Об утверждении Квалификационных требований к аттестации кандидатов в аудиторы Күшін жойған

Аудиторлыққа кандидаттарды аттестаттауға қойылатын бiліктілік талаптарын бекiту туралы Ескерту: Бұйрықтың күші жойылды - ҚР Қаржы министрінің 2006 жылғы 26 шілдедегі N 273 (қолдансқа енгізілу тәртібін 4-тармақтан қараңыз) бұйрығымен . Аудиторлық қызметтi лицензиялаудың тәртiбiн бекiту туралы Қазақстан Республикасы Үкiметiнiң 1999 жылғы 29 маусымдағы N 878 қаулысына сәйкес БҰЙЫРАМЫН :

1. Қоса беріліп отырған аудиторлыққа кандидаттарды аттестаттауға қойылатын бiлiктiлiк талаптары бекiтiлсiн.

2. Бухгалтерлiк есеп және аудит әдiснамасы департаментi белгiленген тәртiппен осы бұйрықтың Қазақстан Республикасының Әдiлет министрлiгiнде мемлекеттiк тiркелуiн қамтамасыз етсiн.

3. Осы бұйрықтың орындалуын бақылау Қаржы вице-министрi Б.Б.Жәмiшевке жүктелсiн.

4. Осы бұйрық Қазақстан Республикасының Әдiлет министрлiгiнде мемлекеттiк тiркелген күнiнен бастап күшiне енедi.

Қазақстан Республикасы Қаржы министрлiгiнiң 2002 жылғы 30 мамырдағы N 248 бұйрығымен бекiтiлген Аудиторлыққа кандидаттарды аттестациялауға қойылатын бiлiктiлiк талаптары

1. Аттестацияға жоғары бiлімі және экономика, қаржы, есептеу-талдау, бақылау-тексеру немесе құқықтық салаларда соңғы жеті жылдың бес жыл ішінде жұмыс тәжірибесі бар тұлғалар, сондай-ақ жоғары оқу орындарында бухгалтерлік есеп және аудит бойынша ғылыми-оқытушылықпен айналысатын және көрсетілген салаларда соңғы бес жылдың кем дегенде екi жылдық тәжірибелiк жұмыс өтiлi бар тұлғалар жiберiледi, ол құжаттық түрде расталуы тиiс.

2. Аудиторлыққа кандидаттар бiлiмнiң мынадай салалары бойынша емтихан тапсыру арқылы өз бiлiктiлiк деңгейiн растауы тиiс: - азаматтық заңнама; - қаржылық есеп; - басқарушылық есеп; - салық салу; - қаржылық менеджмент; - аудит. Ескерту: 2-тармақ жаңа редакцияда жазылды - ҚР Қаржы министрінің 2002 жылғы 17 қазандағы N 503 бұйрығымен .