ресми жарияланған соң қолданысқа енгізіледі. КЕЛІСІЛДІ Бұланды ауданының әкімі Е.. Нұғыманов 14.03.08 ж. Аудандық жұмыспен қамту және әлеуметтік бағдарламалар бөлімінің бастығы К.Есмағамбетова 14.03.08 ж.