Об утверждении Правил оказания социальной помощи, установления размеров и определения перечня отдельных категорий нуждающихся граждан по Улытаускому району Күшін жойған

Ұлытау ауданы бойынша әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңына, Қазақстан Республикасы Үкіметінің 2013 жылғы 21 мамырдағы № 504 "Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың үлгілік қағидаларын бекіту туралы" қаулысына сәйкес, Ұлытау ауданының мәслихаты ШЕШІМ ЕТТІ:

1. Қоса берiлiп отырған Ұлытау ауданы бойынша әлеуметтiк көмек көрсетудiң, оның мөлшерлерiн белгiлеудiң және мұқтаж азаматтардың жекелеген санаттарының тiзбесiн айқындаудың  қағидалары бекітілсін.

2. Ұлытау аудандық мәслихатының мына шешімдерінің күші жойылды деп танылсын:

1) "Әлеуметтiк көмек көрсетудiң, оның мөлшерлерiн белгiлеудiң және мұқтаж азаматтардың жекелеген санаттарының тiзбесiн айқындау қағидаларын бекіту туралы" Ұлытау аудандық мәслихатының 2013 жылғы 12 шілдедегі № 113 шешімі (Нормативтік құқықтық актілерді мемлекеттік тіркеу Тізілімінде № 2381 болып тіркелген, "Ұлытау өңірі" газетінің 2013 жылғы 17 тамыздағы 30 (5902) нөмірінде жарияланған);

2) "Ұлытау аудандық мәслихатының 2013 жылғы 12 шілдедегі №113 "Әлеуметтiк көмек көрсетудiң, оның мөлшерлерiн белгiлеудiң және мұқтаж азаматтардың жекелеген санаттарының тiзбесiн айқындау қағидаларын бекіту туралы" шешіміне өзгеріс енгізу туралы" Ұлытау аудандық мәслихатының 2014 жылғы 11 қыркүйектегі № 188 шешімі (Нормативтік құқықтық актілерді мемлекеттік тіркеу Тізілімінде № 2794 болып тіркелген, "Ұлытау өңірі" газетінің 2014 жылғы 18 қазандағы 42 (5962) нөмірінде және 2014 жылғы 17 қазанда "Әділет" ақпараттық-құқықтық жүйесінде жарияланған);

3) «Ұлытау аудандық мәслихатының 2013 жылғы 12 шілдедегі №113 «Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындау қағидаларын бекіту туралы» шешіміне өзгерістер мен толықтырулар енгізу туралы» Ұлытау аудандық мәслихатының 2014 жылғы 24 қарашадағы №198 шешімі (Нормативтік құқықтық актілерді мемлекеттік тіркеу Тізілімінде №2885 болып тіркелген, "Ұлытау өңірі" газетінің 2014 жылғы 31 желтоқсандағы 51 (5971) нөмірінде және 2015 жылғы 8 қаңтарда "Әділет" ақпараттық-құқықтық жүйесінде жарияланған).

3. Осы шешім алғаш ресми жарияланған күнінен бастап қолданысқа енгізіледі.

Ұлытау аудандық мәслихатының 2016 жылғы 16 қазандағы №49 шешімімен бекітілген Ұлытау ауданы бойынша әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындау қағидалары

1-тарау. Жалпы ережелер

1. Ұлытау ауданы бойынша әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындау қағидалары (бұдан әрі – Қағидалар) Қазақстан Республикасы Үкіметінің «Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың Үлгілік қағидаларын бекіту туралы» 2013 жылғы 21 мамырдағы № 504 қаулысына сәйкес әзірленді және Ұлытау ауданы бойынша әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындау тәртібін анықтайды.

