«Мүгедек балаларды үйде тәрбиелеу мен оқытуға көрсетілетін материалдық көмектің тәртібі мен мөлшерін» бекіту туралы Қолданыста

«Мүгедек балаларды үйде тәрбиелеу мен оқытуға көрсетілетін материалдық көмектің тәртібі мен мөлшерін» бекіту туралы Қазақстан Республикасының 1991 жылғы 21 маусымдағы "Қазақстан Республикасында мүгедектердің әлеуметтік қорғалуы туралы" Заңының 23-бабына сәйкес облыс әкімияты ҚАУЛЫ ЕТЕДІ:

1. "Үйде тәрбиеленетін және оқытылатын мүгедек балаларға көрсетілетін материалдық көмектің" тәртібі бекітілсін.

2. 2002 жылдың 1 қаңтарынан бастап мүгедек балаларды үйде тәрбиелеу мен оқытуға көрсетілетін материалдық көмектің тоқсандық төлем мөлшері 9685 теңге болып бекітілсін.

Облыс әкімиятының 2002 жылғы 18 наурыздағы N 190 қаулысымен бекітілді Үйде тәрбиеленетін және оқытылатын мүгедек балаларға көрсетілетін материалдық көмектің тәртібі Мүгедек балаларды жалпы немесе арнаулы мектептерде тәрбиелеу және оқыту мүмкіндігі болмаған жағдайда, ата-анасының мүмкіншілігі мен тілегіне қарай оларды тәрбиелеу және оқыту үйінде жүргізіледі. Үйінде тәрбиеленетін және оқитын мүгедек балаларға арналған материалдық көмекті ата-аналарының бірінің немесе олардың орнындағы адамның өтініші бойынша мүгедек баланың тұратын жеріне қарайқалалық (аудандық) еңбек және әлеуметтік қорғау бөлімдері тағайындайды. Материалдық көмектағайындау үшін төмендегідей құжаттар тапсырады:

1. Өтініші;

2. Облыстық білім беру басқармасы жанындағы ведомстволық психикалық-медициналық-педагогикалық консультативтік комиссия беретін мүгедек баланы оқыту қажеттілігі туралы анықтама;

3. Тұрғылықты жері туралы анықтама;

4. Тууы туралы куәліктің көшірмесі. Материалдық көмек тоқсан сайын тағайындалып төленеді. Материалдық көмекті көрсететін қаржы көздері аудандық және Қызылорда қалалық бюджеттері болып табылады.