О внесении изменений в постановление Кабинета Министров Республики Казахстан от 7 августа 1995 года N 1090
Деректемелер және дереккөз
- Толық атауы
- О внесении изменений в постановление Кабинета Министров Республики Казахстан от 7 августа 1995 года N 1090
- Атауы (қаз.)
- Қазақстан Республикасы Министрлер Кабинетiнiң 1995 жылғы 7 тамыздағы N 1090 қаулысына өзгерiстер енгiзу туралы
- Акт түрі
- Қаулы
- Заңдық күші
- Күшін жойған
- Тізілімдегі мәртебе коды
- yts
- Нөмірі
- 1494
- Қабылданған күні
- 20.11.2001
- Көрсетілген редакция
- 25.06.2018 10416_334134.kaz
- Соңғы өзгеріс
- 25.06.2018
- Мәтін тілі
- қазақша
- НҚА мемлекеттік тіркеу нөмірі
- P010001494_
- ЭКБ идентификаторы
- 10416
- Редакция идентификаторы
- 10416_334134
- Бастапқы дереккөз
- ЭКБ zan.gov.kz (API)
- Деректер жаңартылды
- 04.08.2026 23:28
0 Қазақстан Республикасы Министрлер Кабинетiнiң 1995 жылғы 7 тамыздағы N 1090 қаулысына өзгерiстер енгiзу туралы
📌 Ескерту. Күші жойылды - ҚР Үкіметінің 25.06.2018 № 374 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) қаулысымен.
"Салық және бюджетке төленетiн басқа да мiндеттi төлемдер туралы" Қазақстан Республикасының Кодексiн (Салық кодексiн) қолданысқа енгiзу туралы" Қазақстан Республикасының 2001 жылғы 12 маусымдағы Заңының 4-бабын iске асыру мақсатында Қазақстан Республикасының Yкiметi қаулы етеді:
1 1. "Iзгiлiк көмегi ретiнде тауарлар әкелу тәртiбi туралы" Қазақстан Республикасы Министрлер Кабинетiнiң 1995 жылғы 7 тамыздағы N 1090 қаулысына (Қазақстан Республикасының ПҮКЖ-ы, 1995 ж., N 27, 324-құжат) мынадай өзгерiстер енгiзiлсiн:
кiрiспедегі "Салық және бюджетке төленетiн басқа да мiндеттi төлемдер туралы" Қазақстан Республикасы Президентiнiң 1995 жылғы 24 сәуiрдегi N 2235 Заң күшi бар Жарлығын" деген сөздер "Салық және бюджетке төленетiн басқа да мiндеттi төлемдер туралы" Қазақстан Республикасының 2001 жылғы 12 маусымдағы Кодексiн (Салық кодексi)" деген сөздермен ауыстырылсын;
4-тармақтағы "Баспасөз және бұқаралық ақпарат министрлiгi" деген сөздер "Мәдениет, ақпарат және қоғамдық келiсiм министрлiгi" деген сөздермен ауыстырылсын;
көрсетiлген қаулымен бекiтiлген Шетелден Қазақстан Республикасының кеден аумағына iзгiлiк көмегi ретiнде тауарларды әкелу тәртiбi туралы ережеде:
1-тармақтың екiншi абзацы мынадай редакцияда жазылсын:
"Уәкiлеттi ұйымдар арқылы Қазақстан Республикасының Yкiметi бөлетiн азық-түлiк, халықтық тұтыну тауарлары, техника, керек-жарақтар, жабдықтар, медициналық құралдар мен дәрi-дәрмектер, халықтың өмiрi мен тұрмыс жағдайларын жақсарту үшiн шетелдер мен халықаралық ұйымдар жiберген өзге заттар, сондай-ақ әскери, экологиялық, табиғи және техногендiк сипаттағы төтенше жағдайлардың алдын-алу және жою түрiнде Қазақстан Республикасына тегiн берiлетiн мүлiк ізгiлiк көмегі болып табылады.".
2
2. Қазақстан Республикасының Денсаулық сақтау министрлiгi мен Қазақстан Республикасының Еңбек және халықты әлеуметтiк қорғау министрлiгi мүдделi министрлiктермен бiрлесiп, он күндiк мерзiмде Халықаралық iзгiлiк көмек мәселелерi жөнiндегi комиссияның құрамын өзгерту жөнiндегi қаулы жобасын Қазақстан Республикасы Үкiметiнiң қарауына енгiзсiн.
3 3. Халықаралық iзгiлiк көмек мәселелерi жөнiндегi комиссия 2001 жылғы
20 желтоқсанға дейiн халықаралық ізгiлiк көмектi бөлудi жүзеге асыруға
уәкiлеттi ұйымдардың тiзбесi жөнiнде ұсыныстар енгiзсiн.
4 4. Осы қаулы 2002 жылғы 1 қаңтардан бастап күшiне енетiн 1-тармақты
қоспағанда, жарияланған күнінен бастап күшiне енедi.