«Облыс әкімі аппараты жанындагы іс басқармасы» мемлекеттік қазыналық кәсіпорнын жою туралы Қолданыста

«Облыс әкімі аппараты жанындагы іс басқармасы» мемлекеттік қазыналық кәсіпорнын жою туралы Қазақстан Республикасы Президентінің 1995 жылғы 19 маусымдағы № 2335 «Мемлекеттік кәсіпорын туралы» Заң күші бар Жарлығына сәйкес және Қазақстан Республикасының 2001 жылғы 23 қаңтардағы № 148 «Қазақстан Республикасындағы жергілікті мемлекеттік баскару туралы» Заңын басшылыққа алып облыс әкімияты ҚАУЛЫ ЕТЕДІ:

1. «Облыс әкімі аппараты жанындағы іс басқармасы» мемлекеттік қазыналық кәсіпорыны (әрі қарай - кәсіпорын) жойылсын.

2. Жою рәсімдерін өткізу мақсатында қосымшаға сәйкес жою комиссиясы құрылсын.

3. Жою комиссиясы заңнамада белгіленген тәртіппен және мерзімдерде кәсіпорынның жоюын жүргізіп 2002 жылдың 30 маусымынан кешікпей облыс әкімі аппараты басшысына жою балансын бекітуіне ұсынсын.

4. Облыс әкімінің 2000 жылғы 3 қаңтардағы № 125 «Облыс әкімі аппараты жанындағы өндірістік-эксплуатациялық бірлестігін қайта атауы туралы» және облыс әкімінің 1998 жылғы 26 шілдедегі № 771 «Облыс әкімі аппараты жанынан өндірістік-эксплуатациялық бірлестік құру туралы» шешімдерінің күші жойылды деп танылсын.

5. Осы қаулының орындалуына бақылау жасау облыс әкімі аппараты басшысы Ғ. Жарқынбаевқа жүктелсін.