Об утверждении Правил отбывания военнослужащими административного ареста на гауптвахте органов военной полиции Вооруженных Сил Республики Казахстан Күшін жойған

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларын бекiту туралы «Адамдарды қоғамнан уақытша оқшаулауды қамтамасыз ететін арнаулы мекемелерде ұстау тәртібі мен шарттары туралы» 1999 жылғы 30 наурыздағы Қазақстан Республикасының Заңы 46-7-бабының 6-тармағына сәйкес БҰЙЫРАМЫН:

1. Қоса беріліп отырған Әскери қызметшiлердiң Қазақстан Республикасы Қарулы Күштерi әскери полиция органдарының гауптвахтасында әкiмшiлiк қамауды өтеу қағидалары бекiтілсiн.

2. Қазақстан Республикасы Қарулы Күштерінің Әскери полициясы бас басқармасы Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрықтың көшірмесін мемлекеттік тіркелген күннен бастап күнтізбелік он күн ішінде қағаз және электрондық түрде Қазақстан Республикасы Әділет министрлігінің нормативтік құқықтық актілерінің эталондық бақылау банкіне қосу үшін «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жолдауды;

3) бұйрықты алғашқы ресми жариялағанынан кейін Қазақстан Республикасы Қорғаныс министрлігінің интернет-ресурсында орналастыруды;

4) мемлекеттік тіркелген күнінен бастап күнтізбелік он күн ішінде осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Қорғаныс министрлігінің Заң департаментіне жолдауды қамтамасыз етсін.

3. «Гауптвахталарда әскери қызметшілердің әкімшілік қамауды өтеу қағидаларын бекіту туралы» Қазақстан Республикасы Қорғаныс министрінің 2014 жылғы 19 ақпандағы № 68 бұйрығының (2014 жылғы 3 сәуірде «Әділет» ақпараттық-құқықтық жүйесінде, нормативтік құқықтық актілерді мемлекеттік тіркеу тізілімінде № 9270 болып тіркелген) күші жойылды деп танылсын.

4. Осы бұйрықтың орындалуын бақылау Қорғаныс министрiнiң бірінші орынбасары – Қазақстан Республикасы Қарулы Күштері Бас штабының бастығына жүктелсiн.

5. Осы бұйрық лауазымды адамдарға, оларға қатысты бөлiгiнде жеткiзiлсiн.

6. Осы бұйрық алғашқы ресми жарияланған күнiнен кейiн күнтiзбелiк он күн өткен соң қолданысқа енгiзiледi.

Қазақстан Республикасы Қорғаныс министрінің 2017 жылғы 20 шілдедегі № 368 бұйрығымен бекітілген Әскери қызметшiлердiң Қазақстан Республикасы Қарулы Күштерi әскери полиция органдарының гауптвахтасында әкiмшiлiк қамауды өтеу қағидалары

1-тарау. Жалпы ережелер

1. Осы Әскери қызметшiлердiң Қазақстан Республикасы Қарулы Күштерi әскери полиция органдарының гауптвахтасында әкiмшiлiк қамауды өтеу қағидалары (бұдан әрі – Қағидалар) «Адамдарды қоғамнан уақытша оқшаулауды қамтамасыз ететін арнаулы мекемелерде ұстау тәртібі мен шарттары туралы» 1999 жылғы 30 наурыздағы Қазақстан Республикасының Заңы 46-7-бабының 6-тармағына сәйкес әзірленді, әскери қызметшiлердi Қазақстан Республикасы Қарулы Күштерi әскери полиция органдарының гауптвахтасында әскери қызметшілердің әкiмшiлiк қамауды (бұдан әрі – қамауға алынғандар) өтеу тәртібін айқындайды.

2. Қамауға алынғандарды ұстау режимін қамтамасыз ету мақсатында әскери полиция органының бастығы осы Қағидаларға 1-қосымшаға сәйкес нысан бойынша гауптвахтадағы ішкі тәртіптемені бекітеді. Ішкі тәртіптеме әрбір камерада мемлекеттік және орыс тілдерінде ілінеді.

3. Жұмыс істеу және серуендеу уақытынан басқа, тәулік бойы қамауға алынғандар құлыпқа жабылған камераларда болады.

4. Қамауға алынғандар Нормативтік құқықтық актілерді мемлекеттік тіркеу тізілімінде № 11844 болып тіркелген Қазақстан Республикасы Қорғаныс министрінің 2015 жылғы 18 маусымдағы № 353 бұйрығымен бекітілген Қазақстан Республикасының Қарулы Күштерiн азық-түлiкпен, азықпен, жабдықпен, асханалық-асүйлік ыдыспен және азық-түлік қызметінің техникасымен жабдықтау нормаларына сәйкес тамақтанумен қамтамасыз етiледi, оларды тамақтануға қабылдау азық-түлiк аттестаттары бойынша жүргiзiледі. Қамаққа алынғандар камераларда немесе гауптвахта жанындағы асханада тамақ ішеді. Жеке камераларда ұсталатын қамауға алынғандар тамақ ішуді камераларда жүзеге асырады.

5. Қамауға алынғандар, өзге де негіздер бойынша гауптвахтаға қамалған әскери қызметшілер және әскери полиция органдарының әскери қызметшілері арасындағы өзара қарым-қатынастар Қазақстан Республикасы Президентінің 2007 жылғы 5 шілдедегі № 364 Жарлығымен бекітілген Қазақстан Республикасы Қарулы Күштерінің, басқа да әскерлері мен әскери құралымдарының жалпыәскери жарғыларымен (бұдан әрі – Жалпыәскери жарғылар) айқындалады.

6. Әскери полиция органдарының әскери қызметшілері Жалпыәскери жарғыларға және «Әскери полиция органдары туралы» 2005 жылғы 21 ақпандағы Қазақстан Республикасы Заңының 11 және 12-баптарына сәйкес адам күшін, арнайы құралдарды, оның ішінде қызметтік иттерді және қаруды қолданады.

2-тарау. Гауптвахтаға қамауға алынғандарды қабылдау және оларды камералар бойынша орналастыру тәртібі

7. Гауптвахтаға қамауға алынғандарды қабылдауды гауптвахта бастығы тәулік бойы, ал ол болмаған жағдайда қарауыл (кезекшi ауысым) бастығы жүргізеді, ол:

1) осы Қағидалардың 8-тармағында көрсетілген құжаттардың барын тексереді;

2) қамауға алынғандарға сұрақ қояды және оның жеке басын куәландыратын құжаттарда көрсетілген мәліметтермен салыстырады;

3) әскери полиция органының медицина жұмыскерінің (фельдшерінің) қатысуымен медициналық қарап тексеруді (жыныс бір адам) жүргізеді.

8. Гауптвахтаға қамауға алынғанды жеткізген адам гауптвахта бастығына, ал ол болмаған жағдайда қарауыл (кезекшi ауысым) бастығына мынадай құжаттар:

1) жеке өзі қол қойған және соттың мөрiмен бекiтiлген әкімшілік қамауға алу туралы судьяның қаулысын;

2) жазаны өтеу кезеңіне қамауға алынғанды барлық жабдықталым түрлерінен алу туралы әскери бөлім командирінің бұйрығының көшірмесін немесе одан үзінді көшірмені;

3) қамауға алынғанның жеке басын куәландыратын құжатты;

4) бөлім штабының лауазымды адамы мен қамауға алынған адам қол қойған жеке заттар тізбесін (екі данада) ұсынады.

