Об объявлении чрезвычайных ситуаций Күшін жойған

Төтенше жағдайды жариялау туралы 📌 Ескерту. Күші жойылды - Батыс Қазақстан облысы әкімдігінің 09.03.2004 № 67 қаулысымен. Облыстың орман және далалық алқаптарында қиын өрт жағдайы қалыптасып отыр, өрт сөндiру бөлiмшелерiнiң тиiстi техникалармен толық жабдықталмауы, жану-жағар май материалдарының жетiспеуi өрт ошақтарын дер кезiнде жоюға мүмкiндiк бермеуде. Қазақстан Республикасының "Қазақстан Республикасындағы жергiлiктi мемлекеттiк басқару туралы" 2001 жылғы 23 қаңтардағы № 148, "Табиғи және техногендiк сипаттағы төтенше жағдайлар туралы" 1996 жылғы 5 шiлдедегi № 19 Заңдарын басшылыққа ала отырып, облыс әкiмдiгi ҚАУЛЫ ЕТЕДI:

1. Ақжайық, Казталовка, Сырым, Қаратөбе, Зеленов, Тасқала, Шыңғырлау, Жаңақала аудандарының аумағында табиғи өрттен қалыптасқан жағдай төтенше деп жариялансын.

2. Облыстық қаржы басқармасы (Хамитов) жергiлiктi атқарушы органдар қорынан мынадай қаржы бөлсiн:

а) облыстық төтенше жағдайлар басқармасына 7000 мың теңге, соның iшiнде: өрт шекараларын анықтау, iс-қимылды үйлестiру, адамдар мен материалдар құндылықтарды көшiру мақсатындағы барлаулық ұшулар үшiн тiкұшақ пайдалануға 2000 мың теңге; табиғи өрт аймақтарына күш пен құралдарды жеткiзуге, жану-жағар май материалдарын сатып алуға және басқа болжанбаған жағдайларға арнап 5000 мың теңге;

б) облыстық Мемлекеттiк өртке қарсы қызметке iрi көлемдегi өрттердi жою үшiн бөлiмшелердi құрал-жабдықпен және техникамен қосымша жабдықтауға 5580 мың теңге.

3. Облыстық төтенше жағдайлар басқармасы (Маючий) төтенше жағдайларды жоюдың кешендi шараларын алсын.

4. Осы қаулының орындалуын бақылау облыс әкiмiнiң орынбасары С.П. Качалоға жүктелсiн.