О профилактических и противоэпидемических мероприятиях по предупреждению биотерроризма Күшін жойған

Биотерроризмді еcкерту жөніндегі алдын алу және эпидемияға қарсы шаралар туралы 📌 Ескерту. Күші жойылды - Қарағанды облысы әкімінің 2008.04.14 N 01 шешімімен. Әлемнің бірқатар елдерінде пошта байланысы арналары арқылы аса қауіпті жұқпалардың қоздырғыштарын жіберу фактілерін тіркеуге байланысты және пошта жөнелтілімдері арқылы биотерроризмді ескерту және алдын алу мен эпидемияға қарсы шараларды жүргізу мақсатында:

1. Эпидемияға қарсы облыстық комиссия (Е.Л.Тоғжанов) биотерроризмді ескерту және адамдар жұқпа материалды жұқтырған жағдайда оның зардаптарын жою жөніндегі шаралар жоспарын әзірлесін.

2. Қалалар мен аудандардың әкімдері қалалық және аудандық эпидемияға қарсы төтенше комиссиялармен бірлесе отырып биотерроризмді ескерту жөнінде алдын алу және эпидемияға қарсы шаралар жоспарын әзірлесін.

3. “Қазпошта” ААҚ Қарағанды облыстық филиалы (Е.Р.Асайынов):

1) хат-хабармен, сәлемдемелермен және бандерольдармен тікелей жұмыс істейтін пошта байланысы операторларын солардың ішінен күмәнді пошта жөнелтілімдерін табуға оқып үйретсін;

2) пошта байланысы бөлімшелерінің барлық қызметкерлеріне жұқпа материалы болуы мүмкін күмәнді пошта жөнелтілімдерінің табылғандығы туралы ақпарат түскен жағдайдағы олардың тәртібі туралы нұсқаулық беруді жүргізсін;

3) күмәнді пошта жөнелтілімдері табылған кезде қауіпсіздік шараларын қолдансын және облыстық санэпидемстанцияны, ТЖ жөніндегі облыстық басқарманы және облыстың ІІББ-ын жедел хабардар етсін. Эпидемиологиялық бригада мен облыстың ІІББ қызметкерлері келгенге дейін залалданған адамдарды аулақтандырсын және объектіні күзетуді қамтамасыз етсін.

4. Облыстық денсаулық сақтау басқармасы (Қ.К.Ермекбаев) мен облыстың Бас санитарлық дәрігері (С.Т.Сәтеков) 15 күннің ішінде облыстық емдеу-алдын алу, санитарлық-эпидемиологиялық мекемелер мен зертханалардың пошта жөнелтілімдерін саралауды өткізуге, карантиндік және аса қауіпті жұқпалармен ауырғандарды табуға және оларды емдеуге әзірлігінің жай-күйі туралы баяндасын. Қажет болған кезде антибиотиктердің, сібір күйдіргісі иммуноглобулинінің алдын алу еміне қолданылатын қан сарысуының, сондай-ақ жұқпасыздандыру және бұқырлау құралдарының қорын жасасын.

5. Облыстық ішкі істер Бас басқармасы (В.Н.Курбатов) облыс аумағында күмәнді пошта жөнелтілімдерінің табылғандығы туралы ақпарат түскен кезде қауіпсіздік шараларын сақтай отырып оны облыстық СЭС-тің аса қауіпті жұқпалар зертханасына жеткізуді қамтамасыз етсін. Қажет болған кезде карантиндік шараларды, соның ішінде қоғамдық тәртіпті сақтау қызметтерінің күштерімен және құралдарымен залалды орындарды (ошағын) қоршауды, санитарлық-бақылау өткізу пункттерін ұйымдастыруды қамтамасыз етсін.

6. Төтенше жағдайлар жөніндегі облыстық басқарма (М.Қ.Ысқақов) АҚ пен ТЖ тиісті қызметтерінің биотерроризмді ескерту және бактериологиялық құралдарды қолданған жағдайда оның зардаптарын жою жөніндегі әзірлігі, сондай-ақ тұрғындарға хабарлау жүйесінің жай-күйі туралы баяндасын.

7. Облыстық телерадиохабарларын тарату компаниясы (Ә.Ә.Әбдіәкімов) пошта жөнелтілімдері арқылы жұқпа материалмен залалданған фактілер табылған кезде теле- және радиоарналарын шұғыл ақпаратты беру және тұрғандар арасында санитарлық-ағарту жұмысын жүргізі үшін ұсынсын.

8. Жартыжылдық ішінде (қажеттілігіне қарай) облыс аумағында қауіпсіздік шараларын үйлестіру жөніндегі аймақтық Штабтың отырыстарында пошта жөнелтілімдері арқылы биотерроризмді ескерту жөніндегі жұмыстың жай-күйі қаралсын.

9. Осы шешімнің орындалуына бақылау жасау облыс әкімінің орынбасары - эпидемияға қарсы облыстық төтенше комиссияның төрағасы Е.Л.Тоғжановқа жүктелсін.