9. Қамауға алынғанды гауптвахтаға қабылдаған кезде осы Қағидалардың 8-тармағында көрсетілген құжаттардың бар болуы және олардың дұрыс ресімделуі тексеріледі, сондай-ақ бір жынысты адам жеке басын толық қарап-тексеруді жүргізеді, осы Қағидаларға 2-қосымшаға сәйкес Тыйым салынған бұйымдар мен заттардың тізбесі (бұдан әрі – тыйым салынған заттар) бойынша тыйым салынған бұйымдар мен заттар алынады және жеке іс жүргізіледі.

10. Қамауға алынған адам туралы, сондай-ақ алып қойған және сақтауға қабылданған құндылықтар туралы қабылдайтын адам осы Қағидаларға 3-қосымшаға сәйкес нысан бойынша Гауптвахтада ұсталатын адамдарды есепке алу журналына (бұдан әрі – Есепке алу журналы) енгізеді.

11. Гауптвахтаға қамауға алынғанды қабылдау, сондай-ақ сақтауға қабылданған құндылықтар туралы әскери полиция органының құпия емес іс жүргізуінде тіркелетін осы Қағидаларға 4-қосымшаға сәйкес нысан бойынша қамаққа алынғанды қабылдау қолхаты үш данада жасалады. Қолхаттың бiрiншi данасы әскери бөлiмде тіркеу және есепке алу үшiн әскери қызметшiнi жеткiзген адамға, екiншiсі – қамаққа алынғанға берiледi, үшiншiсі – қамаққа алынғанның жеке ісіне тігіледі. Гауптвахта бастығы болмаған кезде қабылданған қамауға алынғандар туралы қарауыл бастығы (кезекші ауысым) ол келісімен баянатпен баяндайды.

12. Гауптвахтаға қамауға алынғанды қабылдау кезінде медицина жұмыскері (фельдшер) оның дене жарақттарын анықтау мақсатында қарап тексеруді жүргізеді, ол туралы Есепке алу журналында тиісті жазба жасалады. Гауптвахтаға жаңадан келген қамауға алынғандарды қарап тексеру оларды камералар бойынша орналастырғанға дейін жүргізіледі. Қарап тексеру кезінде терінің сыртқы көріністерінің, венериялық, инфекциялық және басқа да аурулардың, педикулезбен зақымданудың болуына ерекше назар аударылады. Анықталған дене жарақаттары туралы қолтаңба қойғыза отырып, қамауға алынғанды жеткізген лауазымды адамға хабарланады. Дене жарақаттары анықталған жағдайда тиісті медициналық көмек көрсетіледі. Бір тәулік мерзімде медицина жұмыскерін (фельдшерді) тарта отырып, медициналық куәландыру жүргізіледі, оның нәтижелері қамауға алынған адамның медициналық кітапшасында тіркеледі. Қамауға алынғандардың жарақат алу (дене зақымдану) жағдайларын анықтау мақсатында гауптвахта әскери қызметшілері медицина жұмыскерінің (фельдшердің) қатысуымен күнделікті олардың денелерін қарап тексеруді жүргізеді.

13. Гауптвахтаға қамауға алынғандар келгеннен кейін әкімшілік оның құқықтары мен міндеттері туралы, жазаны өтеу тәртібі мен шарттары туралы, ішкі күн тәртібінің қағидалары туралы ақпаратқа қол қойғыза отырып, жазбаша түрде танысу үшін қамаққа алынғанға ұсынады, сондай-ақ жазаны өтеу тәртібін бұзғаны үшін жауаптылық туралы ескертеді. Қамауға алынғандар Гауптвахтаға қамалған әскери қызметшілердің мінез-құлық қағидаларын осы Қағидаларға 5-қосымшаға сәйкес сақтайды. Әрбір гауптвахтаның жанындағы стенділерде гауптвахтаға қамалған әскери қызметшілердің негізгі құқықтары мен міндеттері, мінез-құлық қағидалары туралы ақпарат мемлекеттік және орыс тілдерінде ілінеді.

14. Қамауға алынғандар гауптвахтаға қамалған кезде гауптвахтада ұсталатын басқа әскери қызметшілерден бөлек, мынадай талаптарды сақтай отырып орналастырылады:

1) офицерлер – сержанттар мен қатардағы жауынгерлер құрамдарының лауазымдарында келiсiмшарт бойынша әскери қызмет өткеретiн әскери қызметшiлерден бөлек;

2) мерзiмдi қызметтегі әскери қызметшiлер – осы тармақтың 1-тармақшасында көрсетiлген әскери қызметшiлерден бөлек;

3) әскери қызметшi әйелдер – ер адамдардан бөлек.

4) әртүрлі инфекциялық аурулармен науқастанған қамаққа алынғандар жеке және дені сау әскери қызметшілерден бөлек ұсталады. Қамауға алынғандарды камераларда орналастыруды гауптвахта бастығы мен қарауыл (кезекшi ауысым) бастығы жүргізеді. Оқшаулау тәртібі қамаққа алынғандардың барлық қозғалыстары кезінде қамтамасыз етіледі. Қамауға алынғандардың қозғалыстары айдауылмен бірге жүреді.

15. Статистикалық есепке алуды жүзеге асыру үшін қамауға алынғандар туралы мәліметтер осы Қағидаларға 6-қосымшаға сәйкес Қамауға алынғандарды есепке алу журналына енгізіледі. Әрбір қамауға алынғанға қамауға алынғанның жеке ісі басталады, оған әкімшілік қамауға алу туралы судьяның қаулысы, жеке толық тексеру хаттамасы және басқа да материалдар тіркеледі.

3-тарау. Қамауға алынғандарды жеке тiнту жүргізу, дактилоскопия, суретке түсiру және заттарды толық тексеру тәртібі

16. Қамауға алынғанға қарауыл (кезекшi ауысым) бастығы толық жеке тексеру, медициналық қарап тексеру жүргізеді, одан кейін қол қойғыза отырып, гауптвахтадағы ішкі күн тәртібімен таныстырады.

17. Қамауға алынғанды жеке тексеру осы Қағидаларға 7-қосымшаға сәйкес нысан бойынша қамауға алынғанның жанында болған заттарды жеке тінту және қарап тексеру хаттамасын ( бұдан әрі – хаттама) ресімдеумен мынадай тәртіппен жүзеге асырылады:

1) қамауға алынғанды жеке тінтуді гауптвахта қызметкері және қамауға алынғанмен бір жынысты адам жүргізеді;

2) заттарды толық тексеру қамауға алғанның қатысуымен олардың құрылымдық тұтастығын бұзбай жүзеге асырылады;

3) егер фото және бейнетүсірілім жүргізілсе, оларды қолданғаны туралы хаттамада тиісті жазба жасалады; Қамауға алынған хаттамаға қол қоюдан бас тартқан жағдайда, оған тиісті жазба жасалады.

18. Барлық қамауға алу мерзімін өтемеген қамауға алынғанды емдеу мекемесіне шұғыл жатқызу қажеттілігі туралы медициналық қызметкердің (фельдшердің) қарап-тексеру нәтижелері мен қорытындысы бойынша әскери полиция органының бастығы әкімшілік қамаққа алу туралы шешім шығарған судьяға және әскери бөлімнің қолбасшылығына хабарлама жолдайды.

