О создании областного центра по проблемам формирования здорового образа жизни Күшін жойған

Салауатты өмір салтын қалыптастыру мәселелері жөніндегі облыстық орталық құру туралы 📌 Ескерту. Күші жойылды - Павлодар облысы Әділет департаментінің 2004 жылғы 20 қыркүйектегі жергілікті мемлекеттік басқару органдарының нормативті құқықтық актілерін мемлекеттік тіркеуден бас тарту туралы қорытындысымен. Ел Президентінің «Қазақстан – 2030». Барлық қазақстандықтардың өсіп-өркендеуі, қауіпсіздігі, және әл-ауқатының артауы» атты Қазақстан халқына Жолдауын, Қазақстан Республикасы Үкіметінің 1997 жылғы желтоқсанның 3-дегі «Қазақстан Республикасының білім, мәдениет және денсаулық сақтау министрлігінің салауатты өмір салтын қалыптастыру мәселелерінің ұлттық орталығы туралы» № 1678 Қаулысын жүзеге асыру мақсатында:

1. Салауатты өмір салтын қалыптастыру мәселелері жөніндегі облыстық орталық құрылсын, аумақтық орталықтар оған қызмет бабы жағынан бағынатын болсын.

2. Орталықты қаржыландыру облыстық денсаулық сақтау мекемелерінің ұстап тұруға бөлінген бюджеттік қаражат шеңберінде жүзеге асырылсын.

3. Денсаулық сақтау департаменті белгіленген тәртіпте орталық туралы ереже мен оның штаттық кестесін бекітілсін.

4. Қалалар мен аудандардың әкімдеріне денсаулық сақтау мекемелері жүйесінде оңтайландыруды жүргізу есебінен салауатты өмір салтын қалыптастыру мәселелері жөніндегі аумақтық орталықтар құру ұсынылсын.