Об утверждении Правил представления уполномоченным органом по контролю за использованием и охраной земель в органы государственных доходов сведений по земельным участкам, предназначенным для строительства объектов и не используемым в соответствующих целях или используемым с нарушением законодательства Республики Казахстан, а также по земельным участкам сельскохозяйственного назначения, не используемым по назначению или используемым с нарушением законодательства Республики Казахстан Күшін жойған

Жерді пайдалану мен қорғауды бақылау жөніндегі уәкілетті органның мемлекеттік кірістер органдарына объектілер салуға арналған және тиісті мақсаттарда пайдаланылмайтын немесе Қазақстан Республикасының заңнамасы бұзыла отырып пайдаланылатын жер учаскелері бойынша, сондай-ақ мақсаты бойынша пайдаланылмайтын немесе Қазақстан Республикасының заңнамасы бұзыла отырып пайдаланылатын ауыл шаруашылығы мақсатындағы жер учаскелері бойынша мәліметтерді ұсыну қағидаларын бекіту туралы «Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 509-бабының 6-тармағына және 564-бабының 11-тармағына сәйкес БҰЙЫРАМЫН:

1. Қоса беріліп отырған Жерді пайдалану мен қорғауды бақылау жөніндегі уәкілетті органның мемлекеттік кірістер органдарына объектілер салуға арналған және тиісті мақсаттарда пайдаланылмайтын немесе Қазақстан Республикасының заңнамасы бұзыла отырып пайдаланылатын жер учаскелері бойынша, сондай-ақ мақсаты бойынша пайдаланылмайтын немесе Қазақстан Республикасының заңнамасы бұзыла отырып пайдаланылатын ауыл шаруашылығы мақсатындағы жер учаскелері бойынша мәліметтерді ұсыну қағидалары бекітілсін.

2. Мыналардың:

1) «Жердiң пайдаланылуы мен қорғалуына мемлекеттiк бақылауды жүзеге асыратын уәкiлеттi органның объектілер құрылысына арналған және тиісті мақсаттарда пайдаланылмайтын немесе Қазақстан Республикасының заңнамасын бұза отырып пайдаланылатын жер учаскелері бойынша мемлекеттік кірістер органдарына мәліметтерді ұсыну қағидаларын бекіту туралы» Қазақстан Республикасы Қаржы министрінің 2015 жылғы 27 наурыздағы № 223 (Нормативтік құқықтық актілерді мемлекеттік тіркеу тізілімінде № 11180 болып тіркелген, Қазақстан Республикасы нормативтік құқықтық актілерінің «Әділет» ақпараттық-құқықтық жүйесінде 2015 жылдың. 1 қазанда жарияланған) бұйрығының;

2) «Уәкілетті мемлекеттік органдардың тиісті мақсаттарда пайдаланылмайтын немесе Қазақстан Республикасының заңнамасын бұза отырып пайдаланылатын жер учаскелерін айқындау және мемлекеттік кірістер органдарына осындай жер учаскелері бойынша мәліметтерді ұсыну қағидаларын бекіту туралы» Қазақстан Республикасы Қаржы Министрінің 2015 жылғы 27 наурыздағы № 223 бұйрығына өзгерістер енгізу туралы Қазақстан Республикасы Қаржы министрінің 2015 жылғы 11 желтоқсандағы № 647 (Нормативтік құқықтық актілерді мемлекеттік тіркеу тізілімінде № 12616 болып тіркелген, Қазақстан Республикасы нормативтік құқықтық актілерінің «Әділет» ақпараттық-құқықтық жүйесінде 2016 жылдың. 18 қаңтарында жарияланған) бұйрығының күші жойылды деп танылсын.

3. Қазақстан Республикасы Қаржы министрлігінің Мемлекеттік кірістер комитеті (А.М. Теңгебаев) заңнамада белгіленген тәртіппен:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрық мемлекеттік тіркелген күннен бастап күнтізбелік он күн ішінде оның қазақ және орыс тілдеріндегі қағаз және электрондық түрдегі көшірмелерін ресми жариялау үшін және Қазақстан Республикасы нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнына жолдауды;

3) осы бұйрықтың Қазақстан Республикасы Қаржы министрлігінің интернет-ресурсында орналастырылуын;

4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Қаржы министрлігінің Заң қызметі департаментіне ұсынуды қамтамасыз етсін.

