О создании исправительного учреждения Комитета уголовно-исполнительной системы Министерства внутренних дел Республики Казахстан Қолданыста

Қазақстан Республикасының Iшкi iстер министрлiгi Қылмыстық-атқару жүйесi комитетiнiң түзеу мекемесін құру туралы Қазақстан Республикасының Үкiметi қаулы етеді:

1. "Қазақстан Республикасының Iшкi iстер министрлiгi Қылмыстық-атқару жүйесi комитетiнiң ЖД-158/6 түзеу мекемесi" мемлекеттiк мекемесi (бұдан әрi - мекеме) құрылсын.

2. Қылмыстық-атқару жүйесi штат санының лимитi шегiнде мекеменiң штат санының лимитi 20 бiрлiк мөлшерiнде бекiтiлсiн.

3. Мекеменi ұстау шығындары тиiстi жылға арналған республикалық бюджетте сотталғандарды ұстауға Қылмыстық-атқару жүйесi комитетiне көзделген қаражат шегiнде жүргiзiледi деп белгiленсiн.

4. Қазақстан Республикасының Iшкi iстер министрлiгi Қылмыстық-атқару жүйесi комитетi заңнамамен белгiленген тәртiппен:

1) мекеменiң Жарғысын бекiтсiн және оның әдiлет органдарында тiркелуiн қамтамасыз етсiн;

2) осы қаулыны iске асыру жөнiнде өзге де шараларды қабылдасын.

5. Күші жойылды - ҚР Үкіметінің 2001.12.28. N 1755 қаулысымен.

6. Осы қаулы қол қойылған күнінен бастап күшiне енедi.