О координационно-методическом cовет по правовой пропаганде и правовому всеобучу акимата г. Костаная Күшін жойған

Қостанай қаласы әкiмиятының құқықтық насихат және құқықтық жалпы оқыту жөніндегі үйлестіру-әдістемелік кеңесі туралы «Қазақстан Республикасындағы жергілікті мемлекеттік басқару туралы» Қазақстан Республикасының Заңына, «Қазақстан Республикасындағы құқықтық жалпы оқытуды ұйымдастыру жөніндегі шаралар туралы» қаулысына және облыс әкімиятының «Қостанай облысы әкімиятының құқықтық насихат және құқықтық жалпы оқыту жөніндегі үйлестіру - әдістемелік Кеңесі туралы» 2003 жылғы 1 шілдедегі № 165, тіркеу нөмірі 2378 2003 жылғы 18 шілдеде, қаулысына сәйкес Қостанай қаласының әкімияты ҚАУЛЫ ЕТЕДI:

1. Қостанай қаласы әкiмиятының құқықтық насихат және құқықтық жалпы оқыту жөніндегі үйлестіру-әдістемелік кеңесі құрылсын.

2. Қостанай қаласы әкiмиятының құқықтық насихат және құқықтық жалпы оқыту жөніндегі үйлестіру-әдістемелік кеңесі туралы ережесі бекітілсін (№ 1 қосымша).

3. Кеңестің жеке құрамы заңнамамен белгіленген тәртіпте қалалық мәслихатты сессиясының бекітуіне ұсынылсын (№ 2 қосымша).

4. «Қостанай қаласы әкімінің жанындағы құқықтық жұмыстар үйлестіру-әдістемелік кеңесі туралы» 2000 жылғы 31 қала әкім шешімінің күші жойылған деп танылсын.

5. Осы қаулының орындалуына бақылау жасау қала әкiмi аппаратының басшысы М.Ж. Жақсыбергеноваға жүктелсiн.

№ 1-қосымша Қостанай қаласы әкiмиятының 2003 жылғы 9 қыркүйектегі № 721 қаулысымен бекітілген Қостанай қаласы әкімиятының құқықтық насихат және құқықтық жалпы оқыту жөніндегі үйлестіру-әдістемелік кеңесінің ереже

1. Жалпы ережелер

1. Қостанай қаласы әкімиятының құқықтық насихат және құқықтық жалпы оқыту жөніндегі (бұдан әрі - Кеңес) қаланың атқарушы органдарының, мемлекеттік мекемелерінің, ұйымдарының қызметін құқықтық білімді насихаттау және құқықтық жалпы оқыту жөнінде ведомствоаралық үйлестіруді қамтамасыз ететін консультативтік-кеңестік орган болып табылады.

2. Кеңес Қостанай қаласы әкімиятының жанында құрылады.

3. Кеңестің төрағасы болып қала әкімі аппаратының басшысы табылады.

4. Кеңес өз қызметінде Қазақстан Республикасының қолданыстағы заңнамасын және осы ережені басшылыққа алады.

2. Кеңестің негізгі мақсаттары мен мiндеттерi

5. Кеңестің негізгі мақсаттары:

1) азаматтардың құқықтық білімінің деңгейін жоғарлату, бұл жұмысқа кәсіби заңгерлерді тарту;

2) халықтың құқықтық мәдениетін жоғарлату;

3) мемлекеттік органдардың, қоғамдық бірлестіктердің, кәсіпорындардың, ұйымдардың, мекемелердің құқықтық жұмысын үйлестіру.

6. Кеңестің негізгі тапсырмалары болып табылады:

1) қаланың атқарушы органдарының, мемлекеттік мекемелерінің және ұйымдарының қызметін құқықтық білімді насихаттау және құқықтық жалпы оқыту жөнінде ведомствоаралық үйлестіруді қамтамасыз ету;

2) қаланың атқарушы органдарының, мемлекеттік мекемелерінің және ұйымдарының құқықтық білімді насихаттау және құқықтық жалпы оқыту жөніндегі жұмысын талдау;

3) қалалық атқарушы органдарға, мемлекеттік мекемелерге және ұйымдарға арналған құқықтық білімді насихаттау және құқықтық жалпы оқыту жөнінде ұсыныстарды әзірлеу;

4) оң жұмыс тәжірибесін тарату, құқықтық жұмысты жетілдіру жөнінде әдістемелік ұсынымдарды әзірлеу.

