Об утверждении Правил конкурсного отбора и назначения руководителей государственных коммунальных предприятий Костанайской области Қолданыста

Қостанай облысының мемлекеттік коммуналдық кәсіпорындары басшыларын конкурстық іріктеу және тағайындау Ережесін бекіту туралы Қазақстан Республикасы Үкіметінің 2001 жылғы 27 маусымдағы № 880 қаулысымен бекітілген Жекешелендіру және мемлекеттік мүлікті басқару тиімділігін арттырудың 2001-2002 жылдарға арналған салалық бағдарламасын, Қостанай облыстық мәслихатының 2001 жылғы 2 ақпандағы № 95 шешімімен бекітілген Қостанай облысының мемлекеттік коммуналдық мүлігін басқарудың 2001-2003 жылдарға арналған бағдарламасын орындау мақсатында, ШЕШТІМ:

1. Қоса беріліп отырған Қостанай облысының мемлекеттік коммуналдық кәсіпорындары басшыларын конкурстық іріктеу және тағайындау Ережесі бекітілсін.

2. Осы шешім әділет органында тіркелген сәттен бастап күшіне енеді.

Қазақстан Республикасы Қостанай облысы әкімінің 2002 жылғы 14 наурыздағы № 31 шешімімен бекітілген Қостанай облысының мемлекеттік коммуналдық қәсіпорындары басшыларын конкурстық іріктеу және тағайындау Ережесі

1. Жалпы ережелер Осы Ереже Қостанай облысы мемлекеттік коммуналдық қәсіпорындар басшыларының жауапкершілігі мен өкілеттіктерін, тағайындаудың, конкурстық іріктеудің тәртібі мен шартын белгілейді және Қазақстан Республикасы Үкіметінің 2001 жылғы 27 маусымдағы № 880 қаулысымен бекітілген Жекешелендіру және мемлекеттік мүлікті басқару тиімділігін арттырудың 2001-2002 жылдарға арналған салалық бағдарламасына, Костанай облыстық мәслихатының 2001 жылғы 2 ақпандағы № 95 шешімімен бекітілген Қостанай облысының мемлекеттік коммуналдық мүлігін басқарудың 2001-2003 жылдарға арналған бағдарламасына сәйкес әзірленген.

2. Ережеде пайдаланатын ұғымдар

1. Осы Ережеде келесі ұғымдар пайдаланылады: мемлекеттік кәсіпорын - белгілі функцияларды орындау үшін заңнамамен бекітілген тәртіпте Қостанай облысының әкімияты немесе әкімімен құрылған шаруашылық жүргізу немесе жедел басқару құқығындағы кәсіпорын; кәсіпорынның басшысы — осы Ереже белгілеген тәртіпте, уәкілетті органмен лауазымға тағайындалатын тұлға; уәкілетті орган — меншік иесімен уәкілетті, мемлекеттік кәсіпорынға қатысты мемлекеттік меншік құқығы субъектісінің функциясын жүзеге асыратын, мемлекеттік кәсіпорынның мемлекеттік басқару органы.

3. Конкурс

2. Мемлекеттік кәсіпорын басшысының бос қызмет орнына орналасуға конкурсты Қазақстан Республикасы азаматтарының мемлекеттік кәсіпорын басшысының бос қызмет орнына тең мүмкіндігінің конституциялық құқығын қамтамасыз етеді.

3. Конкурс бос қызмет орны пайда болған уақытынан басталып үш ай артық емес мерзімінде уәкілетті органмен (бұдан әрі — конкурсты ұйымдастырушы) өткізіледі.

4. Конкурсты өткізу кезінде Қазақстан Республикасы Конституциясының, Қазақстан Республикасының «Мемлекеттік кәсіпорын туралы» Заңының және басқа да заңнамалық кесімдерінің талаптары сақталуы қажет.

5. Конкурстық комиссияның шешімі мемлекеттік кәсіпорын басшысының бос қызмет орнына орналасуы немесе осындай лауазымға орналасудан бас тартуы үшін негіздеме болып табылады.