2. Осы Қағидаларда пайдаланылатын негiзгi терминдер мен ұғымдар:

1) «Азаматтарға арналған үкімет» мемлекеттік корпорациясы (бұдан әрі – уәкілетті ұйым) – Қазақстан Республикасының заңнамасына сәйкес мемлекеттік қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді және квазимемлекеттік сектор субъектілерінің қызметтерін көрсету, «бір терезе» қағидаты бойынша мемлекеттік қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді, квазимемлекеттік сектор субъектілерінің қызметтерін көрсетуге өтініштер қабылдау және көрсетілетін қызметті алушыға олардың нәтижелерін беру жөніндегі жұмысты ұйымдастыру, сондай-ақ электрондық нысанда мемлекеттік қызметтер көрсетуді қамтамасыз ету үшін Қазақстан Республикасы Үкіметінің шешімі бойынша құрылған, жылжымайтын мүлікке құқықтарды оның орналасқан жері бойынша мемлекеттік тіркеуді жүзеге асыратын заңды тұлға;

2) арнайы комиссия – өмірде қиын жағдайдың туындауына байланысты әлеуметтік көмек көрсетуге үміткер адамның (отбасының) өтінішін қарау бойынша Ұлытау ауданы әкімінің шешімімен құрылатын комиссия;

3) ең төмен күнкөріс деңгейі – «Қазақстан Республикасының Стратегиялық жоспарлау және реформалар агенттігі Ұлттық статистика бюросының Қарағанды облысы бойынша департаменті» республикалық мемлекеттік мекемесі есептейтін мөлшері бойынша ең төмен тұтыну себетінің құнына тең, бір адамға қажетті ең төмен ақшалай кіріс;

4) мереке күндері – Қазақстан Республикасының ұлттық және мемлекеттік мереке күндері;

5) отбасының (азаматтың) жан басына шаққандағы орташа табысы – отбасының жиынтық табысының айына отбасының әрбір мүшесіне келетін үлесі;

6) өмірдегі қиын жағдай – азаматтың тыныс-тіршілігін объективті түрде бұзатын, ол өз бетінше еңсере алмайтын ахуал;

7) уәкілетті орган – «Ұлытау ауданының жұмыспен қамту және әлеуметтік бағдарламалар бөлімі» мемлекеттік мекемесі;

8) учаскелік комиссия – әлеуметтік көмек алуға өтініш білдірген адамдардың (отбасылардың) материалдық жағдайына тексеру жүргізу және қорытындылар дайындау үшін Ұлытау ауданының кент, ауылдық округ әкімдерінің шешімімен құрылатын комиссия;

9) шекті шама – әлеуметтік көмектің бекітілген ең жоғары мөлшері.

3. Осы Қағидалардың мақсаттары үшін әлеуметтік көмек ретінде жергілікті атқарушы органмен (бұдан әрі – ЖАО) мұқтаж азаматтардың жекелеген санаттарына (бұдан әрі - әлеуметтік көмек алушылар) өмірлік қиын жағдай туындаған жағдайда, сондай-ақ, мереке күндерге ақшалай нысанда көрсететін көмек түсініледі.

4. Әлеуметтік көмек бір жолға көрсетіледі.

5. «Қазақстан Республикасында мүгедектерді әлеуметтік қорғау туралы» Қазақстан Республикасы Заңының 16-бабында және «Ардагерлер туралы» Қазақстан Республикасы Заңының 10-бабының 2) тармақшасында, 11-бабының 2) тармақшасында, 12-бабының 2) тармақшасында және 13-бабының 2) тармақшасында көрсетілген адамдарға әлеуметтік көмек осы Қағидаларда көзделген тәртіппен тағайындалады.

2- тарау. Әлеуметтік көмек көрсету, мұқтаж алушылардың жекелеген санаттарының тізбесін айқындау және әлеуметтік көмектің мөлшерлерін белгілеу тәртібі

6. Мереке күндеріне әлеуметтік көмек келесі санаттағы азаматтарға біржолға көрсетіледі:

1) 1-2 қаңтар – Жаңа жыл: 18 жасқа толмаған мүгедек балаларға - 5 (бес) айлық есептік көрсеткіш; ата-анасының қамқорлығынсыз қалған және жетім балаларға – 5 (бес) айлық есептік көрсеткіш;