3. Кеңес қызметінің нысандары

7. Кеңес жұмысының негізгі нысандары болып табылады:

1) өзара ақпарат алмасу;

2) құқықтық насихат және құқықтық жалпы оқыту мәселелеріндегі жұмыс жағдайын бірлесіп талқылау;

3) қаланың атқарушы органдарымен, мемлекеттік мекемелерімен және ұйымдарымен бірлесіп іс-шаралар (дөңгелек үстелдер, пікірсайыстар, кездесулер, семинарлар, дәрістер) ұйымдастыру және өткізу;

4) құқықтық білім «күндерін», «апталарын», «айлықтарын» өткізу.

8. Кеңес қабылдаған барлық шешімдер, ұсыныстар және құжаттар мүдделі ұйымдарға және бұқаралық ақпарат құралдарына жіберіледі.

4. Кеңестің функциялары

9. Кеңес келесі функцияларды жүзеге асырады:

1) қаланың мемлекеттік кәсіпорындарындағы, мекемелеріндегі құқықтық білімді насихаттау және құқықтық жалпы білім жөніндегі жұмысының жағдайымен танысады, осы мәселелер бойынша олардың басшыларының ақпараттарын тыңдайды, құқықтық жалпы оқыту әдістерін және нысандарын жетілдіру жөнінде ұсыныстар, қорытындылар және ұсынымдар дайындайды, жүзеге асыруда көмектеседі;

2) қаланың атқарушы органдары, мемлекеттік мекемелері және ұйымдарының дәрістік бағдарламаларының тақырыптық бағытын және кәсіби мазмұны талдайды;

3) қаланың атқарушы органдарына, мемлекеттік мекемелеріне және ұйымдарына құқықтық тақырыптарға арналған материалдарды жариялауда және тақырыптық жоспарларды әзірлеуде іс-тәжірибелік көмек көрсетеді;

4) Кеңестің құзыретіне жататын басқа функцияларды жүзеге асырады.

5. Кеңестің жұмысын ұйымдастыру

10. Кеңес перспективтік және тоқсандық жоспарларға сәйкес жұмыс атқарады. Кеңесінің отырысы тоқсанда бір рет өткізіледі.

11. Отырыс төраға немесе оның тапсырмасы бойынша кеңес мүшелерінің біреуі басшылық етумен өткізіледі.

12. Отырысқа кеңес мүшелерінің жартысынан астамы қатысқанда ғана ол заңды болып саналады.

13. Талқылау нәтижелері мен қабылданған ұсынымдар кеңес отырысынан кейін екі күн ішінде ресімделетін хаттамаға енгізіледі. Хаттамаға кеңестің төрағасы мен хатшысы қол қояды және ол орындаушыларға таратылады.

14. Кеңес өз жұмысына құқық қорғаушы органдардың, заң қызметтерінің қызметкерлерін, жергілікті атқарушы органдардың басшыларын тартуға және шешімдері, жоспарлы іс-шараларды орындау жөнінде ұсынымдар беруге құқықты.

№ 2-қосымша Қостанай қаласы әкiмиятының 2003 жылғы 9 қыркүйектегі № 721 қаулысымен бекітілген Қостанай қаласы әкімиятының құқықтық насихат және құқықтық жалпы оқыту жөніндегі үйлестіру-әдістемелік кеңесінің жеке құрамы туралы Маркиза Жәркенқызы Жақсыбергенова Қала әкімі аппаратының басшысы, төраға Батырбек Рахметжанұлы Құдабаев Қала әкімі аппараты заң бөлімінің бас маманы, төрағаның орынбасары Азамат Баймырзаұлы Әлімбаев Қала әкімінің көмекшісі, хатшы Кеңестің мүшелері Динара Әлім Қостанай облысы әділет басқармасының бас маманы Гүлширан Савитқызы Бірімбаева Қалалық еңбек, жұмыспен қамту және халықты әлеуметтік қорғау басқармасы ақпараттық-құқықтық бөлімінің бастығы Жайберген Болатов «Қостанай» газеті редакторының орынбасары Раиса Николаевна Завгородняя Қала әкімі аппараты ұйымдастыру бөлімінің бас маманы Ергали Ережепұлы Мамбетов Қала прокуроры орынбасарының міндетін атқарушы Манарбек Ауанұлы Қазин Қала әкімінің кеңесшісі Сәуле Сарабекқызы Қалиева Қалалық мәслихаты аппаратының бас маманы Генрих Генрихович Шек Қалалық білім басқармасының бастығы