4. Конкурсты өткізу шарты мен тәртібі

6. Конкурс өзіне бірқатар дәйекті кезеңдерді енгізеді:

1) конкурстық комиссияның құрылуын;

2) конкурс ұйымдастырушысымен конкурс өткізу туралы хабарландырудың жариялануын;

3) конкурсқа қатысу үшін ықылас білдірген азаматтардан құжаттарды қабылдауды;

4) конкурсқа қатысушылардың құжаттарын мемлекеттік кәсіпорын басшысының лауазымына белгіленген біліктілік талаптарына сәйкес келетініне алдын ала қарастырылуын;

5) үміткерлердің сынақтан өтуін;

6) конкурсқа қатысушылармен тапсырылатын құжаттарды, олардың сынақтан өту қорытындысын қарастыратын, үміткерлермен әңгімелесуді өткізетін және мемлекеттік кәсіпорын басшысының лауазымына үміткерлерді соңғы іріктеуді жүзеге асыратын конкурстық комиссиясымен өткізілетін үміткерлермен әңгімелесуді;

7) конкурстық комиссияның қорытынды отырысын.

7. Конкурсқа Қазақстан Республикасының азаматтары қатысуға құқылы:

1) он сегіз жасқа толғандар;

2) белгіленген біліктілік талаптарға сәйкес келетіндер. Біліктілік талаптары конкурс ұйымдастырушысымен белгіленеді;

8. Конкурсқа қатысуға мынадай азаматтар жіберілмейді:

1) осы ереженің 7 тармағында белгіленген талаптарға сәйкес келмейтіндер;

2) заңдық күшіне енген сот шешімімен іс-әрекетке қабілетсіз немесе іс-әрекетке шектеулі қабілетті деп танылғандар;

3) сыбайлас жемқорлықтық құқық бұзушылыққа байланысты мемлекеттік қызметтен босатылғандар;

4) заңнамамен қарастырылған басқа жағдайларда.

9. Конкурс ашық түрде өткізіледі.

10. Конкурс туралы хабарландыру жарияланғаннан кейін уәкілетті органға қажетті құжаттарды ұсынған азаматтар, конкурсқа қатысушылар болып табылады.

11. Мемлекеттік кәсіпорын басшысының лауазымына орналасуға үміткерлер (бұдан әрі - үміткер) конкурстық комиссия шешімі негізінде сынақтауға жіберілген, конкурс қатысушылары болып табылады.

12. Конкурсқа қатысу жөніндегі шығындарды (сынақтау немесе әңгімелесу өткізілетін жерге бару және қайтадан кету, тұрғын үй—жайды жалдау, тұру, байланыстың бүкіл түрінің қызметтерін пайдалану) азаматтар өз қаражаттары есебінен өтейді.

5. Конкурс туралы хабарландыру

13. Конкурс ұйымдастырушысы, ресми жарияланымдар үшін заңнамамен белгіленген тәртіпте, конкурс өткізу туралы хабарландыруды жергілікті бұқаралық ақпарат құралдарының басылымдарында жариялауға міндетті.

14. Конкурс өткізу туралы хабарландыруда келесі мәліметтер болуы қажет:

1) қолданылып жүрген заңнамаға сәйкес еңбек ақысының шарттары мен мөлшері, негізгі қызметтік міндеттері белгіленген, басшының бос қызмет орны бар мемлекеттік кәсіпорынның атауы;

2) орналасқан жері, пошталық мекен-жайы, факс пен телефондардың нөмірі көрсетілген уәкілетті органның атауы;

3) конкурс қатысушысына қойылатын біліктілік талаптар;

4) құжаттарды қабылдау мерзімі (конкурс өткізу туралы хабарландырудың жарияланған сәтінен бастап 20 күнтізбелік күнінен кешіктірілмеген уақыт);

5) сынақ өткізілетін орын және мерзімі;

6) әңгімелесу өткізілетін орын және мерзімі. Хабарландыруда, Қазақстан Республикасының қолданылып жүрген заңнамасына қайшы келмейтін қосымша ақпарат болуы мүмкін.

