О проведении смотра готовности оздоровительных учреждений к работе в летний период Күшін жойған

Сауықтыру мекемелерінің жазғы кезеңдегі жұмысқа дайындығының байқауын өткізу туралы 📌 Ескерту. Күші жойылды – Ақтөбе облысы әкімдігінің 21.12.2004 № 08-3/2691 хаты. "2002 жылды Денсаулық жылы деп жариялау туралы" Қазақстан Республикасы Президентінің 2001 жылғы 30 желтоқсандағы № 751 Жарлығын орындау, жазғы сауықтыру мекемелерінің Материалдық базасын жақсарту мақсатында облыс әкімияты ҚАУЛЫ ЕТЕДІ:

1. Облыстың Ақтөбе қаласы мен аудандарының әкімдері 2002 жылғы мамыр айында сауықтыру мекемелерінің жазғы кезеңдегі жұмысқа дайындығыңың "байқауын өткізсін.

2. Жазғы сауықтыру мекемелерінің басшыларына:

1) сауықтыру мекемелерін тиісті санитарлық-техникалық қалыпқа келтіру және балаларды уақытында қабылдауды қамтамасыз ету;

2) сауықтыру мекемелерін тоңазытқыштық және технологиялық қондырғылармен, қатты және жұмсақ жиһаздармен, асханалық ыдыс-аяқтармен, тиісті сандағы жуушы және дезинфекциялаушы заттармен қамтамасыз ету;

3) сауықтыру мекемелері ашылғанға дейін облыстың санитарлық-эпидемиологиялық қызметінің зертханаларында ауыз суға бактериологиялық және химиялық сараптама жүргізуді қамтамасыз ету;

4) оларды шаюды және дезинфекциялауды қарастыра отырып, ауыз сумен қамтамасыз ету көздерін тиісті санитарлық-техникалық қалыпқа келтіру;

5) жазғы сауықтыру мекемелерінің аумақтарын тазарту және көріктендіру, ойын және спорт алаңдарын дайындау;

6) балалардың тамақтануының үйымдастырылуына тұрақты зертханалық бақылау жүргізу;

7) тез бұзылатын азық-түліктерге ерекше назар аудара отырып, азық-түлік тағамдарын сақтау, тасымалдау, дайындау шарттары мен өткізу мерзіміне қатаң бақылауды қамтамасыз ету;

8) медициналық тексеруден өтпеген адамдарды жұмысқа жібермеу, бактериологиялық сараптама ұйымдастыру және адамдарға гигиеналық білім беруді ұйымдастыру;

9) жазғы сауықтыру мекемелері объектілерінің санитарлық жай-күйін, дезинфекциялық режимін, тағамблогы жұмысының және дайындалатын ас түрлерінің сапасына бақылау жасауды қамтамасыз ету;

10) облыстық санэпидемстанция (Ғ. А. Естекбаев), облыстық білім басқармасы (А. А. Құдайбергенов) байқауды өткізу нәтижелері туралы облыс Әкімінің аппаратын 2002 жылғы 10 маусымға хабардар ету ұсынылсын.

3. Осы қаулының орындалуын бақылау облыс Әкімінің орынбасары А. Қ. Есіркеповке жүктелсін.