4. Осы бұйрық алғашқы ресми жарияланған күннен кейін күнтізбелік он күн өткен соң қолданысқа енгізіледі. «КЕЛІСІЛДІ» Қазақстан Республикасы Премьер-Министрінің орынбасары – Қазақстан Республикасының Ауыл шаруашылығы министрі Ө.Е. Шөкеев «___» __________2018 жыл

Қазақстан Республикасы Қаржы министрiнің 2018 жылғы 16 наурыздағы № 376 бұйрығымен бекітілген Жерді пайдалану мен қорғауды бақылау жөніндегі уәкілетті органның мемлекеттік кірістер органдарына объектілер салуға арналған және тиісті мақсаттарда пайдаланылмайтын немесе Қазақстан Республикасының заңнамасы бұзыла отырып пайдаланылатын жер учаскелері бойынша, сондай-ақ мақсаты бойынша пайдаланылмайтын немесе Қазақстан Республикасының заңнамасы бұзыла отырып пайдаланылатын ауыл шаруашылығы мақсатындағы жер учаскелері бойынша мәліметтерді ұсыну қағидалары

1. Осы Жерді пайдалану мен қорғауды бақылау жөніндегі уәкілетті органның мемлекеттік кірістер органдарына объектілер салуға арналған және тиісті мақсаттарда пайдаланылмайтын немесе Қазақстан Республикасының заңнамасы бұзыла отырып пайдаланылатын жер учаскелері бойынша, сондай-ақ мақсаты бойынша пайдаланылмайтын немесе Қазақстан Республикасының заңнамасы бұзыла отырып пайдаланылатын ауыл шаруашылығы мақсатындағы жер учаскелері бойынша мәліметтерді ұсыну қағидалары (бұдан әрі – Қағидалар) «Салық және бюджетке төленетін басқа да міндетті төлемдер туралы» Қазақстан Республикасының Кодексінің (Салық кодексі) 509-бабының 6-тармағына және 564-бабының 11-тармағына сәйкес әзірленген және жерді пайдалану мен қорғауды бақылау жөніндегі уәкілетті органның (бұдан әрі – уәкілетті орган) мемлекеттік кірістер органдарына объектілер салуға арналған және тиісті мақсаттарда пайдаланылмайтын немесе Қазақстан Республикасының заңнамасы бұзыла отырып пайдаланылатын жер учаскелері бойынша, сондай-ақ мақсаты бойынша пайдаланылмайтын немесе Қазақстан Республикасының заңнамасы бұзыла отырып пайдаланылатын ауыл шаруашылығы мақсатындағы жер учаскелері бойынша мәліметтерді (бұдан әрі – мәліметтер) ұсыну тәртібін белгілейді.

2. Уәкілетті орган есепті жылдан кейінгі екінші айдың он бесі күнінен кешіктірілмейтін мерзімде жер учаскесі тұрған жері бойынша мемлекеттік кірістер органына өткен салық кезеңі (күнтізбелік жыл) үшін осы Қағидаларға қосымшаға сәйкес нысан бойынша мәліметтерді жолдайды. Мәліметтер жыл сайын өткен кезендердегі анықталған бұзушылықтар бойынша мәліметтермен осы бұзушылықтарды түпкілікті орындамайынша қайталанып ұсынылады.

3. Мәліметтер, электрондық нұсқасын (флеш – есте сақтау тасымалдағышы ретінде пайдаланатын есте сақтау құрылғысы арқылы, Microsoft Excel форматында) қоса бере отырып, қағаз тасымалдағышында екі данада қазақ және (немесе) орыс тілдерінде жасалады:

1) бірінші данасы уәкiлеттi органда қалады;

2) екінші данасы мемлекеттік кірістер органдарына беріледі.

4. Мемлекеттік кірістер органдарына ұсынылатын мәліметтерге уәкiлеттi органның басшысы не оның алмастыратын тұлға, сондай-ақ мәліметтерді жасауға жауапты лауазымды тұлғаның қолы қойылады және ол мөрмен куәландырылады.