19. Қамауға алынғандардың бар болуын таңертеңгi қарап тексеруді және кешкi тексерудi қарауыл (кезекшi ауысым) бастығы немесе камералар бойынша атаулы тiзiм бойынша оның көмекшiсi жүргiзедi.

4-тарау. Қамауға алынғандарды материалдық-тұрмыстық қамтамасыз ету тәртібі

20. Қамауға алынғандар гауптвахтада болған кезеңінде мыналармен қамтамасыз етіледі:

1) ұйықтайтын орынмен;

2) төсек-орын жабдығымен, (матрацпен, жастықпен, көрпемен, екi төсек жаймасымен және жастыққаппен, сүлгімен);

3) тамақ iшкен уақытта асхана ыдысымен және асхана аспаптарымен (кесемен, тостақпен, қасықпен);

4) Жалпыәскери жарғылармен, кітаптармен, журналдармен және мерзімді басылымдармен қамтамасыз етiледi.

21. Жалпы камераларда қайырмалы сәкi, үстел мен отырғыштар, еденге бекітілген түкіргіштер жабдықталады, қайнаған ауызсуға арналған ыдыс орнатылады және кружка беріледі. Ұйқыдан тұрғаннан кейiн қайырмалы сәкi көтерiледi және құлыппен бекiтiледi. Офицерлер мен әскери қызметші әйелдерді орналастыруға арналған камералар ағаш кереуеттермен, үстелдермен, табуреттермен, жеке заттар мен жуыну керек-жарақтарына арналған тумбалармен жабдықталады, қайнаған ауызсуға арналған ыдыс, кружкалар, ілгіштер мен түкіргіштер орнатылады. Күн сайын камераларға қайнаған су беріледі. Камераларда +18 С-дан төмен емес температура сақталады. Әрбір камерада қорғалған жарық беру плафондары орналатылады. Қараңғы түскеннен кейiн және ұйықтау уақытында гауптвахтаның камераларында, дәлiздерi мен дәретханаларында жарық берiлуге тиіс.

22. Камералар санитариялық-эпидемиологиялық талаптарға (үй-жай квадратурасы, көзге қауіпсіз жарық, күндізгі жарықпен кітап оқу, үй-жайды желдету мүмкіндігі) жауап беруге тиіс. Тұрғын алаңының нормасы камерадағы бір қамаққа алынғанға кемінде екі жарым шаршы метр, әйелдерді ұстауға арналған камераларда – кемінде үш шаршы метр есебінен белгіленеді. Гауптвахта үй-жайларын, камералар мен дәретханаларды дезинфекциялау аптасына екі реттен сиретпей жүргізіледі. Камералардағы терезелер күндізгі уақытта табиғи жарық түсуіне және камераға таза ауаның кіруіне кедергі келтірмейтін жеткілікті көлемде болуға тиіс. Оқшаулауды қамтамасыз ету үшін камералардың терезелері табиғи жарық түсуіне және камераға таза ауаның кіруіне кедергі келтірмейтін тормен жабдықталады.

23. Күн сайын қамауға алынғандарға ұзақтығы кемiнде екi сағат серуендеу берiледi. Серуендеу гауптвахтаның арнайы жабдықталған аумағында тәулiктiң күндiзгi уақытында камералар бойынша жүргiзiледi. Қамауға алынғандар осы Қағидаларды бұзған жағдайда серуендеу мерзiмiнен бұрын тоқтатылады.

24. Осы Қағидаларға 8-қосымшада көрсетiлген қамауға алынғандар заттарды сақтау бөлмесiнде сақтай алатын және өзiмен бiрге болатын заттар тізбесіне сәйкес пайдалану үшiн өз төсек-орын керек-жарақтары мен заттарын қабылдауға болады.

25. Қамауға алынғанға аптасына екi реттен сиретпей ұзақтығы 15 минуттан аспайтын душ қабылдау мүмкiндiгі берiледi. Моншада жуыну аптасына бір рет гауптвахта бастығы белгілеген күндері және сағаттарда жүргізіледі. Моншада жуыну күндері қамауға алынғандардың іш киімдері мен төсек-орын жабдығын ауыстыру жүзеге асырылады, оларды медициналық қарап тексеру жүргізіледі.

26. Жуыну керек-жарақтары қамаққа алынғандарға дәретханаға шығу уақытында беріледі, одан кейін қарауыл (кезекші ауысым) бастығының қарап тұруымен камералардан тыс орналасқан қамаққа алынғандардың жуыну керек-жарақтарын сақтауға арналған құлыпқа жабылатын шкафқа қайта салынады.

27. Қамауға алынғандар таңертеңгі және кешкі жуыну үшін санитариялық тораппен жабдықталған камераларда ұсталатын қамаққа алынғандарды қоспағанда, шығарушылардың бірге жүруімен камералардан мынадай тәртіппен: Жалпы камераларда ұсталатындар – камера бойынша; жеке камераларда ұсталатындар – бір-бірден кезектілік ретімен шығарылады. Әскери қызметші әйелдерге жеке гигиена қағидаларын сақтау үшін қосымша уақыт беріледі.

5-тарау. Қамаққа алынғандарға сәлемдемелер мен жөнелтiлiмдерді қабылдау, хаттар алу тәртібі

28. Қамауға алынғаға сәлемдемелер мен жөнелтiлiмдер алуға рұқсат етiледi.

29. Жөнелтiлiмдердi қабылдау осы Қағидаларға 9-қосымшаға сәйкес нысан бойынша екi данада жасалған өтiнiш негiзiнде жүргiзiледi.

30. Жөнелтiлiмдердi қабылдауды гауптвахта қызметкерлерi жүзеге асырады. Жөнелтiлiмдер келушiлер кезектiлiгі тәртiбiнде қабылданады. Жөнелтілімнің ішіне салынғандарды тексеру оны жеткізген адамның қатысуымен жүзеге асырылады.

31. Гауптвахта қызметкері жөнелтілімді қабылдап, келушіге қабылдағаны туралы қолхатпен қоса өтініштің бірінші данасын қайтарады, ал екінші данасы ол жөнелтілімді алғаны туралы қол қойғаннан кейін қамаққа алынғанның жеке ісіне тігеді.

32. Сәлемдемелер мен жөнелтілімді ашуды және ішіне салынғандарды тексеруді құрамында кемінде екі гауптвахта қызметкері бар комиссия жүзеге асырады, ол туралы осы Қағидаларға 10-қосымшаға сәйкес нысан бойынша сәлемдемелер мен жөнелтілімдерді ашу актісі жасалады.

33. Сәлемдемелер, бандерольдар мен жөнелтiлiмдер:

1) қамауға алынған гауптвахтадан босатылған;

2) жөнелтілімнің нақты ішіне салынғандар өтініште көрсетілген мәліметтерге сәйкес келмеген;

3) тыйым салынған заттар бар болған жағдайларда қабылданбайды және керi қайтарылады.

34. Қамауға алынғанға сәлемдемелер мен жөнелтiлiмдер оларды қабылдағаннан кейiн бiр тәулiктен кешiктiрiлмей берiледi.

