Об утверждении правил розничной торговли периодическими печатными изданиями, публикующими материалы эротического характера Күшін жойған

"Эротикалық сипаттағы материалдар жариялайтын мерзiмдi басылым өнiмдерiн сату тәртiбi туралы" 📌 Ескерту. Күші жойылды - Алматы қалалық Әкімшілігінің 09.10.2004 N 4/824 қаулысымен. Қазақстан Республикасының "Бұқаралық ақпарат құралдары туралы" Заңының 14-бабы 2-тармағын орындау үшiн және эротикалық сипаттағы өнiмдердi сату жөнiндегi сауда нүктелерiнiң қызметiн ретке келтiру мақсатында Алматы қаласының Әкiмшiлiгi ҚАУЛЫ ЕТЕДІ:

1. Алматы қаласының аумағында эротикалық сипаттағы материалдар жариялайтын мерзiмдi басылым өнiмдерiн сату Ережесi бекiтiлсiн (қосымша).

2. Осы Ережеге сәйкес Алматы қаласының аудан әкiмдерi эротикалық сипаттағы материалдарды жариялаушы мерзiмдiк басылым өнiмдерiн сатуға арналған арнайы тұрақты орындар белгiлесiн.

3. Алматы қалалық ақпарат және қоғамдық келiсiм басқармасы, Алматы қаласы iшкi саясат департаментi қалалық әкiм аппараты жанынан эротикалық сипаттағы материалдар жариялайтын басылым өнiмдерiн сату тәртiбiн бақылайтын комиссия құрамын 1 ай iшiнде жасақтап, бекiтуге ұсынсын және комиссия туралы Ереженi әзiрлесiн.

4. 28.11.01 жылғы N 3/320 "Эротикалық сипаттағы материалдар жариялайтын мерзiмдi басылым өнiмдерiн сату тәртiбi туралы" қаулының күшi жойылды деп есептелсiн.

5. Осы қаулының орындалуын бақылау Алматы қаласы әкiмiнiң орынбасары А.Қ. Бижановқа жүктелсiн.

Алматы қаласы әкiмшiлiгiнiң 2001 ж. 17 қаңтардағы N 1/30 қаулысына қосымша Эротикалық сипаттағы материалдар жариялайтын мерзiмдi басылым өнiмдерiн бөлшек саудада сату ЕРЕЖЕСI Осы Ереже Қазақстан Республикасының 1999 жылғы 23 шiлдедегi "Бұқаралық ақпарат құралдары туралы" N 451-1 Заңының 3-бөлiмi, 14-бабының 2-тармағы негiзiнде әзiрлендi.

1. Эротикалық сипаттағы материалдарды жариялайтын мерзiмдi басылым өнiмдерi бөлшек саудада тек қана айқын көрiнiп тұратын жабық орамның iшiнде және жергiлiктi атқару органдары арнайы бөлген тұрақты үй-жайларда ғана сатылуы тиiс.

2. Аталған басылым өнiмдерiн:

1) 18 жасқа толмаған жасөспiрiмдерге;

2) 150 метр аумақтағы балалар бақшалары мен оқу орындарының маңында;

3) мәдениет, денсаулық сақтау, бiлiм, сондай-ақ сәулет пен тарихи ескерткiштер және басқа да мемлекеттiк мекемелер маңында;

4) қоғамдық көлiкте, аялдамаларда, адамдар демалатын орындарда сатуға тыйым салынады.

3. Эротикалық сипаттағы материалдарды жариялаушы мерзiмдiк басылымдар тiзбесiн - Алматы қалалық ақпарат және қоғамдық келiсiм басқармасының ұсынысы бойынша Алматы қаласының орталық ғылыми-өндiрiстiк сот-сараптау лабораториясының тұжырымы негiзiнде қалалық әкiм аппаратының жанындағы эротикалық сипаттағы материалдар жариялайтын мерзiмдiк басылым өнiмдерiн сату тәртiбiн бақылайтын Комиссия анықтайды.

4. Осы Ереже эротикалық сипаттағы материалдарды жариялайтын барлық мерзiмдi басылымдарға, сонымен бiрге жақын және алыс шет елдерден әкелiнетiн басылымдарға да қолданылады.

5. Эротикалық сипаттағы басылым өнiмдерiн осы мақсатқа арналып бөлiнбеген жерде таратқан немесе жарнамалаған тұлғалар Қазақстан Республикасының 30.01.01 ж. N 155-11 "Әкiмшiлiк құқық бұзушылық" кодексi бойынша жауапқа тартылады.