2) 8 наурыз – Халықаралық әйелдер күні: «Алтын алқа», «Күміс алқа» алқаларымен марапатталған немесе бұрын «Батыр-Ана» атағын алған, сондай-ақ І және ІІ дәрежелі «Ана даңқы» ордендерімен марапатталған аналарға – 5 (бес) айлық есептік көрсеткіш; кәмелетке толмаған төрт және одан көп балалары бар, оның ішінде кәмелеттік жасқа толғаннан кейін оқу орындарын бітіретін уақытқа дейін (бірақ жиырма үш жасқа толғанға дейін) орта, техникалық және кәсіптік, жоғарғы оқу орындарында күндізгі оқу нысаны бойынша білім алатын балалары бар көп балалы отбасыларға – 5 (бес) айлық есептік көрсеткіш;

3) 7 мамыр – Отан қорғаушы күні: Тәжікстан-Ауғанстан учаскесінде Тәуелсіз Мемлекеттер Достастығының шекарасын қорғауды күшейту жөніндегі мемлекетаралық шарттар мен келісімдерге сәйкес міндеттерін орындаған Қазақстан Республикасының әскери қызметшілеріне - 100 000 (жүз мың) теңге; 1986 – 1987 жылдары Чернобыль атом электр станциясындағы апаттың, азаматтық немесе әскери мақсаттағы объектiлердегi басқа да радиациялық апаттар мен авариялардың салдарларын жоюға қатысқан, сондай-ақ ядролық сынақтарға тiкелей қатысқан адамдарға - 100 000 (жүз мың) теңге; бұрынғы Кеңестік Социалистік Республикалар Одағын (бұдан әрі – КСР Одағы ) қорғау, әскери қызметтiң өзге де мiндеттерiн басқа кезеңдерде атқару кезiнде жаралануы, контузия алуы, мертігуі салдарынан немесе майданда болуына байланысты, сондай-ақ Ауғанстанда немесе ұрыс қимылдары жүргiзiлген басқа да мемлекеттерде әскери қызметiн өткеру кезiнде ауруға шалдығуы салдарынан мүгедек болған әскери қызметшiлерге - 100 000 (жүз мың) теңге; қызметтік мiндеттерiн атқару кезiнде жаралануы, контузия алуы, мертігуі салдарынан не майданда болуына немесе ұрыс қимылдары жүргiзiлген мемлекеттерде қызметтік мiндеттерiн орындауына байланысты ауруға шалдығуы салдарынан мүгедек болған бұрынғы КСР Одағының мемлекеттік қауіпсіздік органдарының және ішкі істер органдарының басшы және қатардағы құрамының адамдарына - 100 000 (жүз мың) теңге; басқа елдердегі майдандағы әскери контингенттерге қызмет көрсеткен және ұрыс қимылдарын жүргiзу кезеңiнде жаралануы, контузия алуы, мертігуі не ауруға шалдығуы салдарынан мүгедек болған тиiстi санаттардағы жұмысшылар мен қызметшiлерге - 100 000 (жүз мың) теңге; Чернобыль атом электр станциясындағы апаттың және азаматтық немесе әскери мақсаттағы объектiлердегi басқа да радиациялық апаттар мен авариялардың, ядролық сынақтардың салдарынан мүгедек болған адамдарға және мүгедектігі ата-анасының бiрiнiң радиациялық сәуле алуымен генетикалық байланысты олардың балаларына - 100 000 (жүз мың) теңге;

4) 9 мамыр – Жеңіс күні: Ұлы Отан соғысы жылдарында тылдағы қажырлы еңбегі мен мінсіз әскери қызметі үшін бұрынғы КСР Одағының ордендерімен және медальдарымен наградталған адамдарға – 50 000 (елу мың) теңге; 1941 жылғы 22 маусым – 1945 жылғы 9 мамыр аралығында кемiнде алты ай жұмыс iстеген (қызмет өткерген) және Ұлы Отан соғысы жылдарында тылдағы қажырлы еңбегi мен мiнсiз әскери қызметі үшін бұрынғы КСР Одағының ордендерiмен және медальдарымен наградталмаған адамдарға – 50 000 (елу мың) теңге;

5) 30 тамыз – Қазақстан Республикасының Конституциясы күні: 1, 2 және 3 топтағы мүгедектерге – 5 (бес) айлық есептік көрсеткіш;