35. Гауптвахта әкiмшiлiгi медицина жұмыскерiнiң (фельдшердің) қорытындысы бойынша қамауға алынғандар үшiн дәрi-дәрмектердi тек оларды қамтамасыз етуге мүмкiндік болмаған жағдайларда қабылдайды. Қамауға алынғандар медициналық қорытындыға сәйкес қабылдайтын дәрілік заттар мен медициналық мақсаттағы бұйымдар сәлемдемелер мен жөнелтiлiмдер қатарына кірмейді.

36. Қамауға алынғандардың хат алуына болады. Қамауға алынғанның атына келіп түскен хаттарды беруді гауптвахта әкімшілігі олар келіп түскен күні жүргізеді.

37. Қамауға алынғанға жақын туысының қайтыс болғаны немесе ауыр сырқаттанғаны туралы мәліметтер оларды алғаннан кейін бір тәулік ішінде хабарланады.

38. Қамауға алынғанның атына ол гауптвахтадан босатылғаннан кейін келіп түскен хаттар үш жұмыс күнінен кешіктірілмей оның қызмет орнына жолданады.

6-тарау. Қамауға алынғандардан сақтауға және пайдалануға тыйым салынған бұйымдар мен заттарды алып қою тәртібі

39. Қамауға алынғандардың өзімен бірге құқыққа қарсы мақсаттарда пайдаланылуы немесе мемлекеттік немесе өзге де заңмен қорғалатын құпияны құрайтын мәліметтерді қамтуы мүмкін құжаттар мен жазбаларды қоспағанда, әкімшілік іске қатысты не өз құқықтары мен заңды мүдделерін іске асыру мәселелеріне қатысты құжаттар мен жазбаларды сақтауға рұқсат етіледі.

40. Қамауға алынғаннан заттарды алып қою немесе сақтауға қабылдау нәтижелері бойынша осы Қағидаларға 11-қосымшаға сәйкес нысан бойынша алып қою хаттамасы үш данада жасалады. Бiрiншi дана қамаққа алынғанға беріледі, екiншi – әскери бөлім өкіліне берiледi, үшiншi – қамауға алынғанның жеке ісінде сақталады. Қамауға алынғаннан заттар мен мүлік алынғаны және ол сақтауға қабылданғаны туралы Есепке алу журналында жазба жасалады.

41. Қамауға алынғанның заттары мен азық-түлік өнімдерін сақтауға қабылдауды қарауыл (кезекшi ауысым) бастығы жүргізеді.

42. Гауптвахтада ұстау кезеңінде қамауға алынғанда тыйым салынған бұйымдар мен заттарды алып қою немесе анықтаудың әрбір фактiсі бойынша олардың келіп түсу көзін және нақты иесiн анықтау мәніне қызметтік тексеру жүргiзiледi.

43. Қамауға алынғанның жазбаша өтініші бойынша қамаққа алынғандардың заттарын сақтау бөлмесінде сақтауда тұрған ақша, құндылықтар, заттар, бұйымдар мен азық-түлiк өнiмдерi қамаққа алынғанның жұбайына (зайыбына) немесе жақын туыстарына қол қойғызумен берiледi.

44. Қамауға алынған қайтыс болған жағдайда оған тиесiлi сақтауда болған құндылықтар оның жақын туыстарына қол қойғызумен берiледi.

45. Тыйым салынған заттар сақтау үшін осы Қағидаларға 12-қосымшаға сәйкес нысан бойынша актімен гауптвахта бастығына, ал ол болмаған жағдайда қарауыл (кезекшi ауысым) бастығына тапсырылады, оның көшірмесі қамауға алынғанның жеке ісіне тіркеледі.

46. Толық тексеру кезінде қару, жарылғыш, улы, уландырғыш, есірткі заттары, психотроптық заттар және прекурсорлар алынғаны туралы қарауыл (кезекші ауысым) бастығы шешім қабылдау үшін белгіленген тәртіппен дереу әскери полиция органы бастығының атына баянатпен баяндайды.

47. Жарамдылық мерзімі өткен немесе бүліну белгілері бар азық-түлік өнімдерін құрамында кемінде гауптвахтаның екі әскери қызметшісі бар комиссия жояды, ол туралы осы Қағидаларға 13-қосымшаға сәйкес нысан бойынша жою актісі жасалады.

7-тарау. Қамауға алынғандарға көтермелеулер мен жазалаулар қолдану тәртібі

48. Көтермелеу және жазалау шаралары барлық қамауға алынғандарға Қазаөқстан Республикасы Президентінің 2007 жылғы 5 шілдедегі № 364 Жарлығымен бекітілген Қазақстан Республикасы Қарулы Күштері, басқа да әскерлері мен әскери құралымдарының Тәртіптік жарғысымен ( бұдан әрі-Тәртіптік жарғы) белгіленген тәртiппен қолданылады. Әрбір қамауға алынғанға әскери полиция органдарында Тәртіптік жарғыға 2-қосымшаға сәйкес нысан бойынша қызметтік карточка арналады және әскери полиция органында тіркеледі, қамауға алынған босатылған кезде ол қамауға алынғанның жеке ісімен бұрынғы қызмет орнына жолданады. Көтермелеу шаралары ретінде бұрын қолданылған жазаны мерзімінен бұрын алып тастау және алғыс жариялау қолданылуы мүмкін.

49. Гауптвахтада ұстау тәртібін бұзғаны, гауптвахтаға қамауға алынғандарға белгіленген міндеттерін орындамағаны үшін мынадай жазалау шаралары қолданылады:

1) ескерту;

2) сөгіс;

3) қатаң сөгіс;

4) он бес тәулікке дейінгі мерзімге жеке камераға қамау.

50. Жеке камераға қамау түрiндегі жазалауды гауптвахта бастығы қолданады. Жеке камерадағы науқастанғанды мерзімінен бұрын босату қажеттілігі туралы медицина жұмыскерінің (фельдшердің) нұсқауы дереу орындалуға тиіс. Жеке камераға қамау туралы қарауыл (кезекші аусым) бастығы баянатпен гауптвахта бастығына баяндайды, соңғы ол туралы жоғары тұрған бастыққа баяндайды.

51. Көтермелеу және жазалау туралы қамаққа алынғанға қолхатпен жеткізіледі, ол жеке ісіне тіркеледі. Ауызша жарияланғаннан басқа, барлық жазалаулар мен көтермелеулерді гауптвахта бастығы жариялайды және осы Қағидаларға 14-қосымшаға сәйкес нысан бойынша Қамауға алынғандарды жазалауды және көтермелеулерді есепке алу кітабында есепке алынады, әскери қызметшінің қызметтік карточкасына жазылады.

8-тарау. Қамауға алынған тамақтанудан бас тартқан кезде қабылданатын шаралар

52. Қамауға алынғанның тамақтанудан бас тарту фактісі анықталған кезде қарауыл (кезекші ауысым) бастығы гауптвахта бастығына баяндайды. Гауптвахта бастығы себептерді анықтайды және әскери полиция органының бастығына баяндайды.

53. Тамақтанудан бас тартқан қамауға алынған басқа қамауға алынғандардан бөлек ұсталады және медицина қызметкерiнiң (фельшердің) қадағалануында болады.

54. Егер оның өмiрiне қауiп төнсе, тамақтанудан бас тартқан қамауға алынғанның денсаулығын сақтауға бағытталған, оның iшiнде мәжбүрлеу сипатындағы шаралар оны қадағалайтын медицина қызметкерiнiң (фельдшердің) жазбаша қорытындысы негiзiнде медициналық көрсеткiштер бойынша жүзеге асырылады.

