"О внесении изменений и дополнений в Указ Президента Республики Казахстан, имеющий силу Закона, "О страховании" Қолданыста

Қазақстан Республикасы Президентiнiң "Сақтандыру туралы" заң күшi бар Жарлығына өзгерiстер мен толықтырулар енгiзу туралы Қазақстан Республикасы Президентiнiң "Сақтандыру туралы" 1995 жылғы 3 қазандағы N 2475 заң күшi бар Жарлығына (Қазақстан Республикасы Жоғарғы Кеңесiнiң Жаршысы, 1995 ж., N 19, 115-құжат) мынадай өзгерiстер мен толықтырулар енгiзiлсiн:

1) 3-баптың 2-тармағы мынадай мазмұндағы редакцияда жазылсын: "Мiндеттi сақтандыру ерекшелiктерi, осы Жарлықта көзделгеннен басқа жағдайларда, арнайы заңдармен реттеледi";

2) 5-баптың 2-тармағының бiрiншi сөйлемi мынадай редакцияда жазылсын: "Мiндеттi сақтандыру түрлерi, осы Жарлықта көзделгеннен басқа жағдайларда, заң актiлерiмен белгiленедi";

3) 5-баптың 2-тармағы мынадай мазмұндағы абзацпен толықтырылсын: "Егіндi, көп жылдық өсiмдiктердi, ауылшаруашылық жануарларын, қозғалатын және қозғалмайтын мүлiктi, ауылшаруашылық өндiрiсiнiң өнiмдерi мен тауарларын қолайсыз табиғи-климаттық жағдайлардан, эпизоотиядан және басқа дүлей зiлзаладан мiндеттi сақтандыру белгiленсiн".