Об утверждении Правил выдачи служебного удостоверения Центральной избирательной комиссии Республики Казахстан и его описания Күшін жойған

Қазақстан Республикасы Орталық сайлау комиссиясының қызметтік куәлігін беру қағидаларын және оның сипаттамасын бекіту туралы «Қазақстан Республикасының мемлекеттік қызметі туралы» 2015 жылғы 23 қарашадағы Қазақстан Республикасы Заңының 30-бабының 4-тармағына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. Мыналар:

1) Қазақстан Республикасы Орталық сайлау комиссиясының қызметтік куәлігін беру қағидалары (1-қосымша);

2) Қазақстан Республикасы Орталық сайлау комиссиясы қызметтік куәлігінің сипаттамасы (2-қосымша) бекітілсін.

2. Қазақстан Республикасы Орталық сайлау комиссиясы аппаратының заң бөлімі:

1) осы қаулының Қазақстан Республикасы Әділет министрлігінде мемлекеттік тіркелуін;

2) қаулы Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оны мерзімді баспа басылымдарында және «Әділет» ақпараттық-құқықтық жүйесінде ресми жариялауға, сондай-ақ тіркелген қаулы алынған күннен бастап бес жұмыс күні ішінде Қазақстан Республикасы нормативтік құқықтық актілерінің эталондық бақылау банкінде орналастыру үшін қаулы көшірмесінің баспа және электрондық түрде «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жіберілуін қамтамасыз етсін.

3. Осы қаулы оның алғаш ресми жарияланған күнінен бастап қолданысқа енгізіледі.

4. Осы қаулының орындалуын бақылау Қазақстан Республикасы Орталық сайлау комиссиясының хатшысы Б.С. Мелдешовке жүктелсін.

Қазақстан Республикасы Орталық сайлау комиссиясының 2016 жылғы 8 шілдедегі № 42/139 қаулысына 1-қосымша Қазақстан Республикасы Орталық сайлау комиссиясының қызметтік куәлігін беру қағидалары

1-тарау. Жалпы ережелер

1. Осы Қазақстан Республикасы Орталық сайлау комиссиясының қызметтік куәлігін беру қағидалары (бұдан әрі – Қағидалар) Қазақстан Республикасы Орталық сайлау комиссиясы (бұдан әрі – Ортсайлауком) аппаратының қызметкерлеріне қызметтік куәлікті беру тәртібін айқындайды.

2. Ортсайлауком аппараты қызметкерінің қызметтік куәлігі (бұдан әрі - қызметтік куәлік) оның мемлекеттік лауазымы мен лауазымдық өкілеттіктерін растайтын құжат болып табылады.

3. Тиісінше ресімделмеген, жарамдылық мерзімі өткен, түзетілген және тазартылған қызметтік куәлік жарамсыз болып саналады.

2-тарау. Қызметтік куәлікті беру тәртібі

4. Қызметтік куәлік:

1) Ортсайлауком Төрағасының қолымен – Ортсайлауком аппараты құрылымдық бөлімшелерінің басшыларына;

2) аппарат басшысының қолымен – Ортсайлауком аппаратының қызметкерлеріне олар лауазымға тағайындалған, лауазымы ауысқан, бұған дейін берілген куәлік бүлінген, жоғалған, қолданыс мерзімі өткен кезде беріледі. Қызметкерлер алынған қызметтік куәлік үшін осы Қағидаларға қосымшаға сай нысан бойынша Ортсайлаукомның қызметтік куәлігін беруді есепке алу журналына (бұдан әрі – Есепке алу журналы) қол қояды.

5. Есепке алу журналы кадр жұмысы жөніндегі маманда сейфте сақталады.

6. Мемлекеттік қызметке алғаш қабылданған Ортсайлауком аппаратының қызметкеріне куәлікті тапсырған кезде оны пайдалану және сақтау бойынша түсіндіру жүргізіледі. Қызметтік куәлікті ауыстыру кезінде бұрын берілген қызметтік куәлікті кадр жұмысы жөніндегі маман кері қайтарып алады.

7. Жыл сайын, 1 қаңтардағы жағдай бойынша кадр жұмысы жөніндегі маман қызметтік куәліктердің есептік деректерге сәйкестігіне салыстырып тексеру жүргізеді.

8. Қызметтік куәліктерді толтыру, ресімдеу, есепке алу, беру, сақтау және жою тәртібін жалпы бақылауды Ортсайлауком аппаратының кадр қызметі жүзеге асырады.

9. Қызметтік куәлік жоғалған немесе бүлінген жағдайда, оның иесі дереу кадр қызметіне жазбаша (еркін) нысанда хабарлайды, бұқаралық ақпарат құралдарына хабарландыру береді.