9-тарау. Қамауға алынғанды босату тәртібі

55. Қамауға алынғандар судьяның қаулысымен белгіленген әкімшілік қамаққа алу мерзімін өтегеннен кейін гаупвахтадан босатылады.

56. Мерзімді қызмет әскери қызметшісінің қамауға алу мерзімі аяқталу қарсаңында гауптвахта бастығы оны алып кетуге өкілді жіберу үшін әскери бөлімнің командиріне босату уақыты туралы хабарлайды және қарауыл (кезекші ауысым) бастығына бекет ведомосымен бірге тапсырылатын осы Қағидаларға  15-қосымшаға сәйкес нысан бойынша қамаққа алынғанды (ұсталғанды) босату туралы жазбахат береді. Гауптвахта бастығының хабарламасы бойынша әскери бөлім командирі көрсетілген уақытта қызмет орнына гауптвахтаға мерзімді қызмет әскери қызметшінің бірге жүруі үшін бөлім өкілін гауптвахтаға жібереді, сондай-ақ оны тамақтандырумен және маусым бойынша киіммен қамтамасыз ету жөнінде шаралар қабылдайды.

57. Қамауға алынғанды босату кезінде гауптвахта бастығы Қамауға алынғандарды есепке алу журналында және атаулы тізімде босату күні мен уақытын көрсетіп, жазба жасайды, сақталуы заңсыз болып табылатын заттардан басқа, қамауға алынғанға қолхатпен сақтауға алынған құжаттарды, ақшаны және заттарды қол қойғыза отырып береді.

58. Әкімшілік қамауға алуды өтеген адам босатылған кезде осы Қағидаларға 16-қосымшаға сәйкес нысан бойынша әскери полиция органы бастығының қолы қойылған гауптвахтадан босату туралы анықтама беріледі.

59. Қамауға алынған қайтыс болған жағдайда қарауыл (кезекші ауысым) бастығы ол туралы дереу әскери полиция органының кезекші бөліміне және гауптвахта бастығына баяндайды. Қамауға алынғанның қайтыс болуы туралы әскери полиция органының басшылығы дереу жазбаша түрде әскери бөлімнің қолбасшылығына, қамауға алынғанның жеке ісінде көрсетілген жақын туысқандарына хабарлайды.

60. Паталогоанатомиялық зерттеуден, сондай-ақ тергеу әрекеттері жүргізілгеннен кейін қайтыс болған адамның мәйіті әскери бөлімнің (мекеменің) қолбасшылығына немесе оны талап еткен адамдарға беріледі.

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларына 1-қосымша Нысаны «Бекiтемiн» әскери полиция органының бастығы _______________________________ (лауазымы, қолы, тегi) 20 ___ жылғы «___»_________ ГАУПТВАХТАДАҒЫ IШКI ТӘРТIПТЕМЕ (үлгiлiк)

1. Қамауға алынғандар осы Қағидалардың талаптарын сақтайды және гауптвахта қызметкерлерiнiң нұсқауларын орындайды.

2. Әскери полиция гауптвахтасында ұсталатын қамауға алынғандар үшiн мынадай күн тәртiбi белгiленедi: Жүргiзiлетiн iс-шаралар Өткiзу уақыты Таңертеңгiлiк тұру 6 сағ. 00 мин. – 6 сағ. 10 мин. Қамаққа алынғандарды тексеру, төсек-орын жабдықтарын тапсыру 6 сағ. 10 мин. – 6 сағ. 30 мин. Таңертеңгi жуыну 6 сағ. 30 мин. – 7 сағ. 00 мин. Гауптвахта камераларын және үй-жайларын жинау 7 сағ. 00 мин. – 8 сағ. 00 мин. Таңертеңгi ас 8 сағ. 00 мин. – 8 сағ. 30 мин. Гауптвахта қызметкерлерiнiң камераларды аралап шығуы 8 сағ. 30 мин. – 9сағ. 00 мин. Жарғыларды зерделеу бойынша сабақтар 9 сағ.00 мин. – 11 сағ. 00 мин. Саптық даярлық бойынша сабақтар 11 сағ.00 мин. – 13 сағ. 00 мин. Жеке уақыт 13 сағ.00 мин. – 14 сағ. 00 мин. Түскi ас 14 сағ. 00 мин. – 14 сағ.30 мин. Серуендеу 14 сағ. 30 мин. – 16 сағ.00 мин. Шаруашылық жұмыстарды жүргiзу 16 сағ. 00 мин. – 19 сағ.00 мин. Кешкi ас 19 сағ. 30 мин. – 20 сағ.00 мин. Мерзiмдi басылымды оқу 20 сағ. 00 мин. – 20 сағ.30 мин. Камераларды жинау 20 сағ. 30 мин. – 21 сағ.00 мин. Кешкi жуыну 21 сағ. 00 мин. – 21 сағ.30 мин. Қамаққа алынғандарды тексеру, төсек-орын жабдықтарын алу 21 сағ. 30 мин. – 22 сағ.50 мин. Ұйықтау 22 сағ. 00 мин. Гауптвахта бастығы __________________________________________ (ә/атағы, қолы, тегi және аты-жөнi) 20 ___ ж. «___»_________

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларына 2-қосымша Тыйым салынған бұйымдар мен заттардың тізбесі

1) Қару, жарылғыш, улы, уландырғыш және өртке қауіпті заттар, есірткі заттары, психотроптық заттар, прескурорлар, ішімдік заттары, бұрыш, тұз, оттықтар;

2) шарфтар, белбеу, белдіктер, иық баулар, баулар, галстуктер мен ұзындығы 50 сантиметрден аспайтын орамалдар;

3) шыны ыдыс, өткір, кесетін және тілетін заттар;

4) браслеттер, темекі сауыты, ойын карталары, түймелер, жүзік, сырға, қол сағат, ордендер, медальдар, металл заттары мен құндылықтар;

5) иіс су, одеколон және спирттік негізіндегі өзге де бұйымдар;

6) фото-, бейне- және аудио- жаба аппаратуралары, байланыс құралдары, флэш-жинақтағыштар (алынбалы-салынбалы ақпарат тасығыштары);

7) ақша, құңды қағаздар, ювелир заттары;

