О согласовании Положения о межведомственной участковой комиссии по оказанию государственной адресной социальной помощи населению Қолданыста

Халыққа мемлекеттік адрестік әлеуметтік көмек көрсету жөніндегі ведомствоаралық учаскелік комиссия туралы Ережені келістіру туралы Қазақстан Республикасының «Қазақстан Республикасындағы жергілікті мемлекеттік басқару туралы» Заңының 6-бабына, Қазақстан Республикасы Үкіметінің 24 желтоқсан 2001 жылғы № 1685 «Қазақстан Республикасының «Мемлекеттік адрестік әлеуметтік көмек туралы» Заңын жүзеге асыру жөніндегі іс-шаралар туралы» қаулысына сәйкес облыстық мәслихат шешті:

1. Ақмола облысы әкімінің 29.12.2001 жылғы № 188 «Қазақстан Республикасының «Мемлекеттік адрестік әлеуметтік көмек туралы» Заңын жүзеге асыру жөніндегі іс-шаралар туралы» шешімімен бекітілген мемлекеттік адрестік әлеуметтік көмек көрсету жөніндегі ведомствоаралық учаскелік комиссия туралы Ереже келісілсін (қосымша).

КЕЛІСІЛГЕН Ақмола облысы мәслихатының 29.12.2001 ж.№ С-14-03 шешімі Халыққа мемлекеттік арнаулы әлеуметтік көмек көрсету жөніндегі ведомствоаралық учаскелік комиссияның ҚАҒИДАСЫ

1. Жалпы қағидалар Арнаулы әлеуметтік көмек корсету жөніндегі ведомствоаралық учаскелік комиссия (бұдан былай - комиссия) Қазақстан республикасының «Мемлекеттік арнаулы әлеуметтік көмек туралы» Заңын жүзеге асыру мақсатында құрылған. Комиссия өз жұмысында Қазақстан Республикасының Конституциясын, Қазақстан Республикасы Үкіметінің және Президентінің актілерін, ҚР «Мемлекеттік арнаулы әлеуметтік көмек туралы» Заңын басқа да нормативтік құқықтық актілерді және осы қағиданы басшылыққа алады. Комиссия жергілікті өкілдік органдардың өкілдерінен, жергілікті өзін-өзі басқару органдарының, қоғамдық бірлестіктердің, меншіктік кооперативтік жайлардың (пәтерлер), поселкенің, ауыл (селоның), уәкілденген білім беру, денсаулық сақтау, әлеуметтік қорғау органдары мен ұйымдарының өкілдерінен, құқық қорғау органдарының қызметкерлерінен құрылуы мүмкін. Комиссия құрамы 3 адамнан кем болмауы тиіс. Комиссия өз жұмысын қоғамдық бастау негізінде жүзеге асырады.

2. Комиссияның міндеті мен қызметі Комиссияның негізгі міндеттері мен қызметі мыналар:

1) Уәкілденген органдардың аса мұқтаж отбасыларына арнаулы әлеуметтік көмекті көрсету барысында осы көмек түрінің арнаулылығын арттыруға ықпал ету.

2) Зерттеу актісін құру арқылы азаматтардың (отбасыларының) материалдық жағдайын зерттеу.

3) Азаматтардың (отбасыларының) материалдық жағдайын зерттеу жұмысын ұйымдастыру.

4) Аз қамсыздандырылған азаматтарды зерттеуді жетілдіру бойынша ұсыныстар дайындау.

5) Учаскелік комиссиялар арасында тәжірибелік алмасу.

3. Комиссияның құқықтары

1) Тиісті мемлекеттік органдардан зерттеуді жургізуге қажет мәліметтерді сұрату.

2) Комиссия мүшелерінің отырыстарында мемлекеттік органдар мен ұйымдардың (жауапты өкілдерін) лауазымды қызметкерлерін комиссияны жүргізуге қатысты сауалдар бойынша тыңдау.

3) Комиссия құрамының өзгеруі туралы белгіленген тәртіп бойынша ұсыныстар енгізу.

4) Комиссияны жүргізу мәселелерін шешу жөніндегі комиссия құрамына енбеген мемлекеттік органдар мен басқа да ұйымдардың өкілдерін тарту.

4. Комиссияның міндеттері

1) Арнаулы әлеуметтік көмекті көрсету қажеттілігі туралы қорытындылар жасау.

2) Әлеуметтік көмекті алуға талапкер азаматтардың (отбасылардың) келісімі бойынша, олардың тұрғылықты жерлеріне шығып тұрмыс жағдайларын зерттеуді жүргізу.

3) Уәкілденген органның немесе ауыл (село, поселке) өкімі тапсырғаннан кейінгі 5 күн ішінде азаматтың (отбасының) тұрмыс жағдайын зерттеп, қорытынды шығарады және уәкілденген органға тапсырады.

4) Уәкілденген органның (село, ауыл, поселке өкімінің) тапсырмасы бойынша ұсынылған құжаттарды қайта тексеруі мүмкін.

5) Уәкілденген органға ұсынылған актіде көрсетілген мәліметтердің нақты және шынайылығы үшін жауапты.

6) Комиссия отырыстарының хаттамаларын жүргізеді.

5. Комиссия қызметін ұйымдастыру

1) Комиссияны тиісті әкімшілік-аумақтық округтің әкімі тағайындаған төраға басқарады.

2) Комиссия отырысының күн тәртібі бойынша ұсыныстарды, қажет құжаттарды дайындауды және оны өткізгеннен кейінгі құжаттар мен хаттамаларды рәсімдеуді қомиссияның хатшысы жүргізеді.

3) Комиссияның отырыстары өтініштердің жиналуына қарай өткізіледі.

4) Отырыстың өткізілетін уақыты және орны комиссия төрағасының комиссия мүшелерімен келісуі арқылы нақтыланады.

5) Комиссияның шешімдері ашық дауысқа салынады және ол үшін комиссия мүшелерінің құрамынан көп дауыс берілген болса, қабылданды деп саналады. Егер екі жақтың дауысы тең болса комиссия төрағасының дауысы шешуші болып табылады.

6) Комиссияның шешімі қорытынды ретінде ресімделіп, уәкілденген органға ұсынылады. Арнаулы әлеуметтік көмекті тағайындауда жанжал не талас пікірлер туындаған болса, бұл жағдайлар уәкілденген органдармен бірлескен отырыстарда қаралады.

6. Комиссия қызметінің тоқтатылуы Комиссияның қызметі қолданылып жүрген заңға сәйкес тоқтатылады.