Об установлении публичного сервитута товариществу с ограниченной ответственностью «Copper&Gold» на территории Жанажольского сельского округа Баянаульского района Қолданыста

«Copper&Gold» жауапкершілігі шектеулі серіктестігіне Баянауыл ауданы Жаңажол ауылдық округі аумағында қауымдық сервитут белгілеу туралы Қазақстан Республикасының Жер кодексінің 19-бабы 1-1) тармақшасына, 69-бабының 4-тармағына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 35-бабы 1-тармағы 6) тармақшасына сәйкес және 2020 жылғы 18 ақпандағы № 548-ЕL пайдалы қатты қазбаларды барлауға берілген лицензияның негізінде (2025 жылғы 31 желтоқсандағы лицензияны ұзарту) Жаңажол ауылдық округінің әкімі ШЕШІМ ҚАБЫЛДАДЫ:

1. Осы шешімнің қосымшасына сәйкес жер пайдаланушылардан жер учаскелерін алып қоймастан Баянауыл ауданы Жаңажол ауылдық округі аумағында қауымдық сервитут белгіленсін.

2. «Copper&Gold» жауапкершілігі шектеулі серіктестігі:

1) жер учаскілерінің меншік иелері мен жер пайдаланушыларға шығындарды толық көлемде өтеу, шығындардың мөлшері және оларды өтеу тәртібі Қазақстан Республикасының қолданыстағы заңнамасына сәйкес тараптардың келісімімен анықтау келісім бойынша жүргізілсін.

2) пайдалы қатты қазбаларды барлау жөніндегі операцияларды жүргізу мақсатында жер учаскелерін пайдалану кезінде Қазақстан Республикасының заңнама талаптарын сақтасын;

3) жұмыстар аяқталғаннан кейін бүлінген жер учаскелерін одан әрі тікелей мақсаты бойынша пайдалануға жарамды күйге келтірсін.

3. Осы шешімнің орындалуын бақылауды өзіме қалдырамын.

4. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Баянауыл ауданы Жаңажол ауылдық округі әкімінің 2026 жылғы «20» мамырдағы № 1-03/09 шешіміне қосымша Р/с № Пайдаланушы Ауданы, гектар Нысаналы мақсаты Пайдалану мерзімі (жыл) Жер телімінің орналасқан жері 1 «Copper&Gold» жауапкершілігі шектеулі серіктестігі 216,4 Қатты пайдалы қазбаларға барлау жүргізу үшін 2031 жылдың 18 ақпанына дейін Баянауыл ауданы Жаңажол ауылдық округі аумағында (елді мекендер жерлері 14-205-025)