О мерах по реализации Закона Республики Казахстан "О государственной адресной социальной помощи" Күшін жойған

"Мемлекеттiк атаулы әлеуметтік көмек туралы" Қазақстан Республикасының Заңын іске асыру шаралары туралы 📌 Ескерту. Күші жойылды - ШҚО әкімдігінің 30.12.2005 ж. N 478 қаулысымен. "Мемлекеттік атаулы әлеуметтік көмек туралы" Қазақстан Республикасының 2001 жылғы 17 шілдедегі N 246-11 Заңына және "Мемлекеттік атаулы әлеуметтік көмек туралы" Қазақстан Республикасының Заңын іске асыру жөніндегі шаралары туралы" Қазақстан Республикасы Їкіметінің Қаулысына сәйкес Шығыс Қазақстан облысының әкімияты ҚАУЛЫ ЕТЕДІ:

1. Атаулы әлеуметтік жәрдемді тағайындайтын уәкілетті орган болып облыстық еңбек, жұмыспен қамту және халықты әлеуметтік қорғау басқармасы (А.С. Шерубаев) және оның қала, аудандардағы бөлімшелері тағайындалсын.

2. Учаскелік комиссия туралы Ереже (N 1 қосымша), атаулы әлеуметтік жәрдемді тағайындайтын немесе тағайындамайтын уәкілетті орган шешімінің тұлғасы (N 2 қосымша) бекітілсін.

3. Мемлекеттік атаулы жәрдем алуға өтінушінің отбасы құрамы туралы мәлімдемені дәлелдейтін уәкілетті орган:

1) ауылдарда (селоларда), қалалық үлгідегі кенттерде - ауылдық (селолық), кенттік әкімияттар,

2) қалаларда - қала әкімдері белгіленсін.

4. Қала, аудан әкімдері:

1) әлеуметтік қорғау органын, аталған заңды іске асыру мақсатында, материалдық техникалық қамтамасыз ету мәселесін шешсін,

2) өтінуші атаулы әлеуметтік жәрдемге ұсынған құжаттарды тәртіп бойынша тегін дәлелдеу қамтамасыз етсін.

5. Облыстық еңбек, жұмыспен қамту және халықты әлеуметтік қорғау басқармасы (А.С. Шерубаев) "Мемлекеттік атаулы әлеуметтік жәрдем" компьютерлік бағдарламаны дайындап енгізсін.

6. Мемлекеттік зейнетақы төлеу орталығының облыстық бөлімшесіне (Қ.Н. Нұрғалиева) мемлекеттік атаулы жәрдемге мұқтаж азаматтарға әлеуметтік - жеке код беру мәселесін оперативті тәртібінде шешу ұсынылсын.

7. Әкімиятының осы қаулысы облыстық мәслихаттың кезекті сессиясының қарауына енгізілсін.

8. Осы қаулының іске асыруына бақылау жасау облыс Әкімінің бірінші орынбасары Т.Ж. Абайділдинге жүктелсін.

Облыс Әкімиятының 2002 жылғы 23 қаңтардағы N 47 қаулысына N 1 қосымша Учаскелік комиссиялар туралы Ереже

1. Жалпы Ережелер

1. Учаскелік комиссия адамдардың әлеуметтік көмек көрсету туралы өтінішіне байланысты олардың материалдық жағдайы мен тұрмысын зерттеу үшін село, ауыл, қала, аудан әкімінің (бұдан әрі - әкім) шешімімен ұйымдастырылады.

2. Учаскелік комиссия құрамына жергілікті уәкілетті органның, өзін-өзі басқаратын жергілікті органның, қоғамдық бірлестіктің, меншік үй кооперативінің, халықтың, білім беру, денсаулық сақтау, әлеуметтік қорғау өкілетті органдар мен мекемелердің, құқық қорғау органдарының қызметкерлерінің өкілдері енеді.

3. Учаскелік комиссия жұмысына уәкілетті орган, ауыл (кент) әкімі басшылық жасайды. Уәкілетті орган комиссия мүшелерін олардың міндеттерімен, құқықтарымен және жауапкершілігімен таныстырады.

4. Уәкілетті органның басшысы аз қамтамасыз етілген азаматтардың материалдық жағдайын зерттеуді ұйымдастыру үшін жауапты болады.

5. Беделіне кір келтірген немесе белгіленген зерттеу тәртібін бұзған комиссия мүшесі уәкілетті орган басшысының құрамынан шығарылады.

6. Учаскелік комиссия өз қызметінде осы ережені басшылыққа алады.

7. Учаскелік комиссия қажеттілігіне байланысты уәкілетті орган немесе ауыл (кент) әкімі тапсырған күннен бастап 5 күн мерзімінде отбасының (азаматтың) материалдық жағдайына зерттеу жүргізу қорытындысын әзірлейді. Оған қол қойдырып уәкілетті органға (ауыл (кент) әкіміне) ұсынады. Учаскелік комиссия уәкілетті органның, ауыл (кент) әкімінің тапсырмасы бойынша ұсынылған құжаттарды таңдап қайта тексере алады.

2. Негізгі функциялар

8. Учаскелік комиссиялар көмектің атаулылығын арттыру және қаражатты аса мұқтаж отбасыларына жіберу мақсатында уәкілетті органдардың халыққа әлеуметтік көмек көрсету жөніндегі қызметіне жәрдемдеседі.

