О внесении изменений в совместный приказ Министра науки и высшего образования Республики Казахстан от 8 января 2024 года № 7 и Министра просвещения Республики Казахстан от 9 января 2024 года № 4 «О некоторых вопросах в сфере Государственной образовательной накопительной системы» Қолданыста

«Мемлекеттік білім беру жинақтау жүйесі саласындағы кейбір мәселелері туралы» Қазақстан Республикасы Ғылым және жоғары білім министрінің 2024 жылғы 8 қаңтардағы № 7 және Қазақстан Республикасы Оқу-ағарту министрінің 2024 жылғы 9 қаңтардағы № 4 бірлескен бұйрығына өзгерістер енгізу туралы БҰЙЫРАМЫЗ:

1. «Мемлекеттік білім беру жинақтау жүйесі саласындағы кейбір мәселелер туралы» Қазақстан Республикасы Ғылым және жоғары білім министрінің 2024 жылғы 8 қаңтардағы № 7 және Қазақстан Республикасы Оқу-ағарту министрінің 2024 жылғы 9 қаңтардағы № 4 бірлескен бұйрығына (Нормативтік құқықтық актілерді мемлекеттік тіркеу тізілімінде № 33897 болып тіркелген) мынадай өзгерістер енгізілсін: көрсетілген бірлескен бұйрықпен бекітілген Білім беру жинақтаушы сақтандырудың үлгілік шартында: 3-тармақтың үшінші бөлігі мынадай редакцияда жазылсын: «Шартты электрондық нысанда жасасу кезінде Сақтанушының, Сақтанушы қайтыс болған жағдайда - Пайда алушы мен Қатысушы-сақтандыру ұйымы арасында цифрлық ресурстар алмасу тәртібі «Сақтандыру қызметі туралы» Қазақстан Республикасы Заңының 15-2-бабымен айқындалады.»; 57-тармақтың 2) тармақшасы мынадай редакцияда жазылсын: «2) қайтыс болу туралы куәліктің көшірмесі не «цифрлық үкіметтің» веб-порталы арқылы алынған қайтыс болу туралы хабарлама;». көрсетілген бірлескен бұйрықпен бекітілген Мемлекеттік білім беру жинақтау жүйесі саласындағы оператор мен қатысушы-білім беру ұйымы арасындағы ынтымақтастық туралы үлгілік келісімде: 8-тармақтың 3) тармақшасы мынадай редакцияда жазылсын: «3) техникалық мүмкіндіктер болған жағдайда өзінің цифрлық жүйелерінің оператордың цифрлық жүйелерімен ықпалдасуын қамтамасыз етуге құқылы.».

2. Қазақстан Республикасы Ғылым және жоғары білім министрлігінің Экономика және қаржы департаменті Қазақстан Республикасы заңнамасында белгіленген тәртіппен:

1) осы бірлескен бұйрықтың Қазақстан Республикасы Әділет министрлігінде мемлекеттік тіркелуін;

2) осы бірлескен бұйрық ресми жарияланғаннан кейін оны Қазақстан Республикасы Ғылым және жоғары білім министрлігінің интернет-ресурсында орналастыруды қамтамасыз етсін.

3. Осы бірлескен бұйрықтың орындалуын бақылау жетекшілік ететін Қазақстан Республикасының Ғылым және жоғары білім вице-министріне жүктелсін.

4. Осы бірлескен бұйрық 2026 жылғы 12 шілдеден бастап қолданысқа енгізіледі және ресми жариялануға тиіс.