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларына 3-қосымша Нысаны Гауптвахтада ұсталатын адамдарды есепке алу ЖУРНАЛЫ 20___жылғы «____» ________ басталды. 20___жылғы «____» ________ аяқталды. Р/с № Га-уп-тв-ах-та-ға қа-ма-лғ-ан кү-нi ме-н уа-қы-ты Ла-уа-зы-мы, әс-ке-ри а-та-ғы, те-гi, а-ты, ә-ке-сi-нiң а-ты Әс­ке­ри бөлi­мінiң нө­мiрi Кiм ұста­ды (қа­мау­ға ал­ды) Ұстау се­бебi (қа­мау­ға алу, не үшiн қа­мау­ға ал­ды)) Қай мер-зiм-ге жә-не қан-дай ка-ме-ра-да ұс-та-ла-ды Қа­был­дан­ған құн­ды­лық­тар Ұстау (қа­мау­ға алу) мерзi­мi қа­шан аяқ­та­ла­ды Қа-мау-ға алын-ған-ды қа-был-дау ке-зiн-де ме-ди-ци-на-лық тек-се-ру уа-қы-ты, мон-ша-да жуы-ну жә-не де-не-сiн қа-рап тек-се-ру ту-ра-лы жаз-ба (ме-ди-ци-на қыз-мет-керi-нiң қол-таң-ба-сы) Гаупт­вах­та­дан боса­ту ту­ра­лы жа­з­ба­ның күнi мен уа­қы­ты Гаупт­вах­та­ға қа­был­дау кезiн­де заттар­ды, құ­жат­тар мен ақ­ша­ны тап­сыр­ға­ны ту­ра­лы қол­таң­ба­сы Гаутвах­та­дан боса­ған ке­зін­де заттар­ды, құ­жат­тар­ды және ақ­ша­ны ал­ға­ны ту­ра­лы қо­лы 1 2 3 4 5 6 7 8 9 10 11 12 13 Ескертпе: Журнал нөмірленген, тігілген, тиісті қолтаңбамен куәләндырылған және мөрмен мөрленген болуға тиіс. Журнал гауптвахтаның қарауыл (кезекші ауысым) бастығында сақталады.

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларына 4-қосымша Нысаны Қамауға алынғанды қабылдау қолхаты (қолхаттың бет жағы) ________________________________________________________________________________ ________________________________________________________________________________ (әскери атағы, тегі, аты, әкесінің аты) ________________________________________________________________________________ (бөлімше, әскери бөлім) _______ бастап ________ дейін __________ камерада ұстаумен Әскери полиция органының _ ____________ тәулікке (сағатқа) гауптвахтаға қабылданды. мөртаңбасы ______________________________ ________________________________ (уақыты, күні, айы, жылы) ____________________ әскери полиция органы гауптвахтасының бастығы Әскери полиция органының елтаңбалы _________________________________________________ __________________________________________________ __________________________________________________ _________________________________________________ __________________________________________________ ________________________________________ (әскери атағы, қолы, тегі, аты-жөні) 20___жыл «____» _______________ (қолхаттың артқы жағы) Қамауға алынғанда мынадай заттар бар: _______________________________________________________________________ _______________________________________________________________________ _______________________________________________________________________ _______________________________________________________________________ _______________________________________________________________________ Қамауға алынғанның қолы________________________________________________ ______________________________________________________________________ әскери полиция органы гауптвахтасының бастығы Әскери полиция органының елтаңбалы________________________________________________________ мөрі (әскери атағы, қолы, тегі, аты-жөні) Қамауға алынғанды жеткізген адамның қолы _____________________________________________________________ (әскери атағы, қолы, тегі, аты-жөні) Ескертпе: Қолхат үш данада ресімделеді. Бірінші данасы қамаққа алынғанды гауптвахтаға жеткізген адамға, екіншісі – қамаққа алынғанға беріледі, үшінші данасы – қамаққа алынғанның жеке ісіне тігіледі.

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларына 5-қосымша Гауптвахтаға қамалған әскери қызметшілердің мінез-құлық қағидалары

1. Қамауға алынғандар:

1) Әскери қызметшілердің Қазақстан Республикасы Қарулы Күштерi әскери полиция органдарының гауптвахтасында әкімшілік қамауды өтеу қағидаларында белгіленген ұстау тәртібін сақтайды;

2) әскери полиция органы гауптвахта әкімшілігінің және қолбасшылығының заңды талаптарын орындайды;

3) гигиена мен санитария талаптарын сақтайды;

4) күнделікті серуендеуге шығады (серуендеуден босатуды медицина жұмыскерінің қортындысы бойынша гауптвахта бастығы жүзеге асырады);

5) Қазақстан Республикасы Үкіметінің 2014 жылғы 9 қазандағы № 1077 қаулысымен бекітілген Өрт қауіпсіздігінің қағидаларын сақтайды;

6) гауптвахта мүлікіне ұқыпты қарайды;

7) камераларда және басқа да үй-жайларда кезектілік тәртібінде тазалық жасайды;

8) гауптвахта әскери қызметшілерінің, күдіктілер мен айыптаушылардың, сондай-ақ басқа да адамдардын ар-намысын қорлайтын іс-қимылдар жасамайды;

9) күзетпен ұстау тәртібін қамтамасыз ететін гауптвахта әскери қызметшілеріне, сондай-ақ басқа да адамдарға олардың қызметтік міндеттерін орындауға кедергі жасамайды;

10) белгіленген күн тәртібін сақтайды;

11) гауптвахта әскери қызметшілеріне «Сіз» деп және оларға «мырза» деп және одан әрі әскери шені бойынша немесе лауазымы бойынша сөйлейді;

12) гауптвахта әскери қызметшілерінің камераларына кірген кезде олардың командасы бойынша тұрады және корсетілген жерде сапқа тұрады;

13) сыртқы таза бейнесін ұстайды;

14) айдауылмен немесе гауптвахта әскери қызметшілерінің бірге жүруімен жүрген кезде қолын артында ұстайды;

15) гауптвахта әскери қызметшілерінің және басқа да лауазымды тұлғалардын талаптары бойынша өз тегін, аты-жөнін хабарлайды;

16) тыныштықты сақтайды;

17) кезектілік тәртібінде камера бойынша кезекшілікті атқарады.

2. Жол берілмейді:

1) гауптвахтаның басқа камераларында немесе өзге үй-жайларында отырған әскери қызметшілермен сөйлесуге, қандай-да бір заттарды беруге, тарсылдатуға немесе олармен хат алмасуға;

2) сөйлесудің, қандай-да бір заттарды берудің және бостандықта жүргендермен хат алмасудың белгіленген тәртібін бұзуға;

3) әкімшіліктің рұқсатынсыз гауптвахта камерасынан және басқа да үй-жайларынан шығуға;

4) гауптвахта объектілерінің күзету желісін бұзуға;

5) алкоголь ішімдіктерін, есірткі және психотроптық заттарды дайындауға және қолдануға;

6) материалдық және басқа да табыс көру мақсатында үстел ойындарын ойнауға;

7) өзіне және басқа да адамдарға дене суретін салуға;

8) әкімшіліктің рұқсатынсыз ұйықтау орындарына перде ілуге немесе ауыстыруға;

9) қолдан жасалған электр аспаптарын қолдануға;

10) әкімшіліктің рұқсатынсыз электрлік аспаптарын пайдалануға;

11) камерада ашық от жағуға;

12) жануарларды ұстауға;

13) әкімшіліктің рұқсатынсыз санитарлық-техникалық, жарық беру және басқа да аспаптарға жөндеу жүргізуге;

14) камералардағы санитарлық жүйенің ластануына;

15) гауптвахтаға қамауға алынған әскери қызметшілердің құқықтары мен міндеттері туралы ақпаратты камераның қабырғасынан алуға;

16) камералық мүкәммалдың қабырғаларына қағаз, фото, сурет, газет пен журнал қималарын жапсыруға, оған жазбалар мен суреттер салуға;

17) тыныштықты бұзуға;

18) саптан шығуға, шылым шегуге, сөйлесуге, камерадағы есіктің көзіне қарауға, қандайда-бір заттарды көтеруге, гауптвахта аумағы бойынша жүрген кезде дабыл дабылдамасының түймесін басуға;

19) терезеден бірдеңе лақтыруға, терезе алдына шығуға, форточкадан шығаруға, есіктің «көзіне» тығыз жақындауға, «көзді» жабуға;

20) жеке пайдаланудағы заттарды сатуға, сыйлау немесе өзге де тәсілмен иелігінен шығаруға.

