О передаче финансирования медицинских организаций на областной бюджет Қолданыста

Медициналық ұйымдарды қаржыландыруды облыстық бюджетке беру туралы Қазақстан Республикасының «Қазақстан Республикасы азаматтарының денсаулығын қорғау туралы» Заңын, Казақстан Республикасы Үкіметінің 27.10.2000 жылғы «Тегін медициналық жәрдемнің кепілді мөлшерін бекіту туралы» №135 қаулысын жүзеге асыру, Ақмола облысының тұрғындарына жоғары білікті акушер- гинекологиялық көмек, Ұлы Отан соғысының ардагерлеріне, туберкулезбен ауыратындарға меджәрдем көрсетуді қамтамасыз ету және ЕПҮ дәрежесін орындайтын міндеттеріне сәйкес келтіру мақсатында облыс әкімияты ҚАУЛЫ ЕТТІ:

1. 01.01.2002 жылдан бастап төмендегі денсаулық сақтау ұйымдары облыстық бюджеттен қаржыландыруға берілсін:

1) Щучье ауданының әкімі Әкімов Р.Қ. — Щучье туберкулезге қарсы диспансерін;

2) Целиноград ауданының әкімі Қамзебаев С.Е. — Целиноград аймақтық ауруханасын;

3) Көкшетау қ. Әкімі Баяхметов Е.Б. — перинаталдық орталықты; Ардагерлер мен Ұлы Отан соғысына қатысушылары емханасын.

2. Көкшетау қаласының әкімі Баяхметов Е.Б., Щучье ауданының әкімі Әкімов Р.Қ., Целиноград ауданының әкімі Қамзембаев С.Е. берілетін ұйымдардың материалдық-техникалық базасын (жабдық, жиһаз, құралдар), Щучье туберкулезге қарсы диспансерінің ғимаратынан басқасын, аудандар мен Кокшетау қаласының коммуналдық меншігінен облыстық коммуналдық меншігіне тапсырсын.

3. Аталған аудандардың және Көкшетау қаласының әкімдері берілетін ұйымдар бойынша 31.12.2001 жылға дейін пайда болған кредиторлық борышты 31.12.2001 жылғы мерзімге дейін өтесін.

4. Облыстық денсаулық сақтау бюджеті бағдарламасының әкімшісі (Комалдинов И.М.) медициналық ұйымдарды әділет басқармасында қайта тіркеуден өткізсін.

5. Облыстық қаржы басқармасы (Савицкий Д.Е.) 2002 жылғы бюджет қалыптастырғанда берілетін медициналық ұйымдарды облыстық бюджетте ұстауға қаражат қарастырсын.

6. Осы қаулының орындалуын бақылау облыс әкімінің орынбасары Д.З. Әділбековке жүктелсін.