Об упорядочении штатной численности учреждений и предприятий здравохранения Күшін жойған

Денсаулық сақтау мекемелері мен кәсіпорындарынын штатты санын ретке келтіру туралы 📌 Ескерту. Күші жойылды - Алматы облысы әкімінің 29.12.2004 № 12-122 шешімімен. Облыстык денсаулық сақтау басқармасының ұсынысын қарай келіп, халыққа медициналық көмек көрсетудің сапасы мен тиімділігін арттыру және Қазақстан Республикасы Президентінің 2001 жылғы 30 желтоқсандағы «2002 жылды - Денсаулық жылы деп жариялау туралы» № 571 Жарлығын жүзеге асыру мақсатында облыс Әкімі ШЕШІМ қабылдады:

1. Денсаулық сақтау мемлекеттік мекемелері мен мемлекеттік қазыналық кәсіпорындарының медициналық және қызмет көрсететін персоналдарының штаттық саны денсаулық сақтауға арналған бюджетте қарастырылған қаржы шегінде № 1,2, 3, 4, 5, 6 қосымшаларға сәйкес жалпы облыс бойынша 936 ставкаға өсірілсін.

2. Облыстық денсаулық сақтау басқармасы (Дүйсекеев А.) мекемелер мен кәсіпорындардың басшыларын: - бір апта мерзімде осы шешімге сәйкес штаттық кестені қайта бекітуді қамтамасыз етуді; - қайта ашылған палаталардын, фельдшерлік пункттердің, қосымша төсек корының кеңейтілу жұмыстарын ұйымдастыруға бақылау жасауды; - жедел жәрдем постыларын қолда бар арнаулы машиналар есебінен арнайы автокөлікпен қамтамасыз етуді міндеттесін.

3. Аудандық бюджеттен қаржыландырылатын денсаулық сақтау мемлекеттік мекемелерінде бухгалтерлік есеп пен есеп беру ісін жүргізу жауапкершілігі селолық дәрігерлік амбулаториялар мен селолық ауруханалардың басшыларына жүктелсін.

4. № 6 қосымшаға сәйкес есеп жүргізетін қызметкерлер енгізілетін мекемелер тізбесін аудандық қаржы бөлімдері бастықтарының келісімі бойынша бағдарлама әкімгерлері анықгасын.

5. Осы шешімнін орындалуын бакылау облыс Әкімінің бірінші орынбасары В.А. Долженковқа жүктелсін.