5. Мемлекеттік кірістер органының мәліметтерді қабылдауға жауапты лауазымды тұлғасы тегін, атын, әкесінің атын (ол болған жағдайда), лауазымын және алған күнін көрсете отырып мәліметтерді алғанын растап қолын қояды.

Жерді пайдалану мен қорғауды бақылау жөніндегі уәкілетті органның мемлекеттік кірістер органдарына объектілер салуға арналған және тиісті мақсаттарда пайдаланылмайтын немесе Қазақстан Республикасының заңнамасы бұзыла отырып пайдаланылатын жер учаскелері бойынша сондай-ақ мақсаты бойынша пайдаланылмайтын немесе Қазақстан Республикасының заңнамасы бұзыла отырып пайдаланылатын ауыл шаруашылығы мақсатындағы жер учаскелері бойынша мәліметтерді ұсыну қағидаларына қосымша нысан Индекс: __________________ Кезеңділігі: жылдық. Ұсынатындар: Ұсынатындар: жерді пайдалану мен қорғауды бақылау жөніндегі уәкілетті орган Қайда ұсынылады: аумақтық мемлекеттік кірістер органына Ұсыну мерзімі: есепті жылдан кейінгі екінші айдың 15-і күнінен кешіктірілмейтін мерзімде № Заң­ды тұ­лға­лар­дың ата­уы неме­се же­ке тұ­лға­лар­дың те­гі, аты, әке­сі­нің аты (ол болған кез­де) Биз­нес сәй­кестен­ді­ру нө­мі­рі/же­ке сәй­кестен­ді­ру нө­мі­рі (БСН/ЖСН) Жер учас­ке­сі тұр­ған же­рі жер учас­ке­сі­нің ка­дастр­лық нө­мі­рі Жер учас­ке­сін мақ­сат­ты пай­да­ла­ну Жер учас­ке­сі­нің ала­ңы (гек­тар­мен) жер учас­ке­сі­нің са­на­ты Жер­дің ай­мақ­тық ко­эф­фи­ци­ен­ті Бо­ни­тет ба­лы (ел­ді ме­кен­дер­дің жер­ле­рін қо­с­па­ған­да) Жал­пы ала­ңы оның ішін­де: ти­іс­ті мақ­сат­тар­да пай­да­ла­ныл­май­тын неме­се Қа­зақ­стан Рес­пуб­ли­ка­сы­ның заң­на­ма­сын бұ­за оты­рып пай­да­ла­ны­ла­тын мақ­са­ты бой­ын­ша пай­да­ла­ныл­май­тын неме­се Қа­зақ­стан Рес­пуб­ли­ка­сы­ның заң­на­ма­сы бұ­зы­ла оты­рып пай­да­ла­ны­ла­тын ауыл ша­ру­а­шы­лы­ғы мақ­са­тын­да­ғы 1 2 3 4 5 6 7 8 9 10 11 12 кестенің жалғасы: Үлес ала­ңы (жал­пы үле­стік мен­шік бол­са), гек­тар­мен Бұ­зу­шы­лық тү­рі Тек­се­ру ак­ті­сі­нің кү­ні мен нө­мі­рі Нұс­қа­ма­ның кү­ні мен нө­мі­рі Нұс­қа­ма­ны та­быс ету кү­ні Анық­тал­ған бұ­зу­шы­лық­ты жою кү­ні 13 14 15 16 17 18 ______________________________ (уәкiлеттi мемлекеттік орган басшысының, не оны алмастыратын адамның тегі, аты, әкесінің аты (ол болған кезде) ______________________________ (Мәліметтерді жасауға жауапты лауазымды адамның тегі, аты, әкесінің аты (ол болған кезде) Мәліметтер жасалған күн 20__жылғы «___»__________ _______ (қолы, мөрдің орны) _______ (қолы) _________________________ (Осы мәліметтерді қабылдап алған мемлекеттік кірістер органының лауазымды адамының тегі, аты, әкесінің аты (ол болған кезде), лауазымы) ________________________ (қолы) Мәліметтер қабылданған күн 20___жылғы ___________