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларына 6-қосымша Нысаны Қамауға алынғандар туралы мәліметтерді есепке алу журналы № р/с Ке­ліп түс­кен кү­ні және уа­қы­ты ә/б, ор­на­ла­суы, ба­ғы­ны­сты­лы­ғы, ко­ман­ди­рі Ан­ке­та­лық мә­лі­мет­те­рі (Т.А.Ә. (болған кез­де) ту­ған кү­ні және же­рі, бі­лі­мі, от­ба­сы­лық жағ­дайы, тұр­ғы­лық­ты же­рі, ла­у­а­зы­мы, қан­дай ҚіД ша­қы­рыл­ды және қа­шан) Са­на­ты Фа­бу­ла Іс­ті қа­ра­ған сот Сот қа­улы­сы­ның № және кү­ні Бі­лік­ті­лі­гі Қа­м­ақ­қа алу мер­зі­мі (тәу­лік) Боса­ты­л­ған кү­ні және уа­қы­ты Ес­керт­пе 1 2 3 4 5 6 7 8 9 10 11 12 Ескертпе: Журнал нөмірленген,тігілген, тиісті қолтаңбамен куәләндырылған және мөрмен мөрленген болуға тиіс. Журнал гауптвахтаның қарауыл (кезекші ауысым) бастығында сақталады.

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауға өтеу қағидаларына 7-қосымша Нысаны Жеке толық тексеру және қамауға алынғанның жанында болған заттарды толық тексеру ХАТТАМАСЫ 20 ___ж. «___»______сағат ___мин. Жасау орны ________ Мен, ____________________________________________________________ (хаттаманы толтырған адамның лауазымы, атағы, Т.А.Ә.(болған кезде)) осы хаттаманы әскери қызметшi ___________________________________________ _______________________________________________________________________ (әскери атағы, Т.А.Ә. (болған кезде), ұлты, туған жылы мен жерi, тұрғылықты жерi) __________________________________________________________________________________ қызмет орны, лауазымы _________________________________________ отбасылық жағдайы_____________________, асырауында _____________________ жеке басын куәландыратын құжат________________________________ (сериясы, нөмiрi, кiммен берiлген) толтырдым. Әскери қызметшi _______________________________________________ _______________________________________________________________________ (толық тексерiлген адамның Т.А.Ә.(болған кезде)) жеке толық тексеру және заттарына толық тексеру жүргiзiлдi. Толық тексерiлетiн адам үстiне мынаны киген: __________________ _______________________________________________________________________ Денесін қарап тексеру кезiнде мынадай дене жарақаттары анықталды: ___________________________________________________________________ (анықталған жоқ, егер болса, дене жарақаттарының сипаттамасын көрсету _____________________________________________________________________ және медициналық көмек көрсетiлдi ме) Толық тексеру барысында мыналар анықталды және алынды:_____________ ______________________________________________________________________ ______________________________________________________________________ Толық тексеру кезiнде келiп түскен өтiнiштер__________________________ Толық тексеру барысында мыналар қолданылды:____________________ _______________________________________________________________________ (фото-кинотүсiрiлiм, бейне жазу, өзге де тiркеу тәсiлдерi) Гауптвахтаға келiп түскен кезде денсаулық жағдайына шағымдарым мен өтiнiштерiм жоқ (бар) _______________________________________________ _______________________________________________________________________ (керегiн жазу) Әскери полиция гауптвахтасындағы iшкi тәртiптемемен таныстым:_________ ___________________________________(қолы) Қолдары: _________________________(толық тексерудi жүргiзген лауазымды адамның) ____________________________________(жеке толық тексерiлген адамның) Хаттаманың көшiрмесiн алдым ______________________________________ (жеке толық тексерiлген адамның Т.А.Ә. (болған кезде), қолы)

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларына 8-қосымша Қамауға алынғандар заттарды сақтау бөлмесiнде сақтай алатын және өзiмен бiрге болатын заттар тiзбесi

1) белдiк белбеулерінсiз, аспа баусыз далалық киiм нысанының қосалқы жиынтығы, сондай-ақ маусым бойынша бас киiм, аяқ киiм (тақасыз, металл нәлсiз және баусыз);

2) iшкi киiм, шұлық, қолғап (биялай), қол орамал, бөлмеде киетiн тапочка;

3) жуыну керек-жарақтары: иiс, кiр сабын, сусабын, тiс пастасы, тiс щеткасы, сабын мен тiс щеткасына арналған пластмасса қап, майлар, металл емес тарақ, жөке, жұмсақ ысқыш, дәретхана қағазы, электр немесе механикалық ұстара, бiр рет пайдаланылатын қауiпсiз ұстара (гауптвахтаның камераларынан тыс орналасқан қамаққа алынғандардың мүлкiн сақтауға арналған құлыпқа жабылатын арнайы шкафта сақталады);

4) іш киім, шашқа арналған резеңке, гигиеналық керек-жарақтар (әйелдер үшін);

5) көзiлдiрiк және көзiлдiрiкке арналған пластмасса қап;

6) жалпыәскери жарғылармен, көркем әдебиет, мерзiмдi басылым шығарылымдары;

7) үстел ойындары (дойбы, шахмат, домино, нарды);

8) iшкi киiмге немесе қалтаға салуға арналған дiни табыну заттары;

9) екiден артық емес фотосурет;

10) дәрiгердiң тағайындауы бойынша дәрiлiк заттар. Қамауға алынға өзiмен бiрге олардың құқықтары мен заңды мүдделерiн iске асыру мәселелерiне қатысты құжаттар мен жазбалар, сондай-ақ пошталық жөнелтiлiмдер бланкiлерi, түбiртектер, заттарды сақтау бөлмесiне тапсырылған заттарды, құжаттарды, бұйымдарды және өзге де материалдық құндылықтарды беру актiлерiнiң көшiрмелерi болуға және сақтауға рұқсат етiледi.

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларына 9-қосымша Нысаны ӨТIНIШ _____________________________________________________________________ (әкiмшiлiк қамауға алынғанға қандай қатысы бар) _______________________________________________________________ тұратын (тұрғылықты мекенжайы) азамат (-ша) ___________________________________________________________ (тегi, аты, әкесiнiң аты (болған кезде)) _______________________________________ үшiн жөнелтiлiмдi қабылдауыңызды (қамауға алынғанның ә/атағы, тегi және аты-жөнi) сұраймын. Р/с № Азық-түлiк атауы Салмағы Саны Ескертпе килограмм грамм Өтiнiш иесiнiң қолы ______________________________________________ 20_ жылғы «__»____________ Жөнелтiлiмге рұқсат бердi ________________________________________ (гауптвахта бастығы) Жөнелтiлiмдi қабылдады ____________________________________________ (жөнелтiлiмдi қабылдаған қызметкердiң Т.А.Ә.(болған кезде)) Жөнелтiлiмдi алдым ________________________________________________ (жөнелтiлiмдi алған адамның қолы) 20 __ жылғы «____» __________

