О внесении изменений и дополнений в постановление акимата области «Об утверждении Правил предоставления кредитов на поддержку и развитие малого предпринимательства за счет средств местного бюджета» от 8 февраля 2003 года №38 (регистрационный №1973) Күшін жойған

Облыс әкімдігінің «Жергілікті бюджет қаржысы есебінен шағын кәсіпкерлікті қолдауға және дамытуға несиелер берудің Ережесін бекіту туралы» 2003 жылғы 8 ақпандағы № 38 қаулысына (тіркеу № 1973) өзгерістер мен толықтырулар енгізу туралы Қазақстан Республикасының "Қазақстан Республикасындағы жергілікті мемлекеттік басқару туралы" Заңын, Батыс Қазақстан облысы әкімдігінің "Жергілікті бюджеттен қаржыландырылатын атқарушы органдардың кейбір мәселелері" туралы 2003 жылғы 14 қарашадағы N 221 қаулысын басшылыққа ала отырып, жергілікті бюджет қаржысы есебінен шағын кәсіпкерлікті қолдау және дамыту Бағдарламасын несиелеудің тәртібі мен шарттарын айқындау мақсатында облыс әкімдігі ҚАУЛЫ ЕТЕДІ:

1. Облыс әкімдігінің "Жергілікті бюджет қаржысы есебінен шағын кәсіпкерлікті қолдауға және дамытуға несиелер берудің Ережесін бекіту туралы" 2003 жылғы 8 ақпандағы N 38 қаулысына (тіркеу N 1973, облыстық газеттер "Орал өңірінде" 2003 жылғы 27 ақпанда N 24, "Приуральеде" 2003 жылғы 27 ақпанда N 24 сандарында жарияланған) төмендегідей өзгерістер мен толықтырулар енгізілсін: 2 және 3 тармақтардағы "Департаментке" және "Департамент" деген сөздер тиісінше "Басқармаға" және "Басқарма" деген сөздермен өзгертілсін; аталған қаулымен бекітілген жергілікті бюджет қаржысы есебінен шағын кәсіпкерлікті қолдауға және дамытуға несие берудің Ережесіне: мәтіндегі "Департаментпен", "Департамент" және "Департаменттің" деген сөздер тиісінше "Басқармамен", "Басқарма" және "Басқарманың" деген сөздермен өзгертілсін; 1-тармақ төмендегідей мазмұндағы абзацпен толықтырылсын: "инновациялық жоба - инновацияға қол жеткізуге бағытталған ғылыми, ғылыми-техникалық, тәжірибе-конструкторлық, маркетингтік зерттеулер мен жұмыстар кешенін жүргізу жоспарынан, сондай-ақ техникалық-экономикалық көрсеткіштерден тұратын құжат"; 7-тармақ төмендегідей редакцияда мазмұндалсын: "7. Несиелеудің мерзімі бизнес-жобаларға байланысты белгіленеді: қысқа мерзімді несиелер 1 жылға дейін, орта мерзімді несиелер 1 жылдан жоғары, бірақ 3 жылдан артық емес, ұзақ мерзімді несиелер 3 жылдан жоғары, бірақ 5 жылдан артық емес. Ұзақ мерзімді несиелер инновациялық жобаларға беріледі."; 8 және 17 тармақтардағы "1% мөлшерлеме" сөзі "нөлдік мөлшерлеме" сөзімен өзгертілсін; 17-тармақтағы "50" саны "30" санымен өзгертілсін.

2. Аталған қаулының 2 қосымшасы осы қаулының қосымшасына сәйкес жаңа редакцияда мазмұндалсын.

3. Осы қаулының орындалуын бақылау облыс әкімінің орынбасары С. П. Качалоға жүктелсін.

Облыс әкімдігінің 2004 жылғы 19 ақпандағы N 50 қаулысына қосымша Батыс Қазақстан облысы бойынша шағын кәсіпкерлікті дамытудың басым бағыттарының ТІЗБЕСІ

1. Құс шаруашылығы.

2. Сәт өнімдерін өңдеу.

3. Мал, балық, құс еттерін өңдеу.

4. Көкөніс өнімдерін өңдеу.

5. Кондитер өнімдерін өндіру.

6. Алкогольсіз сусындар өндіру.

7. Тамақ өнімдерін өндіру.

8. Өсімдік майын өндіру.

9. Балық шаруашылығы.

10. Тері және жүн өңдеу және олардан бұйымдар шығару.

11. Машина жасау.

12. Тоқыма және тігін өндірісі.

13. Жиһаздар шығару.

14. Мұнай-химия.

15. Резина және пластмасса бұйымдарын өндіру.

16. Электронды және оптикалық жабдықтар шығару.

17. Ақпараттың технологиялар.

18. Ғылымға негізделген технологияларды, ноу-хау, жабдықтармен қондырғыларды шығару және құрастыру.

19. Балалар тағамын өндіру.

20. Бал шаруашылығы.

21. Дәрілік жабдықтар мен препараттар, санитарлық-гигиеналық құралдар өндіру.

22. Әйнек шығару және әйнектен бұйымдар жасау.

23. Кірпіш, керамика, кафель, черепицалар шығару.

24. Аудандардағы ірі елді мекендерде қызмет көрсету саласы (монша, қонақ үй, шаштараз, кафе, т.б.).

25. Мал шаруашылығы.

26. Франчайзинг.