О приостановлении действия приказа Министра энергетики Республики Казахстан от 6 декабря 2018 года № 481 «Об утверждении Правил организации и проведения торгов сжиженным нефтяным газом через электронные торговые площадки» Күшін жойған

«Электрондық сауда алаңдары арқылы сұйытылған мұнай газы сауда-саттығын ұйымдастыру мен жүргізу қағидаларын бекіту туралы» Қазақстан Республикасы энергетика министрінің 2018 жылғы 6 желтоқсандағы бұйрығының қолданысын тоқтата тұру туралы «Құқықтық актілер туралы» Қазақстан Республикасы Заңының 46-бабы 1-тармағына, «Қазақстан Республикасының ұлттық қауіпсіздігі туралы» Қазақстан Республикасы Заңының 22-бабы 1-тармағының 3) тармақшасына және 2-тармағына сәйкес және Мемлекет басшысы тапсырмаларын іске асыру туралы 2022 жылғы 5 қаңтарда елдегі әлеуметтік-экономикалық жағдай мәселелері жөніндегі кеңестің № 20-04/07-1055 хаттамасының 2-тармағын орындау үшін БҰЙЫРАМЫН:

1. «Электрондық сауда алаңдары арқылы сұйытылған мұнай газы сауда-саттығын ұйымдастыру мен жүргізу қағидаларын бекіту туралы» Қазақстан Республикасы энергетика министрінің 2018 жылғы 6 желтоқсандағы бұйрығының (нормативтік құқықтық актілерді мемлекеттік тіркеу реестрінде № 17897 болып тіркелді) қолданысы 2023 жылғы 1 қаңтарға дейін тоқтатылсын.

2. Қазақстан Республикасы Энергетика министрлігінің Газ және мұнай-газ-химия департаменті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты Қазақстан Республикасы Энергетика министрлігінің интернет-ресурсында орналастыруды;

3) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Энергетика министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

4. Осы бұйрықтың орындалуын бақылау жетекшілік ететін Қазақстан Республикасының энергетика вице-министріне жүктелсін.

5. Осы бұйрық алғашқы ресми жарияланған күнінен бастап қолданысқа енгізіледі. «КЕЛІСІЛДІ» Қазақстан Республикасының Ұлттық экономика министрлігі