6. Конкурстық комиссияның құрылуы

15. Конкурс ұйымдастырушысы, мемлекеттік кәсіпорын басшысының бос қызмет орнына орналасуына үміткерлердің іріктелуін жүзеге асыратын уәкілетті конкурстық комиссия құрады.

16. Конкурстық комиссияның құрамы, осы Ережемен белгіленген тәртіпте лауазымына сәйкес тағайындау құқығына ие болатын уәкілетті орган басшысымен құрылады және бекітіледі.

17. Конкурстық комиссия алқалы орган болып табылады және төрағадан, хатшыдан (уәкілетті органның кадр қызметінің өкілі) және комиссия мүшелелерінен тұрады. Конкурстық комиссия мүшелелерінің саны, конкурстық комиссиямен шешім қабылдау кезінде дауыс беру құқығы жоқ хатшыдан басқа, үштен жетіге дейінгі жұп емес адам санынан тұрады.

18. Мемлекеттік кәсіпорындарының басшыларына конкурстық іріктеуді жүзеге асыратын конкурстық комиссияның құрамына, келісім бойынша тиісті әкімшілік-аумақтық бірлік әкімінің өкілі кіреді.

7. Құжаттарды қабылдау

19. Конкурсқа қатысу үшін ықылас білдірген азаматтар, конкурс өткізіп жатқан мемлекеттік органға келесі құжаттарды тапсырады:

1) белгіленген нысан бойынша арызды (қосымша);

2) толтырылған кадр есебі жөніндегі жеке парақты (шынайы тұратын жерінің мекен-жайы мен телефоны оның ішінде байланыс телефоны да);

3) белгіленген нысан бойынша толтырылған сауалнамасы (қосымша);

4) нотариалдық немесе заңнамамен белгіленген тәртіппен басқа да куәландырылған білім туралы құжаттың көшірмесін;

5) еңбек өтілі туралы анықтаманы;

6) өмірбаянды;

7) белгіленген нысан бойынша денсаулық жағдайы жөніндегі анықтаманы;

8) 3x4 өлшемімен 1 фотосуретті.

20. Азаматтар өзінің біліміне, жұмыс тәжірибесіне, кәсіби деңгейіне және беделіне қатысты қосымша мәліметтерді бере алады (біліктілікті жоғарлату, ғылыми дәреже мен атақ беру туралы құжаттардың, мінездеменің, кепілдеменің, ғылыми жарияланымның т.б. көшірмелері).

21. Конкурстық комиссияның қарауына құжаттарды қабылдау мерзімінде азаматтардың беріп жіберген немесе олармен пошта арқылы жіберген құжаттары қабылданады.

22. Конкурсқа қатысушылардың құжаты және конкурстық комиссияның материалдары конкурстық комиссияның хатшысында (уәкілетті органның кадр қызметінде) сақталады.

8. Конкурс қатысушыларының құжаттарын қарастыру

23. Конкурсқа қатысушылардың құжаттарын қарастыруды, құжаттардың қабылдануы аяқталғаннан кейін, конкурстық комиссия жүзеге асырады.

24. Конкурстық комиссия 19 тармаққа сәйкес ұсынылған біліктілік талаптарына құжаттардың сәйкестігін талдайды.

25. Ұсынылған құжаттарды талдау негізінде конкурстық комиссия олардың сәйкестік қызметке белгіленген біліктілік талаптарына сәйкестігі туралы және комиссия төрағасының, мүшелері мен хатшысының қолы қойылған хаттама түрінде рәсімделген конкурсқа қатысушыларды сынақтауға жіберу туралы шешімді қабылдайды. Конкурсқа жіберілмеген катысушыларға шешім қабылданғаннан кейін ол туралы конкурстық комиссиясымен ескертіледі.

26. Сынақтауға жіберу туралы шешім әр өткізілген конкурс бойынша конкурстық комиссия бекіткен үміткерлер тізімі түрінде ресімделеді.

27. Конкурстық комиссия хабарландыруды жариялау сатысында сынақтау өткізудің кестесін құрастырады. Кестеге сәйкес конкурстық комиссия сынақтаудың өткізілетін орны мен уақыты туралы үміткерлерді ескертеді.