9. Учаскелік комиссиялар әлеуметтік көмек алуға үміткер және өздері тұратын жерге барып тексеру жүргізуге келісім берген өтініш иелерінің нақты материалдық жағдайын зерттеуді жүзеге асырады.

10. Учаскелік комиссиясының зерттеу жүргізуге қажетті сәйкес органдардан мәлімдеме жинауға құқы бар.

3. Материалдық жағдайына зерттеу жүргізу

11. Учаскелік комиссия материалдық жағдайын зерттеуді уәкілетті органның тапсырмасы бойынша жүзеге асырады.

12. Зерттеу барысында учаскелік комиссиялар өтініш иесінің қандай жағдайларға байланысты көмек сұрағанын анықтайды. Бұл орайда мыналарға: отбасының құрамына; отбасының жұмыс істейтін мүшелеріне; отбасының еңбекке қабілетті жастағы жұмыс істемейтін мүшелеріне - олардың жұмыс істемеу себебіне; отбасында балалар, мүгедектер, қарттар, сырқаттарды қарайтын еңбекке қабілетті жастағы жұмыс істемейтін адамның бар екеніне; кәмелетке толмаған балалардың және күтім жасауға мұқтаж (мүгедектердің, қарттардың, сырқаттардың) адамдардың болуына; өзінің жұмыспен қамтылмағаны туралы өтінген адамдар табысының нақты деңгейіне (отбасы мүшелерін, көршілерді жеке сұрау жолымен); жер үлесі мен жеке меншік қосалқы шаруашылығының (мал, құс, үй іргесіндегі учаске, бақша, саяжай учаскесі) болуына және оларды пайдаланудан түсетін табыстың нақты мөлшеріне; тұрғын үйінің санына (пәтерінің, үйінің).

13. Әлеуметтік көмек алуға өтініш жасаушы мен оның отбасының материалдық зерттеу оның өзінің қатысуымен уәкілетті орган белгілеген мерзімде жүргізілуге тиіс.

14. Жүргізілген зерттеудің нәтижелері бойынша учаскелік комиссия отбасының материалдық жағдайын зерттеу актісін жасайды, оған учаскелік комиссияның барлық мүшелері қол қояды. Зерттеу барысында ұсынылған нысандарымен қоса толтырылған акті ("Отбасының әлеуметтік қартасы") уәкілетті органға тапсырылады (нысандар қоса беріледі).

15. Өтініш иесі зерттеу жүргізуден бас тартқан жағдайда учаскелік комиссия акті жасап, бұл туралы әлеуметтік көмек тағайындамау туралы шешім қабылдайтын уәкілетті органға хабарлайды.

16. Учаскелік комиссия мүшелері уәкілетті органға берілген актіде жазылған деректердің растығы мен нақтылығына жауап береді. Қайсыбір бұрмалаушылықтар немесе актіде заңсыз төлемдерге соқтырған жалған деректер анықталған жағдайда кінәлі адамдардан (өтініш иелерінен) зиянды өндіріп алу қолданылып жүрген заңдарда белгіленген тәртіппен жүргізіледі.

17. Өтініш иесінің және оның отбасының материалдық жағдайын зерттеуді учаскелік комиссия азаматтардың жеке өміріне құрметпен қарай отырып, олардың қадыр-қасиетін төмендетпейтіндей жағдайда жүргізуге тиіс. Комиссия мүшелері азаматтардың жеке өмірі туралы мәліметтерді жария етпеуге міндетті. Облыстық еңбек, жұмыспен қамту және халықты әлеуметтік қорғау басқармасының бастығы

Облыс Әкімиятының 2002 жылғы 23 қаңтардағы N 47 қаулысына N 2 қосымша N____ шешім (көшірме) Тағайындалған (немесе атаулы әлеуметтік жәрдемді тағайындамау туралы) атаулы әлеуметтік жәрдемнің мөлшері туралы істің N __ 2002 жылғы "___"__________

1. Қазақстан Республикасының "Атаулы әлеуметтік көмек туралы" Заңының 2 бабына сәйкес тағайындалсын Тегі _____________________________________________________ Аты _____________________________________________________ Әкесінің аты______________________________________________ отбасы мүшелерінің саны___________________________________ __________________________________________________________ Туған күні, айы, жылы ________________жынысы______________ Тұрғылықты жері (нақты)___________________________________ Жеке куәліктің N _______________2002 жылғы "____" _________ Куәлік берген мекеме ______________________________________ Әлеуметтік дербес коды (ӘДК) _________________________________ Салық төлеушінің тіркеу N (СТН)____________________________ өтініш берген күн _________________________________________ 2002 жылғы "___" _________________ "____"_________төленетін атаулы әлеуметтік жәрдемнің мөлшері ____________сомада ___________________________________________________________ Төлейтін банктегі жеке шоттың N __________________________

2. Атаулы әлеуметтік жәрдем тағайындалмасын ______________________ __________________________________________________________________ (себебі көрсетілсін) Халықты әлеуметтік қорғау _______________________ бөлімінің басшысы (Аты-жөні) Халықты әлеуметтік қорғау _______________________ бөлімінің маманы (Аты-жөні) --------------------------------------------------------------------------- Облыстық еңбек, жұмыспен қамту және халықты әлеуметтік қорғау басқарма бастығы