Об объявлении чрезвычайной ситуации на части территории Атырауской области Күшін жойған

Атырау облысы аумағының бір бөлігінде төтенше жағдай жариялау туралы 📌 Ескерту. Күші жойылды - Атырау облысы әкімінің 20.12.2004 № 248 шешімімен. Құрманғазы ауданының Сүиiндiк және Балұдық селолық округтерi аумағында жауған қалың қарға, қарлы борандар, бұрқасындарға байланысты табиғаттың дүлей құбылыстары зардаптарын жою үшiн және "Табиғи және техногендi сипаттағы төтенше жағдайлар туралы" Қазақстан Республикасы Заңының 19-бабында қаралған талаптарға сәйкес ШЕШІМ ЕТЕМІН:

1. 2002 жылғы 10 қаңтардан бастап Атырау облысы аумағының бiр бөлiгiнде төтенше жағдай жариялансын.

2. Төтенше жағдайлардың алдын алу және жою жөнiндегi облыстық комиссия (Р.Т. Ерғалиев), Құрманғазы ауданының әкiмi (Р.Т. Сисатов), төтенше жағдайлар жөнiндегi басқарма (Ғ.Ғ. Жұмағалиев):

1) төтенше жағдайларды жою үшiн меншiк нысанына қарамастан Атырау қаласы мен Құрманғазы ауданындағы кәсiопорындар мен ұйымдардың күшi мен қаражатын жұмылдырсын;

2) қажет болған жағдайда күштi қар боранына ұшыраған тұрғын халықты көшiру жөнiнде шұғыл шаралар алсын;

3) жылу, су, газ электрмен жабдықтау жағдайына тұрақты бақылау ұйымдастырсын;

4) орындалған жұмыстардың барысы туралы облыс әкiмiне үнемi хабарлап отырсын.

3. Осы шешiмнiң орындалуын бақылауды өзiме қалдырамын.