9. Үміткерлерді сынақтау

28. Сынақтаудың мақсаты болып үміткерлердің қабілеттіліктері мен білімдерін объективті бағалау табылады.

29. Сынақтаудың тәртібі мен бағдарламасы конкурс ұйымдастырушысымен белгіленеді, оның ішінде сынақтаудың бағдарламасына міндетті түрде Қазақстан Республикасының Конституциясы, Қазақстан Республикасы Президентінің Заң күші бар «Мемлекеттік кәсіпорын туралы» Жарлығы, Қазақстан Республикасының «Сыбайлас жемқорлыққа қарсы күрес туралы», Қазақстан Республикасының Азаматтық кодексі бойынша сұрақтар енгізіледі.

30. Үміткердің сынақтау қорытындысы, сынақтаудың бағдарламасы өзгеріссіз қалу шартымен, сынақтау өткізілген сәттен бастап бір жылға тұрақты өзгеріссіз қалады.

31. Алдағы өткен сынақ сәтінен үш ай кейін бір бағдарлама бойынша үміткер сынақтан қайта өтуіне құқылы.

32. Конкурстық комиссиямен белгіленген ең төменгі көрсеткіштен төмен емес баға алған үміткерлер әңгімелесуге жіберіледі. Сынақтау нәтижелері ең төменгі көрсеткіштен төмен үміткерлер әңгімелесуге жіберілмейді. Сынақтаудан өткен үміткерлер конкурстық комиссиямен сынақтаудың нәтижелері туралы ескертіледі. Сонымен қатар, әңгімелесуге жіберілген үміткерлер конкурстық комиссиямен өткізілетін әңгімелесуден өту үшін шақырылады.

10. Үміткерлермен әңгімелесу

33. Әңгімелесудің мақсаты болып үміткерлердің кәсіби және жеке қасиеттерін бағалау табылады.

34. Үміткерлердің кәсіби және жеке қасиеттерін бағалау кезінде конкурстық комиссия мемлекеттік кәсіпорын басшысының тиісті лауазымының біліктілік талаптары мен лауазымдық нұсқаулығына сәйкестігінен туындайды.

35. Әр үміткермен әңгімелесу барысы, оны өткізгеннен кейін төрағамен, конкурстық комиссияның мүшелелерімен, үміткермен, сондай-ақ хаттаманы жүргізген хатшымен қол қойылған, жеке хаттама ретінде ресімделеді.

36. Әңгімелесуді өткен үміткердің құжаттары, конкурстық комиссиямен оның қорытынды отырысында қаралады.

11. Конкурстық комиссияның қорытынды отырысы

37. Қорытынды отырыста конкурстық комиссия үміткерлерді ұсынылған құжаттардың, сынақтаудың қорытындысы және өткізілген әңгімелесудің негізінде бағалайды және олардың қатарынан бос лауазымға орналастыру үшін іріктеуді жүзеге асырады.

38. Конкурстық комиссияның шешімі үміткердің қатысуынсыз ашық дауыс беру жолымен қабылданады.

39. Конкурстық комиссияның шешімі құқылылық деп есептеледі, егер отырыста оның құрамынан кем дегенде 2/3 қатысса.

40. Үміткер, егер ол үшін комиссия құрамынан қатысушыларының көбісі дауыс берген жағдайда, жағымды қорытынды алады. Дауыс беру кезінде дауыстар тең болса, конкурстық комиссиясы төрағасының дауысы шешуші болып табылады.

41. Талқылау барысы және конкурстық комиссиямен қабылданған шешім, конкурстық комиссия төрағасының және комиссия мүшелерінің, сондай-ақ хаттама жазуды жүзеге асырған хатшының қолы қойылған хаттама түрінде ресімделеді.

42. Егер конкурстық комиссиясымен конкурс барысында ұсынылған бос қызмет орнына үміткерлер айқындалмаса, конкурс ұйымдастырушысымен конкурс қайта хабарландырылады.

43. Конкурстық комиссия әңгімелесуден өткен үміткерлерді конкурс қорытындысы туралы оның аяқталған күнінен бастап 5 күн ішінде хабарлайды.

