О мерах по локализации эпидемической вспышки в Макатском районе Қолданыста

«Мақат ауданы бойынша эпидемиялық тұтынуға шара қолдану туралы» Мақат ауданында вирусты гепатитке қарсы күрестiң алдын алу, індетке қарсы жедел шараларды толық көлемде ұйымдастыру мақсатында ШЕШІМ ЕТЕМІН:

1. Облыстық денсаулық сақтау департаментi (Нұрғазиев Қ.):

1) Мақат ауданында iндетке қарсы шұғыл шараларды ұйымдастырып өткiзуге, 3 жастан 7 жасқа дейiнгi балалар арасында "А" вирустық гепатитiне қарсы жаппай егу шараларын жүргiзу үшiн эпидемиологиялық қордан 24 275000 (жиырма төрт миллион екi жүз жетпiс бес мың) теңге қаржы бөлiнсiн.

2) Қазақстан Республикасы Қаржы министрлiгiнiң Мемлекеттiк сатып алу жөнiндегi комитетiне "А" вирустық гепатитiне қарсы вакциналарды сатып алуға өтiнiш хатпен жолықсын.

3) Облыстық денсаулық сақтау департаментi iндетке қарсы шараларды өткiзуде денсаулық сақтау мекемелерiнiң емдеу-алдын-алу қызметiн үйлестiрудi және оған бақылау жасауды қамтамасыз етсiн.

2. Облыстық қаржы басқармасы (Әжiғалиева А.) iндетке қарсы шараларды өткiзуге қаржыландыруды уақтылы жүзеге асырсын.

3. Мақат ауданының әкiмi (Нақпаев С.) алыс, шалғайдағы елдi мекендерге бару үшiн автокөлiкпен, жанар-жағар маймен үздiксiз қамтамасыз етiп, балаларды жаппай егiлуiн өткiзу үшiн денсаулық сақтау мекемелерiне көмек көрсетсiн.

4. Мақат ауданының әкiмi, облыстық бiлiм беру департаментi (Испосынова С.) мектептер мен мектеп жасына дейiнгi балалар мекемелерiндегi балаларға жаппай егу шараларын жүргiзу үшiн жағдай жасасын.

5. Осы шешiмнiң орындалуын бақылау облыс әкiмiнiң орынбасары Т.Мүрсәлиеваға жүктелсiн.