Об утверждении Положения о государственном учреждении «Управление по делам религий Павлодарской области» Күшін жойған

«Павлодар облысының дін істері басқармасы» мемлекеттік мекемесі туралы ережені бекіту туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына, Қазақстан Республикасының 2011 жылғы 1 наурыздағы «Мемлекеттік мүлік туралы» Заңына, Қазақстан Республикасы Президентiнiң 2012 жылғы 29 қазандағы «Қазақстан Республикасы мемлекеттiк органының үлгi ережесiн бекiту туралы» № 410 Жарлығына сәйкес Павлодар облысының әкімдігі ҚАУЛЫ ЕТЕДІ:

1. Қоса беріліп отырған «Павлодар облысының дін істері басқармасы» мемлекеттік мекемесі туралы ереже бекітілсін.

2. Павлодар облысы әкімдігінің 2014 жылғы 23 қазандағы «Павлодар облысының дін істері басқармасы» мемлекеттік мекемесі туралы ережені бекіту туралы» № 334/10 қаулысының (Нормативтік құқықтық актілерді мемлекеттік тіркеу тізілімінде № 4135 болып тіркелген, 2014 жылғы 8 қарашада «Сарыарқа самалы», «Звезда Прииртышья» газеттерінде жарияланған); Павлодар облысы әкімдігінің 2015 жылғы 26 қарашадағы «Павлодар облысы әкімдігінің 2014 жылғы 23 қазандағы «Павлодар облысының дін істері басқармасы» мемлекеттік мекемесі туралы ережені бекіту туралы» № 334/10 қаулысына өзгерістер енгізу туралы» № 326/11 қаулысының (Нормативтік құқықтық актілерді мемлекеттік тіркеу тізілімінде № 4846 болып тіркелген, 2015 жылғы 29 желтоқсанда «Сарыарқа самалы», «Звезда Прииртышья» газеттерінде жарияланған) күші жойылды деп танылсын.

3. «Павлодар облысының дін істері басқармасы» мемлекеттік мекемесі заңнамамен белгіленген тәртіпте: осы қаулының көшірмесін аумақтық әділет органына бір апта мерзімде жолдауды; осы қаулының мерзімді баспа басылымдарында ресми жариялануын; осы қаулының Павлодар облысы әкімдігінің интернет-ресурсында орналастыруын қамтамасыз етсін.

4. Осы қаулының орындалуын бақылау облыс әкімінің орынбасары М.М.М Бегентаевке жүктелсін.