О ратификации Протокола о внесении изменений в Хартию Шанхайской организации сотрудничества, подписанную 7 июня 2002 года в городе Санкт-Петербурге (Российская Федерация) Қолданыста

Санкт-Петербург қаласында (Ресей Федерациясы) 2002 жылғы 7 маусымда қол қойылған Шанхай ынтымақтастық ұйымының хартиясына өзгерістер енгізу туралы хаттаманы ратификациялау туралы Санкт-Петербург қаласында (Ресей Федерациясы) 2002 жылғы 7 маусымда қол қойылған Шанхай ынтымақтастық ұйымының хартиясына өзгерістер енгізу туралы Ташкентте 2003 жылғы 5 қыркүйекте қол қойылған хаттама ратификациялансын. 📌 Ескерту. Нормативтік құқықтық актіге қоса тіркелген халықаралық хаттаманың мәтіні ресми болып табылмайды. ҚР халықаралық хаттамасының жасасқан тілдердегі ресми куәландырылған көшірмесін ҚР халықаралық хаттамаларын тіркеуге, есептеуге және сақтауға жауапты ҚР Сыртқы істер министрлігінен алуға болады Санкт-Петербург қаласында (Ресей Федерациясы) 2002 жылғы 7 маусымда қол қойылған Шанхай ынтымақтастық Ұйымының хартиясына өзгерістер енгізу туралы ХАТТАМА Шанхай ынтымақтастық ұйымына мүше мемлекеттер 2002 жылғы 7 маусымдағы Шанхай ынтымақтастық ұйымының хартиясына (бұдан әрі - Хартия) өзгерістер енгізу туралы Шанхай ынтымақтастық ұйымына мүше мемлекеттер басшыларының 2003 жылғы 29 мамырдағы шешіміне сәйкес, төмендегілер туралы осы Хаттаманы жасады:

1-бап Хартияның 10-бабының бірінші абзацындағы "Бішкекте (Қырғыз Республикасы)" деген сөз тіркесі "Ташкентте (Өзбекстан Республикасы)" деген сөз тіркесіне өзгертіледі.

2-бап Осы Хаттама оған қол қойған мемлекеттердің ратификациялауына жатады және төртінші ратификациялық грамотаны депозитарийге сақтауға тапсырған күннен бастап отызыншы күні күшіне енеді.

3-бап Осы Хаттама Хартияның ажырамас бөлігі болып табылады. Ташкентте 2003 жылғы 5 қыркүйекте орыс және қытай тілдерінде бір түпнұсқа данада жасалды және де екі мәтіннің күші бірдей. ҚАЗАҚСТАН РЕСПУБЛИКАСЫ ҮШІН ҚЫТАЙ ХАЛЫҚ РЕСПУБЛИКАСЫ ҮШІН ҚЫРҒЫЗ РЕСПУБЛИКАСЫ ҮШІН РЕСЕЙ ФЕДЕРАЦИЯСЫ ҮШІН ТӘЖІКСТАН РЕСПУБЛИКАСЫ ҮШІН ӨЗБЕКСТАН РЕСПУБЛИКАСЫ ҮШІН 2003 жылғы 5 қыркүйекте Ташкент қаласында жасалған 2002 жылғы 7 маусымда Санкт Петербург қаласында ШЫҰ Хартиясына өзгерістер енгізу туралы Хаттаманың бұл көшірмесінің дәлдігін куәландырамын. Қазақстан Республикасы Сыртқы істер министрлігі Жалпыазиялық ынтымақтастық департаментінің Басқарма бастығы Қ. Тумыш