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларына 10-қосымша Нысан Сәлемдемелердi және жөнелтілімдерді ашу АКТIСI 20 __ ж. «____» _________ Жасау орны _____________________________ Комиссия мынадай құрамда: _______________________________________ _____________________________________________________________________ (комиссия мүшелерiнiң Т.А.Ә.(болған кезде)) осы сәлемдеменi (жөнелтілімді) ашу актiсiн жасады__________________________ _____________________________________________________________________ (заттардың, азық-түлiктiң атауы, олардың сыртқы белгiлерi, ____________________________________________________________________ саны (жазбаша) көрсетiледi) _____________________________________________________________________ _____________________________________________________________________, гауптвахтада ұсталатын әскери қызметшіге iшiне салынғаннан мыналар берiлдi: _____________________________________________________________________ (заттардың, азық-түлiк өнiмдерiнiң атауы көрсетiледi) _____________________________________________________________________ _____________________________________________________________________. Гауптвахтада ұсталатын қамауға алынғандардың заттарын сақтау бөлмесiне _____________________________________________________________ _____________________________________________________________________ _________________________________________________________ тапсырылды. Комиссия мүшелерiнiң қолдары: _______________________________ Алдым ___________________________________________________________ (әкiмшiлiк қамауға ұшыраған адамның тегi, аты, әкесiнiң аты (болған кезде), қолы) Актiнi жасаған қызметкердiң қолы: _____________________________________________________________________ (лауазымы, атағы, қолы, Т.А.Ә.(болған кезде))

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларына 11-қосымша Алу хаттамасы Біз , төменде қол қойған, мынадай құрамдағы комиссия __________________ _______________________________________________________________________ _______________________________________________________________________ _______________________________________________________________________ (лауазымы, әскери атағы, тегі аты және әкесінің аты (болған кезде)) ұсталған, күдікті, айыпталушы, әкімшілік тәртіппен қамауға алынған және қамауға алуға сотталған _________________________________________________ (әскери атағы,тегі аты және әкесінің аты (болған кезде)) тізім бойынша сомасы (___________) ақшаны, құнды қағаздар мен құнды заттарды ____________________________________________________________________, (сомасы жазумен көрсетіледі) мынадай заттар мен азық-түлікті __________________________________________ __________________________________________________________________________ _________________________________________ алдық (сақтауға қабылдадық). Барлығы берілгені: __________ құнды қағаздардың, құнды заттардың атауы, (саны) _______ ақша, ____________ азық-түлік, заттар атауы. (саны) (саны) Тапсырды: ______________________ (тегі, аты, әкесінің аты (болған кезде), қолы) Қабылдады: _____________________ (тегі, аты, әкесінің аты (болған кезде), қолы) Қатысқан: _______________________(тегі, аты, әкесінің аты (болған кезде), қолы) 20__жылғы «___»_______

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларына 12-қосымша АКТ « __ » ________ 20____ж. ____________________________ қаласы (кенті) Мен, _____________________________________________________________ (лауазымы, әскери атағы, тегі, аты-жөні) ______________________________________________________________________ (қамауға алу туралы шешім шығарған соттың атауы) 20__ж. « __ » ____________ шешімі бойынша әскери полицияның гауптвахтасына қамалған ________________________________________________________ тиесілі (қамауға алынғанның әскери атағы, тегі, аты, әкесінің аты (болған кезде)) _______________________________________________________________________ (заттардың, бұйымдардың, құжаттардың және өзге де материалдық құндылықтардың, ___________________________________________________________________________________ о.і. ақшалай қаражаттың атауы жазбаша көрсетілсін) ____________________________________________________________________________________ __________________________________________________________ гауптвахтаға ұсталатын қамаққа алынғанның заттарын сақтау бөлмесіне беру туралы осы актіні жасадым. Осы акті екі данада (бірінші данасы іске тігіледі, екінші данасы иесіне беріледі). Актінің көшірмесін алдым __________________________________________ (қамауға алынғанның әскери атағы, қолы, тегі, аты-жөні) Актіні жасаған қызметкердің қолы____________________________________ (әскери атағы, қолы, тегі, аты-жөні)

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларына 13-қосымша Нысан Жою АКТIСI 20 __ ж. «____» _________ Жасау орны ___________________________ Комиссия мынадай құрамда: _______________________________________ _____________________________________________________________________ _____________________________________________________________________ (комиссия мүшелерiнiң ә/атағы, Т.А.Ә.(болған кезде)) мынадай азық-түлiк өнiмін (жарамдылық мерзiмi өткен немесе бүлiну белгiлерi бар) жою туралы осы актiнi жасады _______________________________ _____________________________________________________________________ _____________________________________________________________________ _____________________________________________________________________ (атауы, саны (жазбаша), орамның бар болуы көрсетiледi) олар__________________________________________________________________ _____________________________________________________________________ _____________________________________________________________________ _______________________________________________________________ жойылды. (жою орны мен тәсiлi) Комиссия мүшелерiнiң қолдары: 1.__________________ 2. _________________

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларына 14-қосымша Гауптвахтаға қамалған әскери қызметшілерді көтермелеулер мен жазалауларды есепке алу кітабы Басталды: ____ жылғы «___»______________ . Аяқталды: ____ жылғы «___»______________ .

I бөлім Жазалауға ұшыраған адамдарды есепке алу Р/с № Т.А.Ә. (болған кезде) Жазалау не үшін қолданылды Жазалау түрі Кім және қашан қолданылды Ескертпе

II Бөлім Гауптвахта әкімшілігі көтермелеген адамдарды есепке алу Р/с № Т.А.Ә. (болған кезде) Көтермелеу не үшін қолданылды Көтермелеу түрі Кім және қашан қолданылды Ескертпе Ескертпе: Кітап нөмірленген, тігілген, тиісті қолтаңбамен куәләндырылған және мөрмен мөрленген болуға тиіс. Гауптвахтаның қарауыл (кезекші ауысым) бастығында сақталады.

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларына 15-қосымша Қамауға алынғанды босату туралы ЖАЗБА Қарауыл (кезекші ауысым) бастығы _______________________ ______________________________________________________ (әскери атағы, тегі, аты, әкесінің аты (болған кезде)) қамауда ұсталған________________________________________ ________________________________________________________________ (қамауға алынғанның әскери атағы, тегі, аты, әкесінің аты (болған кезде)) ___________________________________________ босатылсын. (уақыты, күні, айы, жылы) Негіздеме: _________________________________________________________ _________________ гарнизоны әскери полиция органының гауптвахта бастығы ____________________________________________________ (әскери атағы, қолы, тегі, аты-жөні) 20___ ж. «____» ____________

Әскери қызметшiлердiң Қазақстан Республикасы Қарулы Күштері әскери полиция органдарының гауптвахтасында әкiмшiлiк қамауды өтеу қағидаларына 16-қосымша Гауптвахтадан босату туралы АНЫҚТАМА Әскери қызметші __________________________________________________ (әскери атағы, тегі, аты, әкесінің аты (болған кезде)) 20__ж. «____»________________ – 20__ж. «____»___________________ кезеңінде ________________________________ сәйкес _______________________________ (судья қаулысы) гарнизонының әскери полиция гауптвахтасында әкімшілік қамауды өтегенін растау үшін берілді. ______________________ әскери олиция органының бастығы ____________________________________ (ә/атағы, қолы, тегі мен аты-жөні) 20 ___ ж. «____» ___________ Мөр орны