О переименовании улиц городов Кандыагаш и Жем Мугалжарского района Мәртебесі расталмаған

Мұғалжар ауданының Қандыағаш және Жем қалаларының көшелерін қайта атау туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6, 31 баптарына, Қазақстан Республикасының 1993 жылғы 8 желтоқсандағы «Қазақстан Республикасының әкімшілік-аумақтық құрылысы туралы» Заңының 12 бабының 5-1) тармақшасына сәйкес, Қандыағаш және Жем қалалары халқының пікірін ескере отырып, облыстық ономастикалық комиссиясының қорытындылары негізінде Мұғалжар ауданының әкімдігі ҚАУЛЫ ЕТЕДІ және Мұғалжар аудандық мәслихаты ШЕШІМ ҚАБЫЛДАДЫ:

1. Мұғалжар ауданының Қандыағаш қаласындағы «Западная» көшесі «Нұрахмет Қаржаубаев» есімімен қайта аталсын.

2. Мұғалжар ауданының Жем қаласындағы келесі көшелер: «Вокзальная» көшесі «Бәйтерек» көшесі деп; «Набережная» көшесі «Жерұйық» көшесі деп қайта аталсын.

3. Осы бірлескен Мұғалжар ауданы әкімдігінің қаулысы және Мұғалжар аудандық мәслихаттың шешімі оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.