10. Қызметтік куәлікті дұрыс сақтамау нәтижесінде жоғалту, бүлдіру, сондай-ақ қызметтік куәлікті басқа адамдарға беру, қызметтік куәлікті жеке басы үшін қызметтен тыс мақсаттарда пайдаланудың әрбір фактісі бойынша кадр қызметі белгіленген тәртіппен қызметтік тергеу жүргізу қажеттігін қарастырады.

11. Жоғалған қызметтік куәліктер бұқаралық ақпарат құралдары арқылы жарамсыз деп жарияланады. Жоғалғанның орнына жаңа қызметтік куәлікті қызметтік тергеу жүргізілгеннен кейін кадр қызметі береді.

12. Қызметкер кінәсінен жоғалған немесе бүлінген қызметтік куәлікті қызметкер жеке қаражаты есебінен қалпына келтіреді.

13. Жұмыстан босатылған кезде қызметкер қызметтік куәлікті кадр қызметіне тапсырады. Куәлікті тапсырған кезде кету парағына қызметтік куәлікті беру үшін жауапты адамның қолы қойылады.

14. Қызметкерлер жұмыстан босатылған, лауазымы ауысқан не бұған дейін берілген куәлік бүлінген кезде тапсырылған қызметтік куәліктер еркін нысанда жою туралы тиісті акт жасала отырып, бір жылда бір рет жойылуға тиіс.

Қазақстан Республикасы Орталық сайлау комиссиясының қызметтік куәлігін беру қағидаларына қосымша Нысан Қазақстан Республикасы Орталық сайлау комиссиясының қызметтік куәлігін беруді есепке алу журналы Р/б № Қызметтік куәліктің нөмірі Тегі, аты, әкесінің аты (бар болған жағдайда) Атқаратын лауазымы Берілген күні Алғаны жөнінде жеке қолы Қызметтік куәлікті ауыстырғаны және тапсырғаны (ауысқаны, мерзімінің аяқталғаны, жұмыстан босатылғаны, жоғалтқаны) туралы белгі Қызметтік куәлікті жою (актінің нөмірі мен күні) Ескертпе Ескертпе: Қазақстан Республикасы Орталық сайлау комиссиясының қызметтік куәлігін беруді есепке алу журналы нөмірленіп, кадр қызметінің қолымен және мөрімен расталады.

Қазақстан Республикасы Орталық сайлау комиссиясының 2016 жылғы 8 шілдедегі № 42/139 қаулысына 2-қосымша Қазақстан Республикасы Орталық сайлау комиссиясы қызметтік куәлігінің сипаттамасы

1. Қазақстан Республикасы Орталық сайлау комсииясы аппаратының қызметкерінің қызметтік куәлігінің мұқабасы мөлшері 190 мм х 65 мм (ашып көрсетілген түрінде), көк түсті экобылғарыдан немесе жоғары сапалы жасанды былғарыдан жасалады.

2. Қызметтік куәліктің сыртқы жағында ортасынан алтын түсті Қазақстан Республикасы Мемлекеттік Елтаңбасының бейнесі басылады, одан төмен «КУӘЛІК», «УДОСТОВЕРЕНИЕ» деген типографиялық қаріппен екі жол жазба жазылады.

3. Куәліктің ішкі сол және оң жақ бөлігі белгіленген үлгідегі тангир торының аясында күннің астында қалықтаған бүркіт бейнеленген көгілдір түсте орындалған. Екі жақтын жоғарғы бөлігінде мемлекеттік және орыс тілдерінде «ҚАЗАҚСТАН РЕСПУБЛИКАСЫ ОРТАЛЫҚ САЙЛАУ КОМИССИЯСЫ» деген жазу басылады.

4. Сол жағында: көлемі 3х4 см фотосурет (қарсы алдынан түсірілген, түрлі-түсті), төмен қарай қызметтік куәліктің нөмірі, аты, әкесінің аты (болса), тегі, атқаратын лауазымы, құрылымдық бөлімшенің атауы көрсетіледі. Мәтін мемлекеттік тілде басылады, тиісінше Қазақстан Республикасы Орталық сайлау комиссиясы Төрағасының немесе аппарат басшысының қолымен және елтаңбалы мөрмен расталады.

5. Оң жағында: Қазақстан Республикасы Мемлекеттік Елтаңбасының бейнесі, елтаңбаның жанында қызметтік куәліктің нөмірі, тегі, аты, әкесінің аты (бар болса), атқаратын лауазымы көрсетіледі. Мәтін орыс тілінде басылады, Одан төмен куәліктің жарамдылық мерзімі көрсетіледі (екі жыл мерзімге беріледі).