12. Үміткердің лауазымға орналасуы

44. Уәкілетті органның басшысы конкурстық комиссияның жағымды қорытындысын алған үміткерді жарияланған қызметке қабылдауға міндетті. Уәкілетті орган мен мемлекеттік кәсіпорын басшысының арасындағы еңбек қатынастары мемлекеттік кәсіпорын басшысының құқығы, міндеті және жауапкершілігі, оның еңбегінің, демалысының және материалдық қамсыздандыруының шарттары, жеке еңбек келісім—шартының мерзімі, аттестация өткізудің мерзімі мен заңнамамен қарастырылған кепілдер есебімен қызметінен босату негіздемесі белгіленген жеке еңбек келісім-жарты арқылы ресімделеді.

45. Мемлекеттік кәсіпорын басшысының жауапкершілігі мен өкілеттік шеңбері мемлекеттік кәсіпорын туралы қолданылып жүрген заңнамамен, сондай-ақ уәкілетті органымен жасалған жеке еңбек келісім-шартымен белгіленеді.

46. Конкурстық комиссияның жағымды қорытындысын алған азаматпен, жұмысқа қабылдау кезінде әдейі жасалған жалған мәліметтерді ұсыну, сәйкестік бос лауазымына қабылдануынан бас тарту немесе кейін жұмыстан босатылуы үшін негіздеме болып табылады.

13. Шағым беру тәртібі

47. Конкурсқа қатысушылар мен үміткерлердің конкурстық комиссиясының шешімін сот тәртібінде шағымдануларына құқылары бар.

48. Конкурсқа қатысушылар мен үміткерлер тек оларға қатысты конкурстық құжаттамалармен, сынақтау және әңгімелесудің қорытындыларымен танысуға құқылы.

14. Қорытынды ережелер

49. Осы Ереже әділет органында тіркелген сәттен бастап күшіне енеді.

2002 жылғы 14 наурыздағы № 31 шешімімен бекітілген Қостанай облысының мемлекеттік коммуналдық қәсіпорындары басшыларын конкурстық іріктеу және тағайындау Ережесіне 1-қосымша _______________________________ _______________________________ _______________________________ _______________________________ (конкурс ұйымдастырушының атауы) АРЫЗ 200___ж. «____» ____________ «__________________» газетінде хабарланған мемлекеттік коммуналдық кәсіпорнының ___________________________________________________________________ бос қызмет (басшы лауазымының атауы) орнына орналасу конкурсқа қатысуына мені жіберуіңізге өтінемін. Қазақстан Республикасының мемлекеттік коммуналдық кәсіпорындары басшыларын тағайындау және конкурстық іріктеу Ережесінің негізгі талаптарымен таныстым, оларды орындауға міндеттенемін және келісемін. Осымен өзім ұсынған құжаттардың тұпнұсқалығы үшін өзімнің толық жауапкершілігімді растаймын. ________________________ ___________________________ (қолы) (Т.А.Ә.) 200____ж. «_______»_____________

Қазақстан Республикасы Қостанай облысы әкімиятының 2002 жылғы 14 наурыздағы № 31 шешімімен бекітілген Қостанай облысының мемлекеттік коммуналдық кәсіпорындары басшыларын конкурстық іріктеу және тағайындау Ережесіне 2-қосымша Фотосурет үшін орын САУЛНАМА (өз қолымен толтырылады)

1. Тегі__________________________________________________________________________ Аты____________________________________________________________________________ Әкесінің аты____________________________________________________________________

2. Азаматтық___________________________________________________________________ Егер өзгертсеңіз, қашан, көрсетіңіз_________________________________________________

3. Сотталдыңыз ба, қашан және не үшін____________________________________________

4. Сот шешімімен іс-әрекетке қабілетсіз немесе іс-әрекетке шектеулі қабілеті бар деп танылдыңыз ба, қашан және не үшін ______________________________________________________________________________ ______________________________________________________________________________ ______________________________________________________________________________

5. Теріс қылықтар бойынша мемлекеттік қызметтен босатылдыңыз ба, қашан және не үшін _____________________________________________________________________________ 200___ж. «_____»______________ _____________________ (қолы)