6) 1 желтоқсан - Қазақстан Республикасының Тұңғыш Президенті күніне: жетпіс жастан асқан және одан жоғары жастағы зейнеткерлерге - 5 (бес) айлық есептік көрсеткіш;

7) 16 желтоқсан – Қазақстан Республикасының Тәуелсіздік күніне: саяси қуғын - сүргін құрбандары, саяси қуғын-сүргіндерден зардап шеккен адамдарға – 5 (бес) айлық есептік көрсеткіш;

7. Әлеуметтік көмек өмірлік қиын жағдайдағы мұқтаж азаматтардың жекелеген санаттарына біржолға келесі санаттағы азаматтарға көрсетіледі:

1) бас бостандығынан айыру орындарынан босатылған және пробация қызметінің есебінде тұрған адамның (отбасының) ең төменгі күнкөріс деңгейі мөлшерінің бір еселік шегінен аспайтын жан басына шаққандағы орташа табысын ескере отыра - 10 (он) айлық есептік көрсеткіш мөлшерінде біржолға төленеді;

2) табиғи зілзаланың немесе өрттің салдарынан өрт оқиғасы орын алған жерде азаматтарға (отбасыларға) әлеуметтік көмек орташа табысын есепке алынбай - 50 (елу) айлық есептік көрсеткіш мөлшерінде біржолға төленеді;

3) әлеуметтік мәні бар аурулары бар азаматтар, атап айтқанда: Қатерлі ісіктер ауруына шалдыққан адамдарға әлеуметтік көмек орташа табысын есепке алынбай - 25 (жиырма бес) айлық есептік көрсеткіш мөлшерінде біржолға төленеді; туберкулезге шалдыққан адамдарға әлеуметтік көмек орташа табысын есепке алынбай - 25 (жиырма бес) айлық есептік көрсеткіш мөлшерінде біржолға төленеді; адамның иммунитет тапшылығы вирусын (АИВ) тудыратын ауру жұқтырған адамдарға әлеуметтік көмек орташа табысын есепке алынбай - 25 (жиырма бес) айлық есептік көрсеткіш мөлшерінде біржолға төленеді.

8. Әлеуметтік көмек көрсету тәртібі көрсетілетін әлеуметтік көмекті тоқтату және қайтару үшін негіздер Үлгілік қағидаларға сәйкес айқындалады.

9. Мереке күндеріне әлеуметтік көмек алушылардан өтініштер талап етілмей, уәкілетті ұйымның не өзге де ұйымдардың ұсынымы бойынша ЖАО бекітетін тізім бойынша көрсетіледі.

10. Әлеуметтік көмек ұсынуға шығыстарды қаржыландыру Ұлытау ауданының бюджетінде көзделген ағымдағы қаржы жылына арналған қаражат шегінде жүргізіледі.

11. Әлеуметтік көмек ақшалай нысанда екінші деңгейдегі банктер немесе банктік операциялардың тиісті түрлеріне лицензиялары бар ұйымдар арқылы алушылардың шоттарына аудару жолымен көрсетіледі.

12. Әлеуметтiк көмек:

1) алушы қайтыс болған;

2) алушы Ұлытау ауданының шегiнен тыс тұрақты тұруға кеткен;

3) алушыны мемлекеттiк медициналық - әлеуметтiк мекемелерге тұруға жiберген;

4) алушы ұсынған мәлiметтердiң дәйексiздiгi анықталған жағдайларда тоқтатылады. Әлеуметтiк көмектi төлеу көрсетiлген жағдайлар туындаған айдан бастап тоқтатылады.

13. Артық төленген сомалар ерiктi немесе Қазақстан Республикасының азаматтық заңнамасында белгiленген тәртiппен қайтаруға жатады.

3-тарау. Қорытынды ереже

14. Әлеуметтiк көмек көрсету мониторингi мен есепке алуды уәкiлеттi орган «Е-Собес» автоматтандырылған ақпараттық жүйесiнiң дерекқорларын пайдалана отырып жүргiзедi.

Ұлытау ауданы бойынша әлеуметтiк көмек көрсетудiң, оның мөлшерлерiн белгiлеудiң мұқтаж азаматтардың жекелеген санаттарының тiзбесiн айқындаудың қағидаларына 1 қосымша нысан Отбасыны тiркеу нөмiрi _________ _________________________________             ____________________________ (Өтініш берушінің Т.А.Ә.) (үйінің мекенжайы, тел.) Р/с № Отбасы мүшелерiнiң Т.А.Ә. Өтiнiш берушiге туыстық қатынасы Туған жылы Өтiнiш берушiнiң қолы __________________       Күні ________________ Отбасының құрамы туралы мәлiметтердi куәландыруға уәкiлеттi органның лауазымды адамының Т.А.Ә. _____________________ (қолы)

Ұлытау ауданы бойынша әлеуметтiк көмек көрсетудiң, оның мөлшерлерiн белгiлеудiң мұқтаж азаматтардың жекелеген санаттарының тiзбесiн айқындаудың қағидаларына 2 қосымша нысан Әлеуметтік келісімшарт негізінде әлеуметтік көмек көрсету үшін әңгімелесу парағы

Ұлытау ауданы бойынша әлеуметтiк көмек көрсетудiң, оның мөлшерлерiн белгiлеудiң мұқтаж азаматтардың жекелеген санаттарының тiзбесiн айқындаудың қағидаларына 3 қосымша нысан Өтініш берушінің отбасылық және материалдық жағдайы туралы сауалнама

Ұлытау ауданы бойынша әлеуметтiк көмек көрсетудiң, оның мөлшерлерiн белгiлеудiң мұқтаж азаматтардың жекелеген санаттарының тiзбесiн айқындаудың қағидаларына 4 қосымша нысан Өмiрлiк қиын жағдайдың туындауына байланысты адамның (отбасының) мұқтаждығын айқындауға арналған тексеру АКТIСI 20 ___ ж. "___" ___________ ______________________________ (елді мекен)

1. Өтініш берушінің Т.А.Ә. _______________________________________________________

2. Тұратын мекенжайы ___________________________________________________________ _______________________________________________________________________________

3. Өтiнiш берушi әлеуметтiк көмекке өтiнiш берген туындаған өмiрлiк қиын жағдай _______________________________________________________________________________ _______________________________________________________________________________

4. Отбасы құрамы (отбасында нақты тұратындар есептеледi) _____ адам, оның iшiнде: Р/с№ Т.А.Ә. Туған жылы Өтiнiш берушiге туыстық қатынасы Жұмыспен қамтылуы (жұмыс, оқу орны) Жұмыспен қамтылмау себебi Қоғамдық жұмыстарға қатысуы, кәсiптiк даярлығы (қайта даярлау, бiлiктiлiгiн арттыру) немесе жұмыспен қамтудың белсендi шараларына қатысуы туралы мәлiметтер Өмiрлiк қиын жағдай Еңбекке жарамды барлығы _________ адам. Жұмыспен қамту органдарында жұмыссыз ретiнде тiркелгендерi _______ адам. Балалардың саны: ______ жоғары және орта оқу орындарында ақылы негiзде оқитындар _______ адам, оқу құны жылына ________ теңге. Отбасында Ұлы Отан соғысына қатысушылардың, Ұлы Отан соғысы мүгедектерiнiң, Ұлы Отан соғысына қатысушыларына және Ұлы Отан соғысы мүгедектерiне теңестiрiлгендердiң, зейнеткерлердiң, 80 жастан асқан қарт адамдардың, әлеуметтiк маңызы бар аурулары (қатерлi iсiктер, туберкулез, адамның иммунитет тапшылығы вирусы) бар адамдардың, мүгедектердiң, мүгедек балалардың болуы (көрсету немесе өзге санатты қосу керек) ______________________________________________________________________________ ______________________________________________________________________________

5. Өмiр сүру жағдайы (жатақхана, жалға алынған, жекешелендiрiлген тұрғын үй, қызметтiк тұрғын үй, тұрғын үй кооперативi, жеке тұрғын үй немесе өзгеше – көрсету керек): ______________________________________________________________________________ ______________________________________________________________________________ Тұрғын үйдi ұстауға арналған шығыстар:__________________________________________________________________________ ______________________________________________________________________________ Отбасының табысы: Р/с № Табысы бар отбасы мүшелерiнiң (оның iшiнде өтiнiш берушiнiң) Т.А.Ә. Табыс түрi Өткен тоқсандағы табыс сомасы (теңге) Жеке қосалқы шаруашылық (ауладағы учаске, малы және құсы), саяжай және жер учаскесi (жер үлесi) туралы мәліметтер тоқсанға орта есеппен айына

6. Мыналардың: автокөлiгiнiң болуы (маркасы, шығарылған жылы, құқық беретiн құжат, оны пайдаланғаннан түскен мәлiмделген табыс) __________________________________________________________________ ______________________________________________________________________________ ___________________________________ қазiргi уақытта өздерi тұрып жатқаннан бөлек өзге де тұрғын үйдiң болуы (оны пайдаланғаннан түскен мәлiмделген табыс) ______________________________________________________________________________ ______________________________________________________________________________ ______________________________________________________________________________

7. Бұрын алған көмегi туралы мәлiметтер (нысаны, сомасы, көзi): ______________________________________________________________________________ ______________________________________________________________________________ ______________________________________________________________________________ ______________________________________________________________________________ ______________________________________________________________________________

8. Отбасының өзге де табыстары (нысаны, сомасы, көзi):______________________________________________________________________________ ______________________________________________________________________________ ______________________________________________________________________________ ______________________________________________________________________________

9. Балалардың мектеп керек-жарағымен, киiммен, аяқ киiммен қамтамасыз етілуі ______________________________________________________________________________

10. Тұратын жерiнiң санитариялық-эпидемиологиялық жағдайы ______________________________________________________________________________ Комиссия төрағасы: _________________       ________________________ Комиссия мүшелері: _________________ ________________________ _________________ ________________________ _________________ ________________________ _________________ ________________________ (қолдары) (Т.А.Ә.) Жасалған актiмен таныстым: ________________________________ өтініш берушінің Т.А.Ә. және қолы Тексеру жүргiзiлуден бас тартамын _________________ өтiнiш берушiнiң (немесе отбасы мүшелерiнiң бiрiнiң) Т.А.Ә. және қолы, күнi ________________________________________________________ (өтiнiш берушi тексеру жүргiзуден бас тартқан жағдайда толтырылады)

Ұлытау ауданы бойынша әлеуметтiк көмек көрсетудiң, оның мөлшерлерiн белгiлеудiң мұқтаж азаматтардың жекелеген санаттарының тiзбесiн айқындаудың қағидаларына 5 қосымша нысан Учаскелiк комиссияның № ______ қорытындысы Учаскелiк комиссия Әлеуметтiк көмек көрсету, оның мөлшерлерiн белгiлеу және мұқтаж азаматтардың жекелеген санаттарының тiзбесiн айқындау Қағидаларына сәйкес өмiрлiк қиын жағдайдың туындауына байланысты әлеуметтiк көмек алуға өтiнiш берген адамның (отбасының) ______________________________________________________________________________ (өтiнiш берушiнiң тегi, аты, әкесiнiң аты) өтiнiшiн және оған қоса берiлген құжаттарды қарап, ұсынылған құжаттар және өтiнiш берушiнiң (отбасының) материалдық жағдайын тексеру нәтижелерiнiң негiзiнде ______________________________________________________________________________ (қажеттiлiгi, қажеттiлiктiң жоқтығы) адамға (отбасыға) өмiрлiк қиын жағдайдың туындауына байланысты әлеуметтiк көмек ұсыну туралы қорытынды шығарады Комиссия төрағасы: _______________ ________________________ Комиссия мүшелері: _______________ ________________________ _______________ ________________________ _______________ ________________________ _______________ ________________________ (қолдары) (Т.А.Ә.) Қорытынды қоса берiлген құжаттармен ___ данада 20 __ ж. "___" ___________ қабылданды Құжаттарды қабылдаған кент, ауыл, ауылдық округ әкiмiнiң немесе уәкiлеттi орган қызметкерiнiң Т.А.Ә